Esdras 8 - Tayta Diospa Wilakuynin

Babiloniapita Jerusalénman aywaq cada ayllupa mandaqnin pï kashqanpis

¹ Kay listachömi qelqaraykan Babiloniapita Jerusalénman shamuq cada ayllupa mandaqninpa jutinkuna. Paykunami noqawan shayämurqan Artajerjes rey kaykänan wisan:

² Fineespita miraq Gersón; Itamarpita miraq Daniel; Davidpita miraq Hatús

³ (Hatúsqa Secaníaspa surinmi karqan); Paruspita miraq Zacarías (paywanmi pachak pisqa chunka (150) runakuna padrunakuskir shayämurqan);

⁴ Pahat-moabpita miraq Zeraíaspa surin Elioenai (paywanmi ishkay pachak (200) runakuna shayämurqan);

⁵ Zatupita miraq Jahazielpa surin Secanías (paywanmi kimsa pachak (300) runakuna shayämurqan);

⁶ Adínpita miraq Jonatánpa surin Ebed (paywanmi pisqa chunka (50) runakuna shayämurqan);

⁷ Elampita miraq Atalíaspa surin Isaías (paywanmi qanchis chunka (70) runakuna shayämurqan);

⁸ Sefatíaspita miraq Micaelpa surin Zebadías (paywanmi puwaq chunka (80) runakuna shayämurqan);

⁹ Joabpita miraq Jehielpa surin Abdías (paywanmi ishkay pachak chunka puwaq (218) runakuna shayämurqan);

¹⁰ Banípita miraq Josifíaspa surin Selomit (paywanmi pachak soqta chunka (160) runakuna shayämurqan);

¹¹ Bebaipita miraq Bebaipa surin Zacarías (paywanmi ishkay chunka puwaq (28) runakuna shayämurqan);

¹² Azgadpita miraq Hacatánpa surin Johanán (paywanmi pachak chunka (110) runakuna shayämurqan);

¹³ Elifelet, Jeiel y Semaías (paykunami kayarqan Adonicampita miraqkuna. Say ayllucho paykunami mas maqta kayarqan. Paykunawanmi soqta chunka (60) runakuna shayämurqan);

¹⁴ Utaiwan Zabud (paykunami Bigvaipita miraqkuna kayarqan. Paykunawanmi qanchis chunka (70) runakuna shayämurqan).

Jerusalénman aywayänanpaq kamarikuyashqan

¹⁵ Noqa Esdrasmi lapan say runakunata shuntarqä Ahava markapa päsaq mayu kuchunman. Saychömi kimsa junaq lapäkuna qoyäyarqä. Cürakunata y mana cürakunata listata qayaptïmi levitakuna ni juklaylapis kayarqansu.

¹⁶ Saymi qayasirqä Eliezerta, Arielta, Semaíasta, Elnatánta, Jaribta, Elnatánta, Natánta, Zacaríasta y Mesulamta. Paykunaqa kayarqan mayor runakunami. Saynöpis qayasirqä Joiaribta y Elnatánta. Paykunami kayarqan leykunata yachasiq runakuna.

¹⁷ Lapan say runakunatami kacharqä Casifia markacho taq mayor runa Idduwan parlayänanpaq. Iddo y ayllunkunaqa templucho sirviq levitakunami kayarqan. Manaraq kacharmi yäsirqä paykunata ruwakuyänanpaq <> nir.

¹⁸ Chaykur yäsishqäno ruwakuyaptinmi Serebíasta, surinkunata y wawqinkunata kachayämurqan. Paykunami kayarqan chunka puwaq runakuna. Serebíasqa imaykatapis yachaq runami kaykan. Payqa Levípa surin Mahli ayllu runami kaykan. Kuyapäkuq Tayta Diosninsitami agradëcikü sayno kachamushqanpita.

¹⁹ Saynölami Merari ayllu Hasabíasta y Jesaíastapis kachayämurqan. Paykunami kayarqan surinkunawan y wawqinkunawan ishkay chunka (20) runakuna.

