Eclesiastés 9 - Tayta Diospa Wilakuynin

Lapansipis ushakaqla kashqansi

¹ Kay pasacho imanir lapan päsashqankunatapis musyanäpaqmi lapan shonqüwan shumaq yarpachakushkä. Sayno yarpachakurmi nishkä: Ali runa karpis ni tantiyakuq runa karpis manami musyansisu arushqansiman tupu Tayta Dios bendicionninta churamunanpaq kashqanta o mana churamunanpaq kashqantapis. Saynöpis manami musyansisu waray warantinkuna imano kanansipaq kashqantapis.

² Isanqa musyansimi lapansipis ushakänansipaq kashqanta. Ushakäshunmi ali runa karpis o yaqa runa karpis, Dios munashqanno kawarpis o pay munashqanno mana kawarpis, Diospaq sacrificiuta rupasish karpis o mana rupasish karpis, jusaynaq karpis o jusayuq karpis, alita ruranansipaq Diosta promitirpis o mana promitirpis.

³ Kay pasacho lapan runapis wanukuqla kashqanqa lakikuypaqmi kaykan. <> nirmi runakuna shonqun munashqanno mana alikunata rurayan.

⁴ Sayno kaptinpis wanushqansipitaqa kawaykashqansimi mas ali kaykan. Parlapis kaynömi nin: <>.

⁵ Lapansipis musyansimi wanunansipaq kashqanta. Wanukurnaqa manami imatapis musyashunnasu ni munashunnasu. Wanukushnaqa manami pipis yarpämäshunnasu.

⁶ Saynölami kuyakuq kayninsipis, chiki kayninsipis y imata munashqansipis ushakanqa. Ushakäkurqa kay pasacho manami imatapis rurashunnasu.

⁷ Sayno kaykaptinqa kawashqaykiyaq mikuyta kushish mikunki y vïnuta kushish upunki. Sayno rurashqaykiqa Tayta Diospa shonqunpaqnömi kaykan.

⁸ Lakikunaykipa trukanqa ali mödanata jatikushpayki perfümita umaykiman winakunki.

⁹ Kay pasacho Tayta Dios qomashqansi kaway päsaqla kaykaptinqa warmikiwan kuyanakur waran waran kushish kawanki. Sayno kawashqaykimi päguyki kaykan kay pasacho fiyupa nakar arushqaykipita.

¹⁰ Sayno kaptinqa lapantapis kushish ruranki. Wanuskirnaqa manami imatapis rurankinasu, yachankinasu ni musyankinasu.

¹¹ Kay pasacho mas imata rikashqätapis kanan wilashayki. Mas cörriq karpis yalinakuycho manami siemprisu gänan. Mas kalpayuq karpis pelyacho manami siemprisu vincin. Mas tantiyakuq karpis manami siemprisu imaykayuqpis kaykan. Mas ali yarpayyuq karpis manami siemprisu mas qellayta gänan. Mas yachaq karpis manami siemprisu kuyash kaykan. Lapansipaqmi alipis mana alipis suertinsi kaykan.

¹² Saynöpis manami musyansisu imay höra desgracia päsamänansipaq kashqanta. Redwan pescäduta elaqpita sarishqanno y toqlawan pishquta elaqpita sarishqannömi runatapis desgracia elaqpita päsan.

¹³ Kay pasacho mastapis rikashkämi. Kanan tantiyasishayki imata rikashqäta y imata tantiyakushqätapis.

¹⁴ Rikashkä juk taksha markacho walkaqla runakuna kaykäyaqtami. Saymanmi munayyuq rey atacaq chaykur jiruruypa churakäyarqan. Nirkurmi markaman yaykuyänanpaq soldädunkunawan kamarikuyarqan.

¹⁵ Say markachömi tantiyakuq pobri runa tarqan. Say runami tantiyakuq kashpan marka mayinkunata yäsirqan imanöpapis salvakuyänanpaq. Yäsishqanno salvakurpis paytaqa pobri kaptinmi pipis cäsurqannasu.

¹⁶ Sayta rikarmi nï: Tantiyakuq kaymi mas ali kaykan kalpayuq kaypitapis. Isanqa tantiyakuq kaptinpis pobri runataqa manakaqmanmi churayan y shumaq yäsiptinpis manami chaskikuyansu.

¹⁷ Mana tantiyakuq mandaq runa fuertipa parlashqanpitaqa mas alimi kaykan tantiyakuq runa yachaylapa parlashqan.

¹⁸ Alinnin kaq armapitapis tantiyakuq kaymi mas ali kaykan. Isanqa imalatapis pantashqaqa lapanpis mana alimanmi tikrarin.