Daniel 2 - Tayta Diospa Wilakuynin

Mandaq Nabucodonosor sueñushqan

¹ Ishkay watana Nabucodonosor rey kaykarmi yapay yapay saylata sueñurqan. Saymi fiyupa lakikur punuytapis tarirqansu.

² Sueñushqan imapaq kashqantapis wilayänanpaqmi rey qayasirqan musyakuqkunata, brüjukunata, rikakuqkunata y qoyllar estudiaqkunata. Lapan qayasishqankuna nawpanman shuntakaskiyaptinmi

³ rey nirqan: <>.

⁴ Saymi say yachaq runakuna arameo idiömacho niyarqan: <<¡Qamla imayyaqpis rey kaykulay! Sueñushqaykita wilaykayälämay imapaq kashqantapis wilayänäpaq>>.

⁵ Sayno niyaptinmi rey Nabucodonosor paykunata nirqan: <

⁶ Mayqaykipis imata sueñushqäta y imapaq say suëñu kashqantapis wilayämaptikimi isanqa churayäshayki lapan runakuna respitayäshunaykipaq. Say jananmanmi imaykatapis kamaripäyäshayki. Kanan jukla wilayämay imata sueñushqäta y imapaq sueñushqätapis>>.

⁷ Sayno niptinmi yapay niyarqan: <>.

⁸ Saymi rey Nabucodonosor nirqan: <

⁹ Sueñushqäta mana wilayämaptikiqa lapaykitami ushakäsiyäshayki. Qamkunaqa wilanakuyashkanki lulapämar engañayämänaykipaqmi. Niq tumpalami tiemputa perdiykäsiyämanki. Kanan jukla wilayämay imata sueñushqätapis. Saynöpami musyashaq sueñushqä imapaq kashqantapis>>.

¹⁰ Saymi yachaq runakuna reyta niyarqan: <

¹¹ Tayta rey, manakayämashqayki aläpa ajami kaykan. Runaqa sayta manami musyansu, sinöqa dioskunalami. Isanqa paykuna manami noqansiwansu kaykäyan>>.

¹² Sayno niyaptinmi rey fiyupa rabyakushpan ordenarqan Babiloniacho lapan yachaq runakunata chipyaq ushakäsiyänanpaq.

¹³ Ordinta rurarkasirmi intëru nacionpa apasirqan lapan yachaq runakunata wanusiyänanpaq. Saymi Danielta y compañërunkunatapis ashisirqan wanusiyänanpaq.

¹⁴ Say ordinwanmi reyta cuidaq soldädukunapa capitannin aywarqan Babiloniacho yachaq runakunata wanusinanpaq. Say runapa jutinmi karqan Arioc. Daniel kaqman chaptinmi Danielqa shumaq yarpachakuskir

¹⁵ parlapar nirqan: <<¿Imataq kash rey apurädu sayno ordenananpaq?>> Saymi Danielta Arioc wilarqan imanir wanusinanpaq nishqantapis.

¹⁶ Wilaptinmi Danielqa rey Nabucodonosorman aywaykur manakurqan: <> nir.

¹⁷ Nirkur wayinman Daniel kutiykurmi Ananíasta, Misaelta y Azaríasta wilarqan rey imanir yachaq runakunata wanusiyta munashqantapis.

¹⁸ Nirkurmi paykunata nirqan: <>.

¹⁹ Say sakaymi Danielta Tayta Dios revelarqan Nabucodonosor imata sueñushqanta y imapaq say suëñu kashqantapis. Saymi Danielqa jana pasacho kaykaq Tayta Diosta alabashpan

²⁰ nirqan: <

²¹ Qammi kamakäsinki ima päsananpaq kaqtapis. Tiempukunatapis qammi kamakäsinki. Reykunatapis churanki y trukasinki. Yachaqkunatapis mas yachayta qonki. Tantiyakuqkunatapis mas tantiyasinki.

²² Pipis mana tantiyashqantami musyasinki. Qampaqqa lapanpis aksichönömi kaykan.

²³ Unay ayllükuna adorayashqan Tayta Dios, qamtami agradëcikur alabä. Manakushqäta wiyamarmi yachayta qomashpayki shumaq tantiyasimashkanki rey Nabucodonosor imata sueñushqantapis>>.

²⁴ Nirkurmi Ariocwan parlaq Daniel aywarqan. Arioctami rey ordenash karqan yachaq runakunata wanusinanpaq. Saymi payta Daniel nirqan: <>.

