Eclesiastés 3 - Tayta Diospa Wilakuynin

Lapanpaqpis tiemputa Tayta Dios kamakäsishqan

¹ Kay pasachöqa lapanpis tiempuyuqlami kaykan.

² Tayta Diosmi tiemputa kamakäsin yurinansipaq y wanunansipaqpis. Tiemputa kamakäsin murupakunansipaq y cosechanansipaqpis.

³ Tiemputa kamakäsin wanusinansipaq y jampinansipaqpis. Tiemputa kamakäsin juchusinansipaq y sharkasinansipaqpis.

⁴ Tiemputa kamakäsin waqanansipaq y kushikunansipaqpis. Tiemputa kamakäsin lütunansipaq y fiestata ruranansipaqpis.

⁵ Tiemputa kamakäsin rumikunata mashinansipaq y shuntanansipaqpis. Tiemputa kamakäsin makalanakunansipaq y mana makalanakunansipaqpis.

⁶ Tiemputa kamakäsin ashinansipaq y oqranansipaqpis. Tiemputa kamakäsin pirwakunansipaq y jitarinansipaqpis.

⁷ Tiemputa kamakäsin rachinansipaq y remendanansipaqpis. Tiemputa kamakäsin upälakunansipaq y parlanansipaqpis.

⁸ Tiemputa kamakäsin kuyanansipaq y chikinansipaqpis. Tiemputa kamakäsin guërrata ruranansipaq y guërrata mana ruranansipaqpis.

⁹ Mayjina arurpis ¿imatataq runa jorqun?

¹⁰ Sayno kaptinpis tantiyakushkä runa arur kawananpaqpis Tayta Dios kamakäsishqantami.

¹¹ Paymi lapantapis tiempulancho kamakäsin. Saynölami Tayta Dios kamakäsish mana ushakaq kaway kashqanta tantiyanansipaq. Sayno karpis manami tantiyayta atipansisu qalaykunanpita ushashqanyaq Tayta Dios imata rurashqantapis.

¹² Imano kaptinpis tantiyakushkä alita rurar kushish kawashqansi mas ali kashqantami.

¹³ Saynöpis tantiyakushkä arushqansipita mikur y upur kushish kawanansita Tayta Dios munashqantami.

¹⁴ Saynöpis tantiyakushkä Tayta Dios lapan kamashqankuna imaypis saynöla kashqantami. Kamashqankunamanqa manami imatapis yapansisu ni saypita manami imatapis jorqunsisu. Tayta Dios lapantapis sayno kamash payta mansapakunansipaqmi.

¹⁵ Kanan päsashqannömi unaypis päsarqan. Unay päsashqankunapis yapaymi päsanqa. Puntata kashqanno yapay kananpaqmi Tayta Dios kamakäsin.

Kay pasacho mana alikuna kashqan

¹⁶ Kay pasacho rikashkämi autoridäkuna shumaq arreglayänanpa trukan sakyapakur jusaynaq runapa contran sharkuykäyaqta.

¹⁷ Saymi shonqulächo nirqä: <>.

¹⁸ Saynöpis shonqulächo yarparqä: <

¹⁹ Runapapis y uywapapis saylami destïnun kaykan. Lapanpis jämayyuqkunaqa wanuqlami kaykäyan. Runapis uywapis ushakaqlami kaykan>>.

²⁰ Wanurqa lapansipis ushakäshunmi. Lapansitapis alpalapitami ruramashkansi. Wanurqa lapansipis alpalamanmi tikrashun.

²¹ ¿Piraq musyan runapa alman jana pasaman aywakushqanta y uywapa almanna pasa rurinman yaykushqanta?

²² ¿Piraq musyan shamuq watakunacho imano kananpaq kashqanta? Saymi runapaqqa mas ali kaykan arushqanwan kushish kawashqan. Sayno kushish kawashqanmi pägun kaykan.