Éxodo 2 - Tayta Diospa Wilakuynin

Moisés yurishqan

¹ Say wisanmi Leví trïbu runa majasakarqan Leví trïbu warmiwan.

² Saypita warmin qeshyaq rikakuptinmi wawan yurirqan olqu. Kuyaylapaq kaptinmi kimsa killa maman pakaräsikurqan.

³ Saypita masta pakaräsiyta manana puëdirnami ututupita canastata awaykur breawan lashtaparkurqan. Canastaman wamrata winarkurnami Nilo mayu kuchun ututukuna chawpinman churaykurqan.

⁴ Churaykurnami itipa paninta nirqan karulapita rikaykänanpaq.

⁵ Saypita mas rätulantanami Faraónpa warmi surin mayuman armakuq aywarqan. Ashmayninkuna mayu kuchunpa rikachakur puriyashqanyaqmi rikarqan ututu chawpincho canasta aynaykaqta. Saymi juk ashmayninta kacharqan canastata jorqamunanpaq.

⁶ Jorqarkamuptinnami canastata kichar iti wamra waqaykaqta tarirqan. Saymi Faraónpa warmi surin wamrata kuyapar nirqan: <>.

⁷ Saymi itipa paninna Faraónpa warmi surinta nirqan: <<¿Alisuraq kanman kay wamrata ashmapäshunaykipaq hebrea warmita qayamuptï?>>

⁸ Niptinmi nirqan: <<¡Jukla pushamuy, ari!>> Niptinmi itipa mamanta say wamra pushamurqan.

⁹ Maman chaykuptinmi Faraónpa surin nirqan: <>. Sayno niptinmi itita ashmapänanpaq apakurqan.

¹⁰ Shaksharkuptinnami Faraónpa surinta entregaykurqan. Paynami kikinpa wawanno kananpaq legitimakurqan. <> nirmi jutisirqan Moisés jutin kananpaq.

Egiptupita Moisés qeshpishqan

¹¹ Saypita Moisés poqukarkurnami juk junaqcho aywarqan hebreo mayinkunaman watukaq. Saychömi rikarqan paykuna fiyupa nakar aruykäyaqta. Saynöpis rikarqan juk Egipto runa hebreo runata maqaykaqta.

¹² Saymi Moisés intërupa rikachakur pitapis mana rikashpan Egipto runata wanurasirqan. Nirkurmi aqusha rurinman pampaykurqan.

¹³ Waraynin junaq Moisés yapay aywarnami ishkay hebreo runakuna kikinpura pelyaykäyaqta tarirqan. Saymi maqaq kaqta nirqan: <>

¹⁴ Saymi nirqan: <> Sayno niptinmi Moisés fiyupa mansakäkurqan. Saymi yarpachakur nirqan: <>.

¹⁵ Egipto runata wanusishqanta Faraón musyaykurmi Moisésta wanusinanpaq ashisirqan. Saymi Moisés qeshpir Madiánpa aywakurqan. Chaykurmi pözu nawpanman jamaykurqan.

Madiáncho Moisés tashqan

¹⁶ Madiánchömi Reuel jutiyuq runa tarqan. Pay karqan madianita runakunapa cüranmi. Paypa jipash surinkuna qanchisnintinmi kayarqan. Pözu nawpancho Moisés jamaraykaptinmi say qanchis jipashkuna chäyarqan papäninpa uyshankunatawan cabrankunata yakusiq.

¹⁷ Wakin misikuqkuna pözuman chaykurmi say jipashkunata qarquyarqan. Qarquykaqta rikarmi jipashkunapa favornin sharkushpan uyshankunata y cabrankunata Moisés yakusirqan.

¹⁸ Jipashkuna rasla kutiyaptinmi papänin tapurqan: <>

¹⁹ Saymi wilayarqan: <>.

²⁰ Saymi surinkunata nirqan: <<¿Maychötaq say runa kaykan? ¿Imanirtaq japalanta kachariykayämushkanki? ¡Ayway qayamuy mikunanpaq!>>

²¹ Reuelpa wayinman chaykurmi paykuna kaqcho täkunanpaq Moisés awnirqan. Saycho taptinmi Reuelqa surin Séforawan Moisésta täsirqan.

²² Saypitanami Séfora qeshyakurqan olqu wamrata. Say itipa jutintami Moisés churaparqan Gersón jutin kananpaq. Say jutita churaparqan <> nishpanmi.

²³ Saypita aska wata päsarkuptinnami Egipto nacionpa mandaqnin rey wanurqan. Israel runakunaqa ashmay kar jinalami fiyupa nakaykäyarqan. Saymi lakikuyashpan jorquykunanpaq Tayta Diosta manakuyarqan.

²⁴ Sayno manakuyashqanta Tayta Dios wiyarqan. Saymi Abrahamwan, Isaacwan y Jacobwan pactu rurashqanta yarpashpan paykunata kuyaparqan.

²⁵ Saynöpis Israel runakuna fiyupa nakaykäyashqantami rikarqan.