Esdras 5 - Tayta Diospa Wilakuynin

¹ Templuta arur sïguiyänanpaqmi Iddupa surin profëta Zacarías y profëta Hageo Jerusaléncho y Judácho taq Israel runakunata Tayta Dios revelashqanta wilayarqan.

² Saymi Salatielpa surin Zorobabel y Josadacpa surin Jesúa Tayta Diospa templunta Jerusaléncho yapay arusir qalaykasiyarqan. Tayta Diospa profëtankunapis arüsiyashpan saychömi kaykäyarqan.

³ Sayta musyaykurmi say provinciapa gobernadornin Tatnai, Setar-boznai y mandäsiqninkuna aywaykur Israel runakunata niyarqan: <<¿Pitaq qamkunata ordenayäshushkanki kay templuta yapay sharkasiyänaykipaq?>>

⁴ Mastapis niyarqan: <>.

⁵ Sayno niyaptinpis Israel mayor runakunata mana michäyänanpaqmi gobernador Tatnaita Tayta Dios tantiyasirqan. Saymi Tatnai, Setar-boznai y mandäsiqninkuna kayno niyarqan: <>.

⁶ Kaychömi qelqaraykan rey Daríuman cartakuyashqan. Kay cartatami gobernador Tatnai, Setar-boznai y mandäsiqninkuna cartakuyarqan.

⁷ Say cartachömi nirqan: Tayta mandaq Darío, qamtami winchikayämü.

⁸ Noqakunami Judá provinciaman aywayashkä munayyuq Tayta Diospa templun kashqan kaqman. Saychömi rikayashkä Israel runakuna jatusaq rumikunawan templunta yapay sharkaykäsiyaqta. Saynöpis rikayashkä templuta perqarkur tablakunawan entablaykäyaqtami. Aruqkunaqa jukla ushayta munarmi empëñu aruykäyan.

⁹ Sayta rikaykurmi Israel mayor runakunata tapuyashkä: <<¿Pitaq ordenayäshushkanki templuta yapay sharkasiyänaykipaq?

¹⁰ Reyta wilayänäpaq arusiqkunapa jutinkunata wilayämay>> nir.

¹¹ Saymi niyämash: <

¹² Saypita aska watakuna päsarkuptinnashi unay ayllükuna jana pasacho kaykaq Tayta Diosta fiyupa rabyanäsiyänaq. Sayno rabyanäsiptinshi Tayta Dios paykunata kachapariykunaq Babilonia nacionpa mandaqnin rey Nabucodonosorpa munayninman. Say reyshi kay templuta juchusir unay ayllükunata Babiloniaman prësu apanaq.

¹³ <

¹⁴ Sayshi Babiloniacho kaykaq templupita jorqur qoripita y qellaypita rurash manëjukunata Jerusalén templuman kutisiyänanpaq rey Ciruqa Sesbasarta entreganaq. Payta entreganaq Judácho gobernador kananpaq churarkurshi. Say manëjukunataqa Babiloniapa unay mandaqnin rey Nabucodonosorshi Tayta Diospa templunpita Babiloniacho kaykaq templunman apanaq.

¹⁵ <.

¹⁶ Sayno niptinshi Sesbasarqa Jerusalénman chaykamur Tayta Diospa templunpa cimientunta churasinaq. Sayno sharkasirpis manaraqmi aruyta ushayäraqsu>>. Saynömi paykuna niyämash.

¹⁷ Tayta rey, paykuna niyashqan rasunpaypa kashqanta musyanaykipaq Babilonia nacionpa acta libruncho ashiykasiy. Mä rasunpaypakush rey Ciro ordenarqan Jerusaléncho Diospa templunta yapay sharkasiyänanpaq. Say acta librucho imano qelqaraykashqantapis liyiykur imata yarpashqaykitapis wilaykasiyämay.