Ester 7 - Tayta Diospa Wilakuynin

Amánta wanusiyashqan

¹ Saypitanami rey Asueruwan Amán aywayarqan Ester yanukasishqan mikuyta mikuq.

² Say junaqpis mikur upur jamaraykashqanchömi yapay rey Asuero reina Esterta nirqan: <>.

³ Saymi Ester nirqan: <

⁴ Lapan Israel mayïkunatawan wanusiyämänanpaqnami kaykäyan. Ashmay kayänäpaq maysaymanpis rantikayämaptinqa manami imatapis parlakümansu ni umaykitapis nanäsïmansu. Wanusiyämänanpaq kashqanta musyarmi ruwakulä>>.

⁵ Sayno niptinmi rey Asuero nirqan: <<¿Pitaq sayno wanusishunaykipaq yarpaykan? ¿Maychötaq kaykan say runa?>>

⁶ Saymi Ester nirqan: <<¡Wanusiyämänanpaq yarpaq runaqa kay Amánmi kaykan!>> Sayta wiyaykurmi Amánqa reypa y reinapa nawpancho cëratayparaq mansakarqan.

⁷ Fiyupa rabyakushpanmi rey Asuero mikuykashqanpita sharkurkur yarqurqan patiu kaqpa. Sayno rabyakurkuptinmi Amánqa pasaypa mansakashpan Esterta ruwakurqan rey Asuero mana wanusinanpaq.

⁸ Patiupita rey Asuero kutiykurnami Amánta tarirqan reina Ester wequraykaqta makalakurkur ruwakuykaqta. Saymi fiyupa rabyakushpan nirqan: <> Rey Asuero sayno niptinmi wardiakuna jukla Amánta sariykur umanta qepiskiyarqan.

⁹ Say hörami Harbona jutiyuq eunucu nirqan: <>. Saymi rey Asuero nirqan: <<¡Sayman kikinpa ayanta tuyriyay!>>

¹⁰ Saynöpami Amánpa ayanta Mardoqueupaq jawisishqan qeruman tuyrisiyarqan. Sayno ruraskiyaptinmi rey Asuerupa rabyaynin päsaskirqan.