Éxodo 29 - Tayta Diospa Wilakuynin

Cürakunata churananpaq tantiyasishqan

¹ <

² Saynöpis ruranki alinnin jarinapita levadüraynaq tantata, aceitiwan masarash levadüraynaq tantata y aceitiwan lushipash levadüraynaq llapsha tantatapis. Lapan say tantakunata trïgu jarinapita ruranki.

³ Say rurashqayki tantakunata canastaman winarkur apamunki. Saynöpis turïtuta y ishkan carnikunatapis Tinkunansi Tolduman apamunki.

⁴ <

⁵ Nirkur Aarónta jatipanki tünicata, sotänata, efodta y pectoralta. Saykunata jatiparkur efodpa wachkunwan wachkapanki.

⁶ Saynöpis umanman görrata jatiparkur sagrädu vinchata jananman churapanki.

⁷ Sayno jatiparkur noqata sirvimaq cüra kananpaq Aarónpa umanman sagrädu aceitita winapanki.

⁸ Nirkur Aarónpa surinkunata qayaykur tünicata jatipanki.

⁹ Aarónta wachkunwan wachkapashqaykino paykunatapis wachkapanki. Görrantapis jatipanki. Saynöpami noqata sirvimaq cüra kayänanpaq churanki. Paykuna y paykunapita miraqkuna imayyaqpis sirvimaq cürakunami kayanqa.

¹⁰ <

¹¹ Nirkurnami Tinkunansi Toldu patiucho say turïtuta nawpächo pishtanki.

¹² Yawarninman dëduykita töparkasir altarpa waqrankunata lushinki. Nirkur pusuq kaq yawarta altar chakinman talinki.

¹³ Pacha wiranta, natinnincho kaykaq wiranta y ishkan rurunninkunata wirantinta altarcho rupasinki.

¹⁴ Aysanta, qaranta y ashashnintaqa campamentupita jukläman apaykur rupasinki. Turïtuta altarcho rupasishqaykiqa purificasina sacrificiumi kanqa.

¹⁵ <

¹⁶ Saypitanami pishtaskir yawarninwan altarpa chuskun lädunkunata saqsupanki.

¹⁷ Aysanta cuartusashpaykimi aqishnintapis chakinkunatapis maylanki. Nirkurnami altar jananman umantinta churarkur

¹⁸ lapanta rupasinki. Say rupasishqayki mushkümuptinmi noqa Tayta Dios kushikushaq.

¹⁹ <

²⁰ say carnita pishtanki. Yawarninta shuntarkur Aarónpa y surinkunapa aluq kaq rinrinpa ura puntanta ichiklata lushinki. Saynöpis yawarwan lushinki aluq kaq makinpa y chakinpa maman dëdunkunatapis. Pusuq kaq yawartana altarpa chuskun lädunkunaman saqsupanki.

²¹ Altarta saqsupashqayki yawarta shuntarkur pusuq kaq aceitiwan Aarónta y mödanankunatapis saqsupanki. Saynöla surinkunata y mödanankunatapis saqsupanki. Saynöpami Aarónwan surinkuna noqata sirvimaq cürakuna kananpaq consagrädu kayanqa. Mödanankunapis listunami kanqa jatikurkur sirviyämänanpaq.

²² <

²³ Noqapa nawpächo kaykaq canastapita jorqunki juk jatun tantata, aceitiwan masarash juk tantata y juk llapsha tantatapis. Lapanpis say tantakunaqa levadüraynaqmi kayanqa.

²⁴ Lapan saykunata Aarónta y surinkunata aptapanki noqapa nawpäman joqarir wakman kayman kuyusiyänanpaq.

²⁵ Sayno rurarkuyaptin say tantakunata shuntanki. Nirkur jukaq carnita rupasina sacrificiupaq rupasishqaykinöla saykunatapis altarcho rupasinki. Say rupasishqaykipa mushkuyninmi noqapa shonqüpaqno kanqa.

²⁶ Sirvimaq cüra kayman Aarónta churar pishtashqayki carnipa qasquntapis noqapa nawpäman joqarir wakman kayman kuyusinki. Say aysaqa qampaqmi kanqa.

²⁷ <

²⁸ Aarónpaq y paypita miraqkunapaqpis. Jawka kawakuy sacrificiu cadala noqapaq kaptin saykunata Israel runakunapita imaypis chaskiyanqa. Say nishqäkunaqa imayyaqpis leymi qamkunapaq kanqa.

²⁹ <

³⁰ Tinkunansi Tolduman yaykunanpaq mayqanpis Aarón ayllupita cüra kananpaq churaptin qanchis junaq say mödanata jatiranqa.

³¹ <

³² Say aysata y canastacho pusuq tantata Aarónwan surinkuna Tinkunansi Toldu patiucho mikuyanqa.

³³ Cüra kananpaq churashqanpita purificasina sacrificiu kaptinmi say aysawan tantakuna paykuna mikuyänanpaq kanqa. Cüra mana karqa say sagrädu mikuykunata pipis ama mikunqasu.

³⁴ Tantatawan aysata say junaq mana ushaptinqa pusuq kaqta rupasinki. Saytaqa sagrädu kaptin ama pipis mikunqasu.

³⁵ <

³⁶ Say qanchis junaqyaq waran waran juk turïtuta pishtarkur rupasinki Aarónwan surinkuna purificash kayänanpaq. Saynöpis say rupasishqaykikunaqa altar purificash kananpaqmi kanqa. Nirkur altar jananman aceitita winapanki sagrädu kananpaq.

³⁷ Sayno sacrificiuta waran waran rupasinki qanchis junaqyaq. Saynöpami altar sagräduna kaptin sayta töpaq kaqqa imapis sagrädu rikakunqa.

Altarcho waran waran rupasiyänanpaqpis tantiyasishqan

³⁸ <

³⁹ Jukaq carnishta pasa waraykaptin rupasiyanki y jukaqtana pasa sakaykaptin rupasiyanki.

⁴⁰ Punta kaq carnishpa aysanta altarcho rupasiyashpayki ishkay kïlu alinnin jarinata juk litru olïvupita rurash aceitiwan pichurkur rupasiyanki. Say jananman winapäyanki juk litru vïnuta.

⁴¹ Tutapa rupasiyashqaykinöla jukaq carnishtapis pichuyashqayki jarinatawan altarcho tardipa rupasiyanki. Sayno rupasir vïnutapis jananman winapäyanki. Say rupasishqayki mushkümuptinmi noqa Tayta Dios kushikushaq.

⁴² <

⁴³ Saychömi Israel mayikikunawanpis tinkushaq. Kikï saycho kaptïmi say patiu sagrädu kanqa.

⁴⁴ <

⁴⁵ Israel runakuna kayashqancho tarmi paykunapa Diosnin kasha.

⁴⁶ Saynöpami Tayta Diosnin kashqäta tantiyakuyanqa. Noqami Egiptupita jorqamushkä paykunawan kanäpaq. Paykunapa Tayta Diosninmi noqa kaykä.