Deuteronomio 7 - Tayta Diospa Wilakuynin

Juk dioskunata mana adorayänanpaq nishqan

¹ Saypita mastapis Moisés nirqan: <

² Sayno kaptinpis qamkunapa munaynikiman say runakunata Tayta Dios churamuptin paykunawan ima pactutapis ama rurayankisu. Saypa trukanqa mana kuyapaypa lapanta ushakäsiyanki.

³ <

⁴ Surikikuna paykunawan majasakarqa Tayta Diosman manana yärakur juk dioskunatami adorayanqa. Juk dioskunata adorayaptinqa Tayta Dios fiyupa rabyashpan juklami lapaykita ushakäsiyäshunki.

⁵ <

⁶ Tayta Dios akrashqan santu runakunami qamkuna kaykäyanki. Maysay nación runakunapitami kuyashqan runakuna kayänaykipaq akrashushkanki>>.

Israel runakuna Tayta Diosta cäsukuyänanpaq nishqan

⁷ Saypita mastapis Moisés nirqan: <

⁸ Kuyamashpansimi Tayta Dios sayno akramashkansi. Pay kuyamansi Abrahamta, Isaacta y Jacobta promitishqanta cumplirmi. Saymi Egiptucho Faraónpa munaynincho kaykashqansipita munayninwan jorqamashkansi.

⁹ Sayno kaykaptinqa Tayta Dios rasunpaypa kaq Dios kashqanta shumaq tantiyakuyay. Payta kuyar mandamientunkunata cumpliqkunataqa imaypis kuyanqami. Saynölami pactu rurashqanta cumplir waranqa (1,000) generación kashqanyaq yanapanqa.

¹⁰ Paypa contran sharkuqkunatami isanqa fiyupa castigar mana shuyaräsiylapa ushakäsinqa.

¹¹ Sayno kaykaptinqa kanan junaq wilapashqä mandamientunkunata, estatütunkunata y leyninkunata mana qonqaypa cumpliyay>>.

Cäsukur bendicionta chaskiyänanpaq kashqan

¹² Saypita mastapis Moisés nirqan: <

¹³ Saymi qamkunata kuyashushpayki unay ayllunsikunata promitishqan nacionman pushayäshunki. Saychömi paypa bendicionninwan wamraykikunapis askaq kayanqa. Chakraykikunapis shumaq wayuptinmi mikuynikikunapis aska kanqa. Vïnuykikunapis manami pishinqasu, aceitikikunapis ushakanqasu y wäkaykikuna, uyshaykikuna y cabraykikunapis saysikamanmi mirayanqa.

¹⁴ Wakin nacionkunapitapis masmi bendicionninta qoyäshunki. Saymi olqupis ni warmipis qamkunacho qoluq kanqasu. Uywaykikunapis alimi mirayanqa.

¹⁵ Imayka qeshyakunapitapis Tayta Diosmi sapäyäshunki. Egipto runakunata plägakunawan nakasishqanno qamkunata manami nakasishunkisu. Contrayki sharkuqkunatami isanqa say plägakunawan nakasinqa.

¹⁶ <

¹⁷ <

¹⁸ Askaq kayaptinpis ama mansayankisu. Saypa trukanqa yarpäyay Faraónta y Egipto runakunata Tayta Dios imano castigashqantapis.

¹⁹ Saynöpis yarpäyay señalkunata, milagrukunata y espantaypaq kaqkunata rurar munayninwan Tayta Dios Egiptupita jorqamashqansita. Egiptupita yarqamunansipaq yanapämashqansinömi mansaykäyashqayki runakunata ushakäsiyänaykipaqpis yanapäyäshunki.

²⁰ <

²¹ Lapanpaq munayyuq Tayta Dios yanapaykäyäshuptikiqa say runakunata ama mansayaysu.

²² Say runakunata Tayta Dios manami juklasu qarqunqa, saypa trukanqa walka walkalami qarqunqa. Lapanta jukla qarquptinqa sunyaq rikakuptin jirka uywakuna mirarmi ushakäsiyäshunki.

²³ <

²⁴ Mandaq reykunata wanusir ushayaptikimi paykunapa jutinkunapis qonqakäkunqana. Saymi qamkunata pipis ichipäyäshunkinasu.

²⁵ Paykunapa ïdulunkunatapis lapanta rupasir qoriwan qellaywan enchapayashqankunata ama quëdasikuyankisu. Quëdasikurqa lutan ruraykunaman churakarmi Tayta Diosta fiyupa rabyanäsiyanki.

²⁶ Sayno kaykaptinqa wayikikunaman say ïdulukunata ni enchapayashqan qorita ni qellaytapis ama apayankisu. Apayaptikiqa qamkunatapis Tayta Dios ushakäsishunkimi. Melanaypaq kaqta imatapis mana yatayashqaykino saykunatapis ama yatayankisu>>.