²⁰ Levitakunata templucho yanapäyänanpaqmi ishkay pachak ishkay chunka (220) runakunata kachayämurqan. Paykunapa unay ayllunkunatami rey David y mandäsiqninkuna templucho sirviyänanpaq churayarqan. Say kachamushqan runakunatami padrunayarqä.

²¹ Saypitanami Ahava mayu kuchuncho lapan runakunata nirqä: <

²² Suwakunapita sapämänansipaq soldädunsikunapis manami kansu. Reytapis maynami kayno nishkä: . Reyta sayno nish karmi penqakü cawallun loqash soldädunkunawan yanapämänansipaq manakuyta>>.

²³ Israel mayïkunata sayno wilaparkurmi Tayta Diosninsi sapäyämänanpaq ayunar payta manakuyarqä. Sayno manakuyaptïmi nänicho shumaq yanapäyämarqan.

²⁴ Nirkurnami akrarqä chunka ishkay mandaq cürakunata. Paykunami kayarqan Serebías, Hasabías y chunka cüra mayinkuna.

²⁵ Paykunatami pësaparqä qellayta, qorita y manëjukunatapis. Saykunatami reypis, yäsiqninkunapis, mandäsiqninkunapis y Babiloniacho taq lapan Israel runakunapis Tayta Diosninsipa templunpaq kamaripäyämarqan.

²⁶ Pësapaptïmi karqan ishkay chunka juk waranqa chusku pachak pisqa chunka (21,450) kïlu qellay y kimsa waranqa kimsa pachak (3,300) kïlu qori. Saynöpis karqan qellaypita rurash pachak (100) manëjukuna

²⁷ y qoripita rurash ishkay chunka (20) tazonkuna. Say tazonkunami lasarqan puwaq kïlu. Saynöpis karqan alinnin broncipita rurash kuyaylapaq ishkay väsu. Say väsukunaqa imayka qoripita ruraraqmi chaniyuq kayarqan.

²⁸ Entregaykurnami say mandaq cürakunata nirqä: <

²⁹ Mandaq cürakunata, levitakunata y Israel autoridäkunata Jerusaléncho entregayänaykipaq shumaq següru apayay. Paykunami pësarkur Jerusalén templucho kaykaq almacén cuartuman churayanqa>>.

³⁰ Sayno nir entregaykuptïmi Tayta Diosninsipa templunman apayänanpaq pësashqan qellayta, qorita y kuyaylapaq kaqkunatapis cürakuna y levitakuna chaskiyarqan.

Jerusalénman chäyashqan

³¹ Punta kaq killa chunka ishkay junaqchömi Ahava mayu kuchuncho shuntaraykäyashqäpita Jerusalénpa shayämurqä. Shayämuptïmi Tayta Diosninsi sapäyämarqan chikimaqnïkunapita y asaltantikunapitapis.

³² Jerusalénman chaykamurmi kimsa junaq jamayarqä.

³³ Chusku kaq junaqchönami apayämushqan qellayta, qorita y kuyaylapaq kaqkunata Tayta Diosninsipa templuncho pësarkasir Uríaspa surin cüra Meremotta entregayarqan. Paywanmi kaykarqan Fineespa surin Eleazar, Josuépa surin Jozabad y Binúipa surin Noadías. Jozabadwan Noadíasqa levitakunami kayarqan.

³⁴ Say junaqlami lapanta pësarkur yupayarqan. Nirkurnami aykata chaskiyashqantapis acta libruman qelqayarqan.

³⁵ Saypitanami Jerusalénman noqawan shamuqkuna Israel runakunapa jutincho sacrificiuta rupasiyänanpaq cürakunaman entregayarqä chunka ishkay turïtukunata, esqun chunka soqta (96) carnikunata y qanchis chunka qanchis (77) carnishkunatapis. Saynölami purificasina sacrificiupaqpis chunka ishkay chïvukunata entregayarqä. Saykunatami Tayta Diosta adorar lapanta rupasiyarqan.

³⁶ Nirkurnami rey Artajerjes apasimashqan cartata apasirqä saycho taq autoridäkunaman y gobernadorkunamanpis. Cartacho rey ordenashqannölami runakunapaq y Tayta Diospa templunpaq imaykata kamaripäyämarqan.