²⁵ Sayno niptinmi Arioc jinan höra Danielta pusharqan rey kaqman. Chaykasirmi nirqan: <>.

²⁶ Sayno niptinmi Beltsasar jutiyuq Danielta Nabucodonosor tapurqan: <<¿Rasunpaku qam wilamanki imata sueñushqätapis y imapaq say suëñu kashqantapis?>> nir.

²⁷ Sayno tapuptinmi Daniel nirqan: <

²⁸ Sayno kaptinpis jana pasacho kaykaq Tayta Diosmi runa mana tantiyashqanta revelan. Paymi sueñuynikicho musyasishushkanki shamuq watakuna imano kananpaq kashqantapis. Kanan wilashayki sueñuynikicho imata rikashqaykitapis.

²⁹ <

³⁰ Manami wakin runakunapita mas yachaq kaptïsu say sueñushqaykita musyasimash, sinöqa imapaq kashqantapis musyanaykipaqmi.

³¹ <

³² Umanmi kash qori pürupita. Qasqun y rikrankunami kash qellaypita. Pachan y mama chankankunanami kash broncipita.

³³ Qonqurninpita usuputunyaqmi fiërrupita kash. Chakinkunanami kuwash mituwan fiërru takush kash.

³⁴ <

³⁵ Saymi mitupita, fiërrupita, broncipita, qellaypita y qoripita monumentuta shaluskish. Usya tiempu ëracho trïguta trillaptin polvu rikakushqannömi say monumentupis polvu rikakush. Say polvuta wayra apakuptinmi imapis quëdashnasu. Monumentuta shaluq rumimi isanqa jatunkaray jirka rikakushpan intëru pasaman juntash.

³⁶ <

³⁷ Jana pasacho kaykaq Tayta Diosmi churashushkanki lapan reykunapitapis mas munayyuq y pïmaypitapis mas respitash kanaykipaq.

³⁸ Saynöpis qampa munaynikimanmi churamush maysaycho taq runakunata, lapan uywakunata y lapan pajaqkunatapis. Tayta Diosmi churashushkanki paykunapa mandaqnin kanaykipaq. Saymi sueñuynikicho rikashqayki monumentupa qori uman kaykanki.

³⁹ <

⁴⁰ Saypita juk nacionnami lapan nacionkunata vincir mandanqa. Say nacionmi fiërruno fuerti kanqa. Fiërru imatapis pakir ushakäsishqannömi say nacionpis wakin nacionkunata chipyaq ushakäsinqa.

⁴¹ <

⁴² Chaki dëdunkuna fiërrupita y mitupita kashqannömi say nacionpis aybësis fiërruno fuerti kanqa y aybësis mituno débil kanqa.

⁴³ Fiërruwan mitu chakinkunacho talukäyashqanta rikashqaykinömi say nacionpa mandaqnin reykunapis munaynincho kaykaq reykunawan pactuta rurayanqa yanapänakuyänanpaq. Sayno rurarpis fiërruwan mituta taluyta mana puëdishqansinömi say nación runakunapis munaynincho kaykaq nación runakunawan talukayta kamäpakuyanqasu.

⁴⁴ <

⁴⁵ Sayno kananpaqmi sueñuynikicho rikashkanki jirkapita kuchpamuq rumita. Say rumi pipis mana kuchpaykämuptin shamurmi fiërrupita, broncipita, qellaypita, mitupita y qoripita monumentuman char chipyaq shalush. Tayta rey, sayno kananpaqmi Tayta Dios revelashushkanki. Sayno päsanqa tiempun chämuptinmi. Say sueñushqayki rasunpaypami päsanqa. Imapaq kashqanta wilashqäpis rasunpaypami kaykan>>.

⁴⁶ Sayno niptinmi rey Nabucodonosorqa urkunpis pasaman töpashqanyaq Danielpa puntanman qonqurpakuykurqan. Nirkurnami ordenarqan saki mikuy ofrendakunata payta entregayänanpaq y inciensuwan qoshnisiyänanpaqpis.

⁴⁷ Nirkurnami Nabucodonosor nirqan Danielta: <>.

⁴⁸ Saypitanami imaykatapis qararkur Danielta rey churarqan intëru Babilonia provinciacho gobernador kananpaq. Saynöpis yachaq runakunapa mandaqnin kananpaqmi churarqan.

⁴⁹ Saypitanami reyta Daniel manakurqan Sadracta, Mesacta, Abed-neguta Babilonia provinciakunacho mandäsinanpaq. Kikin Danielnami quëdarqan reypa palaciuncho.