Daniel 8 - Tayta Diospa Wilakuynin

Carnitawan chïvuta revelacioncho Daniel rikashqan

¹ Belsasar kimsa wata rey kaykaptinmi noqa Daniel yapay revelacionta rikarqä.

² Say revelacionchömi kaykarqä Elam provinciacho kaykaq Susa markacho y Ulai mayu kuchuncho.

³ Rikachakushqächömi rikarqä ishkay largu waqrayuq carni mayu kuchuncho kaykaqta. Jukaq waqran qepataraq winamush kaykarpis mas largumi karqan.

⁴ Saychömi rikarqä inti jeqanan kaqläpa, norti kaqläpa y sur kaqläpa say carni atacaykaqta. Manami ima uywapis ichipayta kamäpakurqansu. Saynöpis manami munayninpita pipis salvakurqansu. Say carni munashqanta rurarmi lapanpitapis mas munayyuq rikakurqan.

⁵ Saykunapaq yarpachakuykaptïmi inti jeqanan kaqläpita juk yayan chïvu urkuncho jatunkaray waqrayuq yurirkamurqan. Say chïvumi pasatapis mana jaruylapa maysaypapis aywarqan.

⁶ Mayu kuchuncho rikashqä ishkay waqrayuq carniman chaykurmi lapan kalpanwan rabyash takaykurqan.

⁷ Rikaraykaptï takaykuptinmi carnipa ishkan waqran pakiskirqan. Chïvu saqtar pasaypa jarukur ushaptinmi carni ima ruraytapis kamäpakurqansu. Sayno atacaptin manami pipis washayta kamäpakurqansu.

⁸ Saymi chïvuqa waranlanta waranlanta mas kalpayuq rikakurqan. Pasaypa munayyuq kaykaptinmi jatunkaray waqran pakikäkurqan. Say pakiq waqrapa trukanmi chusku jatusaq waqrankuna winamurqan. Say waqrankunami chuskunläpa toqriraykarqan.

⁹ Jukaq waqrapitami taksha waqra winar mas jatunkaray rikakurqan. Say waqrami winarqan sur kaqläpa, inti jeqamunan kaqläpa y kuyaylapaq nacionninsi kaqläpa.

¹⁰ Saynöpis jatunyarqan jana pasacho kaykaq angilkunayaqmi. Saymi wakin angilkunata y qoyllarkunata qarparamur jarur usharqan.

¹¹ Angilpa mandaqninpita mas munayyuq kashqanta yarparmi sacrificiuta templucho waran waran rupasiyänanta consientirqansu y templutapis impüruyäsirqan.

¹² Sayno kaptinmi waran waran rupasiyänanpaq kaq sacrificiuta rupasiyarqannasu y Diosman yärakuqkuna saycho adorayarqannasu. Say waqraqa Tayta Dios nishqantapis lapantami manakaqman churarqan. Waqra munashqannömi lapanpis karqan.

¹³ Saypitami wiyarqä ángel mayinta juk ángel kayno tapuykaqta: <<¡Imayyaqraq waran waran rupasiyänanpaq kaq sacrificiuta rupasiyanqasu! ¡Imayyaqraq Tayta Diosta mana cäsukur templuta manakaqman churayanqa! ¡Imayyaqraq Tayta Diosman yärakuqkunata nakasiyanqa!>>

¹⁴ Tapuptinmi jukaq ángel nirqan: <>.

Revelacioncho Daniel rikashqan imapaq kashqanpis

¹⁵ Noqa Daniel revelacionta rikashqäpita yarpachakur kaykaptïmi elaqpita nawpächo runa niraq yurirkamurqan.

¹⁶ Saypitami wiyarqä Ulai mayupita say runa niraq kayno nimuqta: <<Ángel Gabriel, tantiyasiy rikashqan imapaq kashqantapis>>.

¹⁷ Ángel Gabriel nawpäman shamuptinmi pasaypa mansarir lätakaypa pasaman aywaskirqä. Saymi nimarqan: <>.

¹⁸ Sayno parlapaykämaptinmi lätaraykashqächo desmayaskirqä. Sharkasimarmi

¹⁹ nimarqan: <

²⁰ <

²¹ Rikashqayki chïvuqa Grecia nacionpa mandaqnin reymi kaykan. Chïvupa urkuncho jatunkaray waqrata rikashqaykiqa Grecia nacionpa punta kaq mandaqnin reymi kaykan.

²² Say waqra pakiptin chusku waqrakuna winayämushqanta rikashqaykiqa say nación chusku nacionman rakikänanpaqmi kaykan. Isanqa say nacionkunapa munaynin manami puntata kashqannönasu kanqa.

²³ <

²⁴ Say reyqa pasaypa munayyuqmi rikakunqa. Isanqa manami kikinpa munayninwansu sayno kanqa, sinöqa jukpa munayninwanmi. Caprïchunta rurarmi imaykatapis pasaypa ushakäsinqa. Saynölami munayyuqkunata y Tayta Diosman yärakuq santu runakunatapis ushakäsinqa.

²⁵ <

²⁶ <>.

²⁷ Sayno nimaptinmi noqa Daniel pasaypa mansarishpä kalpaynaq rikakur aska junaq qeshyarqä. Saypita aliyarkurnami rey nimashqanta yapay rurarqä. Isanqa say rikashqä imapaq kashqantapis mana tantiyarmi fiyupa lakikurqä.