Esdras 10 - Tayta Diospa Wilakuynin

Mana Israel warmipita rakikäyänanpaq wilanakuyashqan

¹ Tayta Diospa templun punkucho Esdras lätakuykur waqar perdonta manakuptinmi aska runakuna, warmikuna y wamrakunapis nawpanman shuntakaykur fiyupa lakikur waqayarqan.

² Sayno kaykäyaptinmi Elampita miraq Jehielpa surin Secanías Esdrasta nirqan: <

³ <

⁴ Sharkur lapäkunata anyapaykayälämay. Noqakunaqa nishqaykita rurayänäpaq listumi kaykäyä. Imata rurayänäpaqpis jukla niykayälämay>>.

⁵ Sayno niptinmi Esdras ichirkur mandaq cürakunata, levitakunapa mandaqninkunata y lapan Israel mayinkunata jurasirqan Secanías nishqanta cumpliyänanpaq. Sayno niptinmi lapan jurayarqan.

⁶ Nirkurnami Tayta Diospa templunpita Esdras aywakurqan Eliasibpa surin Johanánpa wayinman. Saychömi lakikushpan imatapis mana mikuypa ni mana upuypa wararqan. Sayno lakikurqan Babiloniapita Jerusalénman punta shamuqkuna Tayta Diosta mana cäsukuyashqanpitami.

⁷ Nirkurmi intëru Jerusaléncho y Judácho wilakasirqan Babiloniapita lapan shamuqkuna Jerusalénman shuntakäyänanpaq.

⁸ Saynöpis wilakasirqan kimsa junaqta mana chämuqkunapataqa imaykantapis qechuyänanpaq y Israel mayinkuna täyashqan markakunapitapis qarquyänanpaq. Sayno rurayänanpaqmi Israel mayor runakuna y yäsiqninkuna wilanakukuyarqan.

⁹ Kimsa junaqchönami Judá trïbu runakuna y Benjamín trïbu runakuna lapanpis Jerusaléncho shuntakäyarqan. Sayqa karqan esqun kaq killa ishkay chunka (20) junaqchömi. Templupa patiunman chaykurmi jamaykuyarqan. Sayman qayasishqanpita y pasaypa tamyaptinmi lapan mansarir suksukyäyarqan.

¹⁰ Saymi cüra Esdras ichirkur nirqan: <

¹¹ Unay ayllunsikuna yärakuyashqan Tayta Diospa nawpancho jusalikuyashqaykipita perdonta manakuyay. Saynöpis Tayta Diosta cäsukuyashpayki jäpa warmikikunapita rakikäyay>>.

¹² Sayno niptinmi lapan runakuna sinchipa niyarqan: <

¹³ Isanqa jäpa warmiwan majasakash kaykaqkuna askaqmi kaykäyä. Kay parlaykashqansiqa manami juk junaq ni ishkay junaqla arreglaypaqsu kaykan. Tamya wisan kaykaptinqa manami cällilacho ichiräkuyämansu.

¹⁴ Lapäkuna kaycho kayänäpa trukanqa mandaqnïkunala quëdayäsun. Paykuna jitapäyämashqan junaq jäpa warmiwan majasaraqkuna mayor runakunawan y juezkunawanpis Jerusalénman kutiyämushaq. Arreglayaptinmi Tayta Diosninsi manana rabyakunqanasu>>.

¹⁵ Asaelpa surin Jonatán y Ticvapa surin Jahazíaslami say nishqanta chaskikuyarqansu. Levita Mesulam y levita Sabetaipis paykunapa favorninmi sharkuyarqan.

¹⁶ Say chuskun mana chaskiyaptinpis Babiloniapita wakin shamuq runakunaqa lapanmi chaskikuyarqan. Saymi cüra Esdras cada ayllupita juk mayor runata churarqan arreglananpaq. Chunka kaq killa punta kaq junaqchönami say runakuna shuntakaykur wilanakuyarqan cada runata imano juzgayänanpaqpis.

