Éxodo 26 - Tayta Diospa Wilakuynin

Sagrädu Tolduta rurasinanpaq tantiyasishqan

¹ <

² Say chunka bayëtakunata rurasinki say tamäñulata. Larguyninmi kanqa chunka ishkay metru pulannin (12.5). Anchuyninnami kanqa ishkay metru.

³ <

⁴ Say ishkay bayëtakunapa larguynin kaq kuchunman azul jïlukunata pataparkur ojalnin kananpaq churasinki.

⁵ Pisqa chunka (50) kanqa jukaq bayëtapa kuchunpaq y pisqa chunkanami kanqa jukaq bayëtapa kuchunpaq. Saynöpami ishkan bayëtakunapa ojalninkuna frenti frenti shequräyänanpaq kayanqa.

⁶ Ojalninkunapita shequnaykipaq qoripita pisqa chunka ganchukunata rurasinki. Say ganchukunawan shequsinki ishkan jirayashqan bayëtakunata. Saynöpami juk toldulana kanqa.

⁷ <

⁸ Say bayëtakunaqa lapanpis say tamäñulami kayanqa. Cada bayëtapa larguynin kanqa chunka kimsa metru pulan (13.5). Anchuyninna kanqa ishkay metru.

⁹ <

¹⁰ <

¹¹ Say ojalkunapita shequnaykipaq broncipita rurasinki pisqa chunka ganchukunata. Saywan shequptikimi juk bayëtanölana kanqa.

¹² <

¹³ Say qataraykaq bayëtami rurin kaq bayëtata ishkan lädunpa päsaranqa chusku chunka pisqa (45) centïmetru.

¹⁴ <

¹⁵ <

¹⁶ Cada marcuta rurasinki chusku metru pulan altuta. Anchuynintana rurasinki soqta chunka pisqa (65) centïmetruta.

¹⁷ Marcupura laqaränanpaq cada marcupa chakincho ishkay espïgata rurasinki. Lapan marcukunatapis saynöla rurasinki.

¹⁸ Ishkay chunka (20) marcukunata rurasinki sur kaqläman ichisinaykipaq.

¹⁹ Say marcukuna ichiyänanpaq chusku chunka (40) jawiräkunanta qellaypita rurasinki. Cada marcupa ishkay espïgan kaptinmi cada marcupa ishkay jawiräkunanpis kanqa.

²⁰ Saynöla ishkay chunka (20) marcukunata rurasinki norti kaqläman ichisinaykipaqpis.

²¹ Saykuna ichiräyänanpaqpis qellaypita rurasinki chusku chunka (40) jawiräkunanta. Saynöpami cada marcupaq kanqa ishkay jawiräkunan.

²² <

²³ Qepan kaq esquïnankunapaq mas ishkay marcukunata rurasinki.

²⁴ Say marcukunami esquïnacho tinkuq marcukunaman shumaq laqaranqa. Jana kaq esquïnachömi juk arguëllawan shequranqa. Ishkan esquïnanchöpis marcukunata saynöla ichisinki.

²⁵ Saymi puwaq marcukuna saylächo kanqa. Cada marcupami qellaypita rurash ishkay jawiräkunan kayanqa. Saynöpami saylächo chunka soqta jawiräkunan kanqa.

²⁶ <

²⁷ Saynöla jukaqläpaqpis pisqa travesäñukunata rurasinki. Sagrädu Toldu qepanpaqpis pisqa mas travesäñukunata rurasinki. Say kanqa inti jeqananläpami.

²⁸ Chawpi kaq travesäñuqa juk kuchunpita jukaq kuchunyaqmi marcukunapa päsaranqa.

²⁹ Say marcukunata y travesäñukunatapis qoriwan enchapasinki. Travesäñukuna päsayänanpaqqa qoripita arguëllankunata rurasinki.

³⁰ Kay jirkacho rikasishqätanöla Sagrädu Tolduta rurasinki.

³¹ <

³² Say cortïnata qoripita rurash ganchukunawan acacia qerupita rurash chusku jorconkunaman shequsinki. Say jorconkuna qoriwan enchapashqami kanqa. Jorconkunapa jawiräkuyänan qellaypita rurashqami kanqa.

³³ Cortïna qepanmanna churanki Pactu Babulta. Say cortïnami Lugar Santïsimupita Lugar Santuta rakinqa.

³⁴ Nirkurna Lugar Santïsimucho Pactu Babulta sapananwan saparkunki.

³⁵ Lugar Santuchöna mësatawan candelabruta churanki. Mësata churanki norti kaqläman y candelabrutana churanki sur kaqläman.

³⁶ <

³⁷ Cortïna waqiränanpaq acacia qerupita pisqa jorconkunata rurasinki. Say jorconkunata qoriwan enchapasinki. Nirkur ganchunkunatapis qoripita rurarkasir jorcón puntanman churasinki. Saynöpis jorconkuna ichiräyänanpaq pisqa jawiräkunanta broncipita fundisinki.