Ester 4 - Tayta Diospa Wilakuynin

Israel runakunapa favornin sharkunanpaq Esterta Mardoqueo ruwakushqan

¹ Say ordinta maysaymanpis apayashqanta musyaykurmi Mardoqueuqa pasaypa lakikushpan mödanantapis rachiriykurqan. Nirkurnami qachqa mödanata jatikurkur uchpata umanman winakurkur cällikunapa waqar purirqan.

² Sayno waqaraykarmi charqan reypa palaciun punkuyaq. Say niraq mödanash palaciuman pipis mana yaykuptinmi ruriyaqqa yaykurqansu.

³ Mardoqueo lakikushqannölami maysay provinciakunachöpis rey Asuero apasishqan ordinta musyaykur Israel runakuna fiyupa lakikuyarqan. Sayno lakikur waqayashpanmi qachqa mödanan jatish uchpa jananman jitakaykur ayunayarqan.

⁴ Esterpa ashmaynin warmikuna y payta cuidaq eunucukunami Mardoqueuta rikayarqan qachqa mödanan jatish puriykaqta. Sayta wilayaptinmi reina Ester fiyupa lakikushpan mödanata apasirqan Mardoqueo trukakunanpaq. Sayno apasiptinpis manami trukakuyta munarqansu.

⁵ Saymi Atacta qayaykasir Ester kacharqan Mardoqueo imanir sayno puriykashqanta tapumunanpaq. Hatacqa karqan Esterta cuidaq wardiakunapa capitanninmi.

⁶ Saymi reypa palaciun frentin kaq pläzaman Hatac aywarqan Mardoqueuwan parlananpaq.

⁷ Hatac tapuptinmi Mardoqueo wilarqan Israel runakunata maysaychöpis ushakäsiyänanpaq ordinta Amán apasishqanta. Saynöpis wilarqan gastukunapaq ayka qellayta Amán puestunanpaq nishqanta.

⁸ Nirkurnami Israel runakunata ushakäsiyänanpaq kaq ordinta Ester liyinanpaq Hatacta Mardoqueo apasirqan. Entregaykurmi Hatacta nirqan: <>.

⁹ Saymi Hatac kutiykur Esterta wilarqan Mardoqueo nishqanta.

¹⁰ Sayno wilaptinmi Hatacta Ester yapay kacharqan Mardoqueuta ninanpaq:

¹¹ <>.

¹² Hatac sayno wilaptinmi Mardoqueo

¹³ encargakurqan Esterta ninanpaq: <

¹⁴ Rey Asueruta mana ruwakuptikiqa Israel runakunata salvananpaq jukläpitami shamunqa. Noqansitami isanqa lapansita ushakäsimäshun. Capazchir Israel runakunapa favornin ruwakunaykipaqpis reina kayman chashkanki>>.

¹⁵ Sayno wilaptinmi Esterqa Hatacta yapay kacharqan Mardoqueuta wilananpaq:

¹⁶ <>.

¹⁷ Saymi Mardoqueuqa Ester nishqannöla lapanta rurarqan.