Éxodo 18 - Tayta Diospa Wilakuynin

Moisésta suedrun Jetro watukashqan

¹ Madianita runakunapa cüran Jetrumi Moiséspa suedrun karqan. Paymi musyarqan Moisésta y Israel runakunatapis Tayta Dios yanapashqanta. Saynöpis musyarqan Egiptupita Israel runakunata Tayta Dios jorqamushqanta.

² Mas puntalatanami Moisésqa warmin Séforata papänin kaqman kutinanpaq despacharqan. Chaptinmi Jetruqa surin Séforata

³ ishkan wawankunatawan chaskikurqan. Jäpa markacho tash karmi jukaq surinpa jutinta Moisés churaparqan Gersón kananpaq.

⁴ Jukaqpanami jutin karqan Eliezer. Say jutita churaparmi nirqan: <>.

⁵ Say wisanmi sunyaq jirkacho Israel runakunawan Moisés posädaraykäyarqan Tayta Dioswan tinkuna jirka cercancho. Saymanmi wilkankunata y Séforata pushakurkur suedrun Jetro charqan.

⁶ Chaykurmi Moisésta nirqan: <>.

⁷ Saymi suedrun Jetruta chaskikushpan qonqurpakuykur Moisés winchikushpan musarqan. Imano kashqantapis wilapänakurkurnami toldunman yaykuyarqan.

⁸ Saychömi suedrunta Moisés wilaparqan Israel runakunapa favornin sharkur Faraóntawan qatipaq Egipto runakunata Tayta Dios ushakäsishqanta. Saynöpis wilaparqan Egiptupita yarqamur nänicho nakayashqanta y Tayta Dios imano yanapashqantapis.

⁹ Egiptupita Israel runakunata Tayta Dios jorqamushqanta wilapaptinmi Jetro seqaypa kushikur

¹⁰ nirqan: <

¹¹ Egipto runakuna contrayki kaykaqta vincish kaptinmi tantiyakü lapan dioskunapitapis Tayta Dios mas munayyuq kashqanta>>.

¹² Nirkurmi Jetruqa uywata pishtarkur Tayta Diospaq sacrificiuta rupasirqan. Wakin uywakunatapis Tayta Diospa nawpancho pishtarmi Aarónwan y Israel mayor runakunawan aysata mikuyarqan.

Juezkunata Moisés churashqan

¹³ Saypita waraynin junaqmi Israel runakuna quejakuyashqanta arreglananpaq Moisés jamakurqan. Saymanmi tutapita tardiyaq quejakuq aywayarqan.

¹⁴ Moisés qoyati arreglaptinmi suedrun nirqan: <>

¹⁵ Sayno niptinmi Moisés nirqan: <

¹⁶ Ima janalanpis rimanakur noqamanmi shayämun mayqanpis jusayuq kashqanta arreglanäpaq. Nirkurnami paykunata tantiyasï Tayta Diospa estatütunkunata y leyninkunata>>.

¹⁷ Saymi suedrun Jetro nirqan: <

¹⁸ Saynöla rurarqa pasaypami utikankipaq. Saynölami runakunapis utikäyanqa. Saysika runakunata manami japalayki arreglayta atipankipaqsu.

¹⁹ Kanan yäsishqäta shumaq wiyamay. Yäsishqäno ruranaykipaq Tayta Dios yanapaykuläshunki. Tayta Diosta manakur runakunata arreglashqayki alimi kaykan.

²⁰ Saynöpis Tayta Diospa estatütunkunata y leyninkunata yachasishqayki alimi kaykan. Tayta Dios munashqanno kawayänanpaq yachasishqaykipis alimi kaykan.

²¹ Sayno kaptinpis yanapäyäshunaykipaq formal runakunata akray. Paykuna kayäsun Tayta Diosta mansapakuq, mana lulakuq y äshikuyta mana chaskipakuq. Paykunapita wakinta churanki waranqa (1,000) runakunapa jueznin kananpaq, wakintana churanki pachak (100) runakunapa jueznin kananpaq, wakintana churanki pisqa chunka (50) runakunapa jueznin kananpaq y wakintana churanki chunka runakunapa jueznin kananpaq.

²² Say juezkunanami ima quëjutapis arreglayanqa. Arreglayta mana puëdiyashlantanami qamman apayämunqa. Sayno yanapäyäshuptikiqa manami aläpa utikankipaqnasu.

²³ Tayta Dios permitiptin yäsishqäno ruraptikiqa valorniki kanqaraqmi. Quejakuyashqanta shumaq arreglayaptinmi lapan runakunapis kushish wayinman kutikuyanqa>>.

²⁴ Suedrun yäsishqannölami lapanta Moisés rurarqan.

²⁵ Saymi formal runakunata akrarkur wakinta churarqan waranqa (1,000) runakunapa jueznin kananpaq, wakintana churarqan pachak (100) runakunapa jueznin kananpaq, wakintana churarqan pisqa chunka (50) runakunapa jueznin kananpaq y wakintana churarqan chunka runakunapa jueznin kananpaq.

²⁶ Say juezkunanami runakuna quejakuyashqanta waran waran arreglayaq. Arreglayta mana kamäpakuyashqantami isanqa Moisés arreglananpaq apayaq.

²⁷ Saypitanami Moiséspita despidikurir markanpa suedrun kutikurqan.