Ester 10 - Tayta Diospa Wilakuynin

Israel mayinkunapaq Mardoqueo alita rurashqan

¹ Rey Asueruqa impuestukunata cobrasirqan lapan mandashqan nacionkunacho taqkunata y lamar kuchuncho taqkunatapis.

² Rey Asuero lapan rurashqankunaqa juk libruchömi qelqaraykan. Saynölami Mardoqueo lapan rurashqankunapis say librucho qelqaraykan. Say librulachömi qelqaraykan Mediacho y Persiacho mandashqan reykuna rurayashqankunapis.

³ Mardoqueutami rey Asuero churarqan lapan mandäsiqninkunapitapis mas munayyuq kananpaq. Saynöpis favornin sharkushqanpitami Mardoqueuta Israel mayinkuna maysaychöpis respitayaq.