Éxodo 24 - Tayta Diospa Wilakuynin

Tayta Diosta Israel runakuna promitiyashqan

¹ Moiséstami Tayta Dios nirqan: <

² Saypita mastaqa noqa kaqman ama witiyämunqasu. Paykunata saycho kachaykur japalaykina wisämunki>>.

³ Sayno niptinmi puntapita Moisés kutiykur Tayta Dios nishqankunata y leyninkunatapis runakunata wilarqan. Saymi lapan niyarqan: <>.

⁴ Awniyaptinmi Tayta Dios nishqankunata Moisés lapanta qelqarqan. Saypita waraynin tutami saka sakala jirka chakincho altarta perqarqan. Nirkurmi Israel runakunapa trïbunkuna chunka ishkay kaptin chunka ishkay wankakunata ichisirqan.

⁵ Saypitanami maqtakunata nirqan törukunata pishtarkur rupasina sacrificiuta y jawka kawakuy sacrificiuta rupasiyänanpaq.

⁶ Törukunata pishtayaptinmi yawarninta matikunaman Moisés chaskirkur altarman pulanta saqsurqan.

⁷ Saypitanami Pactu Libruta runakunata liyiparqan. Sayta wiyarmi niyarqan: <>.

⁸ Sayno awnirkuyaptinmi matikunaman chaskishqan yawarta runakunapa jananman saqsupar Moisés nirqan: <>.

⁹ Saypitanami Sinaí jirkaman wisäyarqan Moisés, Aarón, Nadab, Abiú y qanchis chunka (70) Israel mayor runakunapis.

¹⁰ Saychömi rikayarqan yärakuyashqan Tayta Diosta. Chakin jarurashqanchömi zafiro rumipita rurashno chipipiykaq kaykarqan. Colorninpis ciëlu niraqmi karqan.

¹¹ Tayta Diosta rikarpis say mayor runakuna manami wanuyarqansu. Saychömi mikuyarqan upuyarqan.

Sinaí jirkacho chunka mandamientukunata Moisés chaskishqan

¹² Moiséstami Tayta Dios nirqan: <>.

¹³ Sayno niptinmi Tayta Dios kaykashqan puntaman Moisés wisäyarqan yanapaqnin Josuéwan.

¹⁴ Manaraq aywarmi mayor runakunata nirqan: <>.

¹⁵ Sayno yäsirkur jirkaman Moisés wisaykaptinmi jirkata pukutay sapakurkurqan.

¹⁶ Soqta junaqmi Sinaí jirkata pukutay sapararqan. Say pukutaypitami Tayta Diospa chipipiyninpis rikakämurqan. Qanchis kaq junaqchönami pukutay rurinpita Moisésta Tayta Dios qayarqan.

¹⁷ Tayta Diospa chipipiynintami Israel runakuna rikayarqan nina bunyaypa bunyar rupaykaqtano.

¹⁸ Moisésta Tayta Dios qayamuptinmi puntaman wisashpan pukutay rurinman yaykurqan. Say puntachömi chusku chunka (40) junaq y chusku chunka paqas qoyarqan.