Éxodo 25 - Tayta Diospa Wilakuynin

Sagrädu Tolduta rurasinanpaq y ofrendata shuntayänanpaq tantiyasishqan

¹ Sinaí jirkacho kaykaptinmi Moisésta Tayta Dios nirqan:

² <

³ qorita, qellayta, broncita,

⁴ azul, granäti y puka milwa jïlukunata, llanula puskash lïnu jïluta y cabrapa aqsanpita puskash jïlutapis.

⁵ Saynöpis apayämunqa pukaman tiñish uysha pirqashta, fïnu qarata, acacia qeruta,

⁶ candelabru ratananpaq aceitita, sagrädu aceitimanpis inciensumanpis takusinanpaq mushkuq jachakunata,

⁷ ónice rumikunata y wakin kuyaylapaq rumikunatapis. Say rumikuna kayanqa mandaq cürapa efodnintawan pectoralninta adornayänanpaqmi.

⁸ <

⁹ Say tänäpaq Sagrädu Toldutapis manëjunkunatapis rurasinaykipaqmi rikasishayki. Lapantapis rikashqaykitanöla rurasinki.

Pactu Babulta rurasinanpaq tantiyasishqan

¹⁰ <

¹¹ Jananpa y rurinpa qoriwan enchapasinki. Saynöpis intëru kuchunpa qoripita rebëtita rurarkur tumaypa churasinki.

¹² Qoripita chusku arguëllakunata rurarkasir churasinki chuskun chakinkunaman, ishkayta babulpa jukaq lädunman y ishkaytana babulpa jukaq lädunman.

¹³ Acacia qerupita ishkay largu qerukunata rurarkasir qoriwan enchapasinki.

¹⁴ Nirkur say qerukunata arguëlla uchkunpa päsasinki babulta wintuyänanpaq.

¹⁵ Say qerukunata päsasishqaykiqa jinalanchöna kakunqa. Saypita amana jorqusinkinasu.

¹⁶ Say babulman churanki pactu rurashqansita cumpliyänaykipaq kaq mandamientukunata.

¹⁷ <

¹⁸ Saynöpis martilluwan takaylapa ishkay querubinkunata qoripita rurasinki. Nirkur babulpa sapanan ishkan kuchunkunaman churasinki.

¹⁹ Sapanantawan querubinkunata say piëzalata rurasinki. Jukaq querubín kanqa isuq kaqlänincho y jukaqnami kanqa aluq kaqlänincho.

²⁰ Say ishkan querubinkunami riprankuna mashtash frenti frenti babulpa sapananta rikaräyanqa. Saynöpami ishkanpa riprankuna sapananta lantupäyanqa.

²¹ Babul rurinman pactu rurashqansi mandamientukunata churaykur sapananwan saparkunki.

²² Pactu Babulpa sapanan janancho ishkay querubinkuna chawpinpitami Israel runakunata imata ninaykipaq kaqtapis wilashayki.

Tanta churakuna mësata rurasinanpaq tantiyasishqan

²³ <

²⁴ Say mësapa jananta, rurinta y chakinkunatapis qoriwan enchapasinki. Kuchunkunapapis qoripita rurash rebëtita tumaypa churasinki.

²⁵ Saynöpis qanchis centïmetru anchuta listunta tumaypa churasinki. Say jananmannami qoripita rurash juk rebëtita churasinki.

²⁶ Saynöpis chusku arguëllakunata qoripita rurarkasir mësapa chuskun chakinkunaman churasinki.

²⁷ Say arguëllakuna churaräyanqa chakinpita rebëtinman tinkuraqcho. Say arguëllakunapa ishkay largu qerunkunami päsaranqa mësata wintuyänanpaq.

²⁸ Say mësa wintukuna qerukunatapis acacia qerupita rurarkasir qoriwan enchapasinki.

²⁹ <

³⁰ Nawpächo kananpaq say mësaman tantata imaypis churasinki.

Candelabruta rurasinanpaqpis tantiyasishqan

³¹ <

³² Say candelabru soqta rikrayuqmi kanqa. Kimsa rikranmi jukaq lädunpa y kimsami jukaq lädunpa kanqa.

³³ Cada rikrancho kimsa waytakunata rurasinki. Say waytakuna kayanqa almendrupa waytan niraqmi.

³⁴ Candelabrupa chakinchöpis chusku waytankuna kanqa. Say waytakunapis almendrupa waytan niraq kayanqa.

³⁵ Cada rikran tinkuraqcho kanqa juk wayta.

³⁶ Waytankunapis rikrankunapis say piëzala kanqa. Lapanpis qori pürulapita martilluwan takaylapa rurash kanqa.

³⁷ <

³⁸ Mëchapa liptanta jorqunanpaq taksha alicätikunapis y lipta shuntakunan plätu malwakunapis qori pürulapita kanqa.

³⁹ Say candelabruta y lapan manëjunkunata rurasinki kimsa chunka kimsa (33) kïlu qoripita.

⁴⁰ <