¹⁷ Wata qalaykunan punta kaq junaqmi jäpa warmiwan majasakash kaykaq runakuna imano kayänanpaqpis autoridäkuna wilanakuyta ushayarqan.

¹⁸ Kaychömi qelqaraykan jäpa warmiwan majasakäyashqanpita rakikaq cürakunapa jutinkuna: Maasías, Eliezer, Jarib, Gedalías (paykunami Josadacpa surin Jesúapita y wawqinkunapita miraqkuna kayarqan.

¹⁹ Makinkunata joqariyashpanmi promitiyarqan warminpita rakikäyänanpaq. Jäpa warmiwan täyashqanpita perdonash kayänanpaqmi juk carnita apayämurqan),

²⁰ Hanani, Zebadías (paykunami Imerpita miraqkuna kayarqan),

²¹ Maasías, Elías, Semaías, Jehiel, Uzías (paykunami Harimpita miraqkuna kayarqan),

²² Elioenai, Maasías, Ismael, Natanael, Jozabad y Elasa (paykunami Pasurpita miraqkuna kayarqan.)

²³ Kaychömi qelqaraykan jäpa warmiwan majasakäyashqanpita rakikaq levitakunapa jutinkuna: Jozabad, Simei, Kelita nishqan Kelaía, Petaías, Judá y Eliezer.

²⁴ Kaychömi qelqaraykan jäpa warmiwan majasakäyashqanpita rakikaq cantaqpa jutin: Eliasib. Kaychömi qelqaraykan jäpa warmiwan majasakäyashqanpita rakikaq punku täpakuq runakunapa jutinkuna: Salum, Telem y Uri.

²⁵ Kaychömi qelqaraykan jäpa warmiwan majasakäyashqanpita rakikaq wakin Israel runakunapa jutinkuna: Ramía, Jezías, Malquías, Mijamín, Eleazar, Malquías, Benaía (paykunami Paruspita miraqkuna kayarqan),

²⁶ Matanías, Zacarías, Jehiel, Abdi, Jeremot, Elías (paykunami Elampita miraqkuna kayarqan),

²⁷ Elioenai, Eliasib, Matanías, Jeremot, Zabad, Aziza (paykunami Zatupita miraqkuna kayarqan),

²⁸ Johanán, Hananías, Zabai, Atlai (paykunami Bebaipita miraqkuna kayarqan),

²⁹ Mesulam, Maluc, Adaía, Jasub, Seal, Ramot (paykunami Banipita miraqkuna kayarqan),

³⁰ Adna, Quelal, Benaía, Maasías, Matanías, Bezaleel, Binúi, Manasés (paykunami Pahat-moabpita miraqkuna kayarqan),

³¹ Eliezer, Isías, Malquías, Semaías, Simeón,

³² Benjamín, Maluc, Semarías (paykunami Harimpita miraqkuna kayarqan),

³³ Matenai, Matata, Zabad, Elifelet, Jeremai, Manasés, Simei (paykunami Hasumpita miraqkuna kayarqan),

³⁴ Madai, Amram, Uel,

³⁵ Benaía, Bedías, Quelúhi,

³⁶ Vanías, Meremot, Eliasib,

³⁷ Matanías, Matenai, Jaasai (paykunami Banipita miraqkuna kayarqan),

³⁸ Simei,

³⁹ Selemías, Natán, Adaía,

⁴⁰ Macnadebai, Sasai, Sarai,

⁴¹ Azareel, Selemías, Semarías,

⁴² Salum, Amarías, José (paykunami Binúipita miraqkuna kayarqan),

⁴³ Jeiel, Matatías, Zabad, Zebina, Jadau, Joel y Benaía (paykunami Nebupita miraqkuna kayarqan).

⁴⁴ Say runakuna lapanmi jäpa warmikunawan majasakash kaykäyarqan. Rakikäyashpanmi say warmikunata wawantinta qarquyarqan.