Esdras 2 - Tayta Diospa Wilakuynin

Babiloniapita Jerusalénman kutiqkuna mayqan ayllu kayashqan y ayka kayashqanpis

¹ Kaychömi qelqaraykan Jerusalénman y Judáman shamuq runakunapa jutinkuna. Say runakunaqa rey Nabucodonosor Babiloniaman prësu apashqan runakuna y paykunapita miraqkunami kayarqan. Cada ünunmi unay ayllunkuna yuriyashqan markankunaman aywayarqan.

² Say runakunapa mandaqninkuna kayarqan Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum y Baana. Kaychömi qelqaraykan Israel runakuna mayqan ayllukuna Babiloniapita Judáman shayämushqanpis:

³ Paruspita miraqkunami kayarqan ishkay waranqa juk pachak qanchis chunka ishkay (2,172) runakuna.

⁴ Sefatíaspita miraqkunami kayarqan kimsa pachak qanchis chunka ishkay (372) runakuna.

⁵ Arapita miraqkunami kayarqan qanchis pachak qanchis chunka pisqa (775) runakuna.

⁶ Pahat-moabpita miraqkunami kayarqan ishkay waranqa puwaq pachak chunka ishkay (2,812) runakuna. Paykunaqa kayarqan Jesúapita y Joabpita miraqkunami.

⁷ Elampita miraqkunami kayarqan juk waranqa ishkay pachak pisqa chunka chusku (1,254) runakuna.

⁸ Zatupita miraqkunami kayarqan esqun pachak chusku chunka pisqa (945) runakuna.

⁹ Zacaipita miraqkunami kayarqan qanchis pachak soqta chunka (760) runakuna.

¹⁰ Banipita miraqkunami kayarqan soqta pachak chusku chunka ishkay (642) runakuna.

¹¹ Bebaipita miraqkunami kayarqan soqta pachak ishkay chunka kimsa (623) runakuna.

¹² Azgadpita miraqkunami kayarqan juk waranqa ishkay pachak ishkay chunka ishkay (1,222) runakuna.

¹³ Adonicampita miraqkunami kayarqan soqta pachak soqta chunka soqta (666) runakuna.

¹⁴ Bigvaipita miraqkunami kayarqan ishkay waranqa pisqa chunka soqta (2,056) runakuna.

¹⁵ Adínpita miraqkunami kayarqan chusku pachak pisqa chunka chusku (454) runakuna.

¹⁶ Aterpita miraqkunami kayarqan esqun chunka puwaq (98) runakuna. Aterqa Ezequíaspita miraqmi karqan.

¹⁷ Bezaipita miraqkunami kayarqan kimsa pachak ishkay chunka kimsa (323) runakuna.

¹⁸ Jorapita miraqkunami kayarqan pachak chunka ishkay (112) runakuna.

¹⁹ Hasumpita miraqkunami kayarqan ishkay pachak ishkay chunka kimsa (223) runakuna.

²⁰ Gibarpita miraqkunami kayarqan esqun chunka pisqa (95) runakuna.

²¹ Belén runakunami kayarqan juk pachak ishkay chunka kimsa (123).

²² Netofa runakunami kayarqan pisqa chunka soqta (56).

²³ Anatot runakunami kayarqan juk pachak ishkay chunka puwaq (128).

²⁴ Azmavet runakunami kayarqan chusku chunka ishkay (42).

²⁵ Quiriat-jearim runakuna, Cafira runakuna y Beerot runakunami kayarqan qanchis pachak chusku chunka kimsa (743).

²⁶ Ramá runakuna y Geba runakunami kayarqan soqta pachak ishkay chunka juk (621).

²⁷ Micmas runakunami kayarqan juk pachak ishkay chunka ishkay (122).

²⁸ Bet-el runakuna y Hai runakunami kayarqan ishkay pachak ishkay chunka kimsa (223).

²⁹ Nebo runakunami kayarqan pisqa chunka ishkay (52).

³⁰ Magbis runakunami kayarqan juk pachak pisqa chunka soqta (156).

³¹ Jukaq Elam runakunami kayarqan juk waranqa ishkay pachak pisqa chunka chusku (1,254).

³² Harim runakunami kayarqan kimsa pachak ishkay chunka (320).

³³ Lod runakuna, Hadid runakuna y Ono runakunami kayarqan qanchis pachak ishkay chunka pisqa (725).

³⁴ Jericó runakunami kayarqan kimsa pachak chusku chunka pisqa (345).

³⁵ Senaa runakunami kayarqan kimsa waranqa soqta pachak kimsa chunka (3,630).

³⁶ Kaychömi qelqaraykan Babiloniapita Judáman shayämuq cürakunapa ayllunkunapa jutinkuna: Jesúa ayllu Jedaíaspita miraq cürakunami kayarqan esqun pachak qanchis chunka kimsa (973) runakuna.

³⁷ Imerpita miraq cürakunami kayarqan juk waranqa pisqa chunka ishkay (1,052) runakuna.

³⁸ Pasurpita miraq cürakunami kayarqan juk waranqa ishkay pachak chusku chunka qanchis (1,247) runakuna.

³⁹ Harimpita miraq cürakunami kayarqan juk waranqa chunka qanchis (1,017) runakuna.

