Éxodo 14 - Tayta Diospa Wilakuynin

Israel runakunata Egipto runakuna qatipäyashqan

¹ Saypitanami Moisésta Tayta Dios nirqan:

² <

³ Saycho kaykäyashqaykita musyarmi Faraón yarpanqa sunyaq jirkacho pantakash puriykäyashqaykita.

⁴ Noqami Faraónpa shonqunta chukruyäsishaq qepaykikunata qatipäyäshunaykipaq. Sayno qatipaykäyäshuptikimi munaynïwan soldädunkunata ushakäsishaq. Saynöpami Egipto runakuna musyayanqa munayyuq Tayta Dios kashqäta>>. Sayno niptinmi yäsishqannöla Israel runakuna rurayarqan.

⁵ Israel runakuna qeshpir aywakuykäyashqantami Faraónta wilayarqan. Saymi Faraónpis y mandäsiqninkunapis pësakuyashpan niyarqan: <<¿Imapaqtaq Israel runakunata kacharishkansi? Kanan ¿pinataq arupämäshun?>>

^6-7 Sayno nirmi soqta pachak (600) alinnin kaq carrëtankunata y wakin kaq carrëtakunatapis kamarirkasir soldädunkunawan qepanta aywayarqan. Cada carrëtachömi juk capitanpis aywarqan.

⁸ Sayno qatipäyänanpaqqa Tayta Diosmi Faraónpa shonqunta chukruyäsirqan. Saymi Israel runakuna yarquyänanpaq Egipto runakunata mansariypaq castïgukunawan Tayta Dios castigaykaptinpis mana tantiyakuypa qatipäyarqan.

⁹ Egipto runakuna soldädunkunawan, carrëtankunawan y cawallunkunawan aywarmi Israel runakuna posädaraykäyashqanman chaykäyarqanna. Israel runakuna posädaraykäyarqan Pi-hahirotpa nawpancho Baal-Zefónpa simpan lamar kuchunchömi.

¹⁰ Soldädunkunawan Faraón taripaykäyashqanta rikaykurmi Israel runakuna pasaypa mansariyashpan salvananpaq Tayta Diosta manakuyarqan.

¹¹ Nirkurmi Moisésta niyarqan: <

¹² Kayta maliciarmi Egiptulachöraq kaykar niyarqä: >>.

¹³ Sayno niyaptinmi Moisés nirqan: <

¹⁴ Ama lakikuyaysu. Tayta Diosmi favorninsi sharkur pelyanqa>>.

Israel runakuna Puka Lamarpa päsayashqan

¹⁵ Saypitanami Moisésta Tayta Dios nirqan: <

¹⁶ Saynöpis tukruykita lamar jananpa toqriy ishkayman yaku rakikänanpaq. Saynöpami Israel runakuna lamar chawpinpa sakipana päsayanqa.

¹⁷ Egipto runakuna qatipäyäshunaykipaq noqami shonqunta chukruyäsishaq. Kananmi Faraónta, soldädunkunata, carrëtankunata y cawallunkunatapis ushakäsiptï munayyuq kashqäta pïmaypis musyanqa.

¹⁸ Faraónta carrëtantinta y cawalluntinta ushakäsiptïmi Egipto runakunapis munayyuq Tayta Dios kashqäta musyayanqa>>.

¹⁹ Saymi Tayta Diospa angilninwan ichiraykaq pukutaypis Israel runakunapa puntanta aywaykashqanpita paykunapa qepanmanna churakarqan.

²⁰ Say ichiraykaq pukutay Israel runakunata Egipto runakuna mana taripäyänanpaqmi saparqan. Egipto runakuna aywayashqanpa pukutay pasaypa sakakurkuptinmi rikayta mana kamäpakur warati aywarpis Israel runakunata taripäyarqansu. Israel runakuna aywayashqanpami isanqa pukutay asikyaparqan.

²¹ Moisésnami makinta lamar jananpa joqarirqan. Saymi inti jeqamunan kaqläpita Tayta Dios warati fiyupa wayräsimur lamarta ishkayman rakirqan. Saymi yaku rakikashqan kaq sakina karqan.

²² Ishkanlächo tapianöraq yaku ichiraptinmi chawpinpa Israel runakuna sakilapana päsayarqan.

²³ Saymi Israel runakunata qatipar Egipto runakunapis Faraónpa cawallunkunawan y carrëtankunawan lamar chawpinyaq yaykuyarqan.

²⁴ Pasa manaraq waraptin pukutaypita y nina ichiraykaqpita Tayta Dios pantakäsiptin Egipto soldädukuna ima ruraytapis kamäpakuyarqansu.

²⁵ Carrëtankunapa ruëdankunatapis Tayta Dios yarqukäsiptinmi aywaytapis kamäpakuyarqannasu. Saymi Egipto runakuna kikinpura ninakuyarqan: <>.

²⁶ Say hörami Moisésta Tayta Dios nirqan: <>.

²⁷ Niptinmi lamar jananpa makinta Moisés joqarirqan. Saymi pasa waraptinna kashqanman yaku kutir Egipto runakuna qeshpiykäyaqta ultaskirqan. Saynöpami lamar chawpincho Egipto runakunata Tayta Dios ushakäsirqan.

²⁸ Rakiraykashqanpita yaku kutirmi Faraónpa carrëtankunatapis, cawallunkunatapis soldädunkunatapis chipyaq nitirqan. Saymi Israel runakunata qatipar yaykuqkunaqa lapan ushakäyarqan.

²⁹ Israel runakunami isanqa ishkan lädunpa tapianöraq yaku rakiraptin sakila simpäyarqan.

³⁰ Say junaqmi Egipto runakunapa makinpita Israel runakunata Tayta Dios qeshpisirqan. Sayno qeshpiykasiptinmi Egipto runakunapa ayankunata Israel runakuna rikayarqan lamar kuchuncho jitaraykäyaqta.

³¹ Egipto runakunata munayninwan Tayta Dios ushakäsishqanta rikaykurmi Israel runakuna mansakur payman y sirviqnin Moisésman yärakuyarqan.