Ester 9 - Tayta Diospa Wilakuynin

Contran sharkuqkunata Israel runakuna wanusiyashqan

¹ Rey Asuero apasishqan ordinta cumpliyänanpaq kaq junaqmi Israel runakunata wanusiyänanpaq contrankuna puestukush shuyakuyarqan. Sayno shuyakuykäyaptinpis manami paykuna yarpäyashqannösu karqan, sinöqa Israel runakunami tikrapäyashpan vinciyarqan. Say junaq karqan chunka ishkay kaq killa chunka kimsa kaq junaqmi. Say killapa jutinmi karqan Adar.

² Contran sharkuqkunata say junaq atacayänanpaqmi rey Asuero mandashqan lapan provinciakunacho Israel runakuna shuntakäyarqan. Sayta rikaykurmi contrankunaqa pasaypa mansariyashpan atacaytapis valurayarqannasu.

³ Rey Asuero mandashqan kaq lapan provinciakunacho Mardoqueo mas munayyuq rikakuptinmi maysaychöpis pay nishqanta rurayaq. Saymi Mardoqueuta mansapakuyashpan lapan provinciakunapa mandaqninkuna, reyta mandäsiqninkuna y markakunapa autoridäninkunapis Israel runakunapa favornin sharkuyarqan.

⁴ Reypa palaciuncho wakinpita mas respitash kaptinmi Mardoqueuta mansapakuyarqan. Munayyuq kashqanqa maysay provinciakunachömi mayakarqan. Saymi Mardoqueutaqa waranlan waranlan pïmaypis respitayarqan.

⁵ Jitapashqan junaqnami Israel runakuna contran sharkuqkunata espädawan wanusir ushayarqan.

⁶ Susa markalachömi wanusiyarqan pisqa pachak (500) runakunata.

⁷ Saynöpis wanusiyarqan Parsandatata, Dalfónta, Aspatata,

⁸ Poratata, Adalíata, Aridatata,

⁹ Parmastata, Arisaita, Aridaita y Vaizatata.

¹⁰ Paykunaqa Amánpa chunka surinkunami kayarqan. Wanusirpis paykunapataqa manami imantapis apayarqansu.

¹¹ Susa markacho aykaqta wanusiyashqantapis musyaykurmi say junaqla rey Asuero

¹² reina Esterta nirqan: <>.

¹³ Saymi Ester nirqan: <>.

¹⁴ Saymi Ester ruwakushqannöla Susa markacho Israel runakuna contrankunata waraynin junaqpis wanusiyänanpaq rey Asuero wilakasirqan. Saynöpis Ester ruwakushqannölami Amánpa chunka surinpa ayankunatapis qeruman tuyrisirqan.

¹⁵ Saymi Adar killa chunka chusku junaqcho Israel runakuna Susa markacho yapay shuntakäyarqan. Say junaqnami kimsa pachak (300) runakunata wanusiyarqan. Paykunata wanusirpis manami imantapis apayarqansu.

¹⁶ Rey mandashqan provinciakunachöpis Israel runakuna shuntakäyarqan contrankunapita defiendikuyänanpaqmi. Saymi tikrapar wanusiyarqan qanchis chunka pisqa waranqa (75,000) runakunata. Sayno wanusirpis manami imantapis apayarqansu.

¹⁷ Provinciakunacho sayno rurayarqan Adar killa chunka kimsa kaq junaqmi. Chunka chusku kaq junaqnami Israel runakuna kushikuyashpan mikur upur fiestata rurayarqan.

¹⁸ Susa markacho taq Israel runakunanami chunka kimsa junaqcho y chunka chusku junaqcho defiendikuyarqan. Saynöpami paykunaqa chunka pisqa junaqchöraq kushikuyashpan mikur upur fiestata rurayarqan.

¹⁹ Kananyaqmi muralläni taksha markakunacho taq y jalqacho taq Israel runakuna Adar killa chunka chusku junaqcho kushikuyashpan fiestata rurar jukninpis jukninpis mikuyta yawasinakuyan.

Purim fiestata rurayänanpaq Mardoqueo nishqan

²⁰ Say päsashqankunatami Mardoqueo lapanta qelqarqan. Nirkurnami rey Asuero mandashqan provinciakunacho taq Israel runakunaman karucho taptinpis cercacho taptinpis cartata apasirqan.

²¹ Say cartachömi ordenarqan cada wata Adar killa chunka chusku junaqcho y chunka pisqa junaqcho mana qonqaypa fiestata rurayänanpaq.

²² Fiestata rurayänanpaq sayno nirqan Israel runakuna contrankunata vincir kushikuyashqanta imaypis mana qonqäyänanpaqmi. Saynöpis nirqan fiestata rurayashpan kushishla mikur upur jukninpis jukninpis mikuyta yawasinakuyänanpaq y pobrikunata imalatapis makyayänanpaqmi.

²³ Saymi Mardoqueo lapan nishqankunata Israel runakuna mana qonqaypa kananyaqpis ruraykäyan.

²⁴ Israel runakunapa contran sharkushpanmi Agagpa ayllun Hamedatapa surin Amánqa suertita jitarqan Israel runakunata wanusir ushakäsiyänanpaq.

²⁵ Rey Asuero kaqman aywaykur Ester ruwakuptinnami juk ordinta qelqarkasir apasirqan Amánta ushakäsinanpaq. Say ordinchömi nirqan: <>. Saynöpami Amántawan surinkunata wanuykasir qeruman tuyrisirqan.

²⁶ Saykunata yarparmi Israel runakuna imaypis fiestata rurayan. Suerti jitaypa jutin Purim kaptinmi say fiestata Purim niyan. Fiyupa nakayashqanta yarpar y imano päsayashqanta yarparmi Mardoqueo cartakushqannöla

²⁷ say fiestata rurayan. Saynöpis cartacho nishqanno Israel runakunapa miraqninkunapis y Israel runa kayman yaykuqkunapis cada wata mana qonqaypa ishkay junaq say fiestata rurayan.

²⁸ Say cartachömi nirqan lapan Israel runakuna may provinciachöpis may markachöpis fiestata cada wata rurayänanpaq. Saynöpami Israel runakuna imaypis qonqäyansu contrankunata tikrapar ushakäsishqanta.

²⁹ Saypitanami say cartacho nishqanno Abihailpa surin reina Esterwan Mardoqueo mas juk cartatapis Purim fiestata rurayänanpaq qelqayarqan.

³⁰ Nirkurmi say cartata apasiyarqan rey Asuero mandashqan pachak ishkay chunka qanchis (127) provinciakunaman. Say cartacho valurasirmi

³¹ punta kaq cartacho niyashqannöla Mardoqueuwan reina Ester ordenayarqan Israel runakuna y paykunapita miraqninkunapis say nishqan junaqkunacho Purim fiestata rurayänanpaq. Saynöpis say cartacho niyarqan Israel runakuna ayünuta rurayänanpaqpis.

³² Purim fiestata rurayänanpaq Ester apasishqan cartaqa punta kaq cartacho Mardoqueo nishqannölami nirarqan. Fiestata rurayänanpaq ordenashqantaqa lapantami libruman qelqayarqan.