⁴⁰ Kaychömi qelqaraykan Babiloniapita Judáman shayämuq levita ayllukunapa jutinkuna: Hodavías ayllu Jesúapita miraqkuna y Hodavías ayllu Cadmielpita miraqkuna. Paykunami kayarqan qanchis chunka chusku (74) runakuna.

⁴¹ Kaychömi qelqaraykan Diosta alabar cantaqkuna mayqan ayllu shamushqanpis: Asafpita miraqkunami kayarqan juk pachak ishkay chunka puwaq (128) runakuna.

⁴² Kaychömi qelqaraykan punkuta täpakuq runakunapa ayllunkunapa jutinkuna: Salum ayllu, Ater ayllu, Talmón ayllu, Acub ayllu, Hatita ayllu y Sobai ayllu. Say ayllukunapita miraqkunami kayarqan juk pachak kimsa chunka esqun (139) runakuna.

⁴³ Kaychömi qelqaraykan Diospa templuncho aruq runakunapa ayllunkunapa jutinkuna: Ziha ayllu, Hasufa ayllu, Tabaot ayllu,

⁴⁴ Queros ayllu, Siaha ayllu, Padón ayllu,

⁴⁵ Lebana ayllu, Hagaba ayllu, Acub ayllu,

⁴⁶ Hagab ayllu, Salmai ayllu, Hanán ayllu,

⁴⁷ Gidel ayllu, Gahar ayllu, Reaía ayllu,

⁴⁸ Rezín ayllu, Necoda ayllu, Gazam ayllu,

⁴⁹ Uza ayllu, Paseah ayllu, Besai ayllu,

⁵⁰ Asena ayllu, Meunim ayllu, Nefusim ayllu,

⁵¹ Bacbuc ayllu, Hacufa ayllu, Harhur ayllu,

⁵² Bazlut ayllu, Mehída ayllu, Harsa ayllu,

⁵³ Barcos ayllu, Sísara ayllu, Tema ayllu,

⁵⁴ Nezía ayllu y Hatifa ayllu.

⁵⁵ Kaychömi qelqaraykan Salomónpa sirviqninkunapita miraq runakunapa ayllunkunapa jutinkuna: Sotai ayllu, Soferet ayllu, Peruda ayllu,

⁵⁶ Jaala ayllu, Darcón ayllu, Gidel ayllu,

⁵⁷ Sefatías ayllu, Hatil ayllu, Poqueret-hazebaim ayllu y Amón ayllu.

⁵⁸ Templucho aruqkuna y Salomónpa sirviqninpita miraqkuna lapan kayarqan kimsa pachak esqun chunka ishkay (392) runakunami.

⁵⁹ Tel-mela markapita, Tel-harsa markapita, Querub markapita, Addán markapita y Imer markapita Jerusalénman aywaqkuna legïtimu Israel ayllu kayashqan o karulapana ayllu kayashqanpis manami shumaq musyakarqansu. Say runakunami kayarqan

⁶⁰ Delaíapita, Tobíaspita y Necodapita miraq runakuna. Paykunami kayarqan soqta pachak pisqa chunka ishkay (652) runakuna.

⁶¹ Cüra ayllupita Jerusalénman wakin shamuqkunami kayarqan Habaíapita, Cospita y Barzilaipita miraq runakuna. Barzilaiqa tarqan Galaadpita kaq Barzilaipa warmi surinwanmi. Paywan taptinmi Barzilaipa jutinta apararqan.

⁶² Say runakunami Habaía ayllu, Cos ayllu y Barzilai ayllu kayashqanta musyasiyänanpaq padrón librucho jutinkunata ashiyarqan. Saycho mana tarirmi Jerusalénman chaykur cürakuna aruyashqanchöqa aruyarqansu.

⁶³ Gobernadorpis nirqan Tayta Diospaq churashqanta manana mikuyänanpaq hasta Urimta y Tumimta rikar cüra musyashqanyaq.

⁶⁴ Jerusalénman shamuqkunami lapan kayarqan chusku chunka ishkay waranqa kimsa pachak soqta chunka (42,360) runakuna.

⁶⁵ Paykunawanmi qanchis waranqa kimsa pachak kimsa chunka qanchis (7,337) warmipis olqupis ashmaykuna shayämurqan. Diosta alabaqkuna warmipis olqupis ishkay pachakmi (200) paykunawan shayämurqan.

⁶⁶ Cawallunkunami karqan qanchis pachak kimsa chunka soqta (736). Mulankunami karqan ishkay pachak chusku chunka pisqa (245).

⁶⁷ Camëllunkunami karqan chusku pachak kimsa chunka pisqa (435). Ashnunkunanami karqan soqta waranqa qanchis pachak ishkay chunka (6,720).

⁶⁸ Tayta Diospa templun kashqanman chaykurmi wakin mayor runakuna Diospa templunta yapay sharkasiyänanpaq ofrendata puëdiyashqanman tupu shuntaykur entregayarqan.

⁶⁹ Say ofrendami karqan chusku pachak puwaq chunka puwaq (488) kïlu qori, ishkay waranqa qanchis pachak pisqa chunka (2,750) kïlu qellay y cürakuna jatikuyänanpaq pachak (100) sotänakuna.

⁷⁰ Cürakuna, levitakuna y wakin runakunaqa jinan Jerusalénlachömi täyarqan. Cantaqkuna, templu punku täpakuqkuna, templucho aruqkuna y wakin kaq Israel runakunami isanqa unay ayllunkunapa markankunacho täyarqan.