Ester 3 - Tayta Diospa Wilakuynin

Mardoqueuta Amán wanusiyta munashqan

¹ Saypitanami rey Asuero churarqan Hamedatapa surin Amánta mandashqan kaq provinciakunacho lapan mandaqkunapa mandaqnin kananpaq. Amánqa Agag ayllu runami karqan.

² Sayno churaykurmi rey Asuero ordenarqan palaciucho aruqkuna qonqurpakuykur y umpuykurraq Amánta winchikuyänanpaq. Sayno mandaykaptinpis Mardoqueuqa manami qonqurpakurqansu ni umpurqansu.

³ Saymi palaciu punkucho aruqkuna Mardoqueuta tapuyarqan: <<¿Imanirtaq rey Asuero ordenashqanta cäsukunkisu?>> nir.

⁴ Waran waran niyaptinpis Mardoqueo manami Amánta winchikunanpaq qonqurpakurqansu. Israel runa kashqanta Mardoqueo wilaykuptinmi Amánman aywaykur wilayarqan: <> nir. Sayno wilayarqan Amán imata rurananpaq kashqantapis rikayta munarmi.

⁵ Mardoqueo mana qonqurpakushqanta y mana umpukushqanta rikaykurnami Amánqa fiyupa rabyanarqan.

⁶ Israel runa kashqanta musyaykurmi yarpachakurqan: <> nir.

Israel runakunata wanusiyänanpaq ordinta maysaymanpis apasishqan

⁷ Chunka ishkay watana rey Asuero mandaq kaykaptinmi punta kaq killa Amánpa nawpancho suertita jitayarqan. Say suerti jitaypa jutinmi karqan Pur. Punta kaq killapa jutinnami karqan Nisán. Sayno suertita jitayarqan mayqan junaqcho y mayqan killachöpis Amán yarpashqanno Israel runakunata wanusiyänanpaqmi. Suertita jitayaptinmi yarqamurqan chunka ishkay kaq killa kimsa kaq junaq. Chunka ishkay kaq killapa jutinmi karqan Adar.

⁸ Saymi Amánqa rey Asuero kaqman aywaykur nirqan: <

⁹ Awniptikiqa say ayllu runakunata ushakäsinansipaq maysaymanpis ordinta apasishun. Nishqäta awniptikiqa noqami puestumushaq kimsa pachak kimsa chunka waranqa (330,000) kïlu qellayta gastukunapaq>>.

¹⁰ Amán sayno niptinmi rey Asueruqa sëllakunan sortïjanta jorquskir Israel runakunapa contran Amánta aptaparqan paypa jutincho ordinta sëllananpaq.

¹¹ Nirkurmi nirqan: <>.

¹² Saymi punta kaq killa chunka kimsa kaq junaqcho rey Asuerupa secretariunkunata Amán qayaykasir ordinta qelqasirqan. Rey mandashqan provinciakunacho y markakunacho aska idiömata parlayaptinmi say ordinta qelqayarqan lapan idiömakunacho y runakuna imanöpis qelqayashqan estïluncho. Qelqarkasirnami apasirqan reyta mandäsiqninkunapaq, lapan provinciakunapa mandaqninkunapaq y rey mandashqan nacionkunapa autoridäninkunapaqpis. Ordincho nishqanta cumpliyänanpaqmi rey Asuerupa jutinta churarkur anïllunwan sëllayarqan.

¹³ Say qelqayashqan ordintami maysay mandashqan provinciakunaman apasirqan. Say ordinchömi nirqan juk junaqlacho awkintapis, maqtatapis, wamratapis, warmitapis lapan Israel runakunata wanusiyänanpaq. Saynöpis nirqan wanusiyashqan Israel runakunapa lapan imaykantapis apakuyänanpaq. Sayno wanusiyänanpaq jitapashqan junaqmi karqan chunka ishkay kaq killacho kimsa kaq junaq. Say killapa jutinmi karqan Adar.

¹⁴ Say nishqanta cumpliyänanpaqmi maysaymanpis ordinta apasiyarqan. Saymi rey mandashqan lapan provinciakunacho y markakunachöpis musyayarqan. Saynöpami maysaychöpis runakuna kamarikuyarqan jitapashqan junaq Israel runakunata wanusiyänanpaq.

¹⁵ Ordinta apayänanpaq rey niptinmi kachashqan runakuna jukla aywayarqan. Saynölami Susa markachöpis say ordincho nishqanta lapan runakuna musyaykur pasaypa mansakäyarqan. Rey Asueruwan Amánmi isanqa kushikuyashpan upyayarqan.