Apocalípsis 21 - Tayta Diospa Wilakuynin

Kay pasapis y ciëlupis mushuq kayänanpaq nishqan

¹ Saypitanami mushuq pasatawan mushuq ciëluta rikarqä. Nawpa kaq ciëlupis y nawpa kaq pasapis manami karqannasu. Lamarpis mananami karqannasu.

² Saynölami [noqa Juan] rikarqä mushuq Jerusalén sagrädu markatapis Tayta Diospa nawpanpita uraykämuqta. Say markami casarananpaq mushuq mödanan jatish jipashno kuyaylapaq kaykarqan.

³ Say hörami wiyarqä Tayta Diospa trönunpita sinchipa nimuqta: <<¡Kananqa runakuna kaqchönami Tayta Dios tanqa! Paykunami kuyashqan runakuna kayanqa. Kikin Tayta Diosmi paykunawan kanqa.

⁴ Paykunata shoqashpanmi weqinkunatapis pisapanqa. Wanuypis, waqaypis, lakikuypis y nakaykunapis manami kanqanasu. Saykunaqa lapanmi ushakanqa>>.

⁵ Trönucho jamaraykaqnami nimurqan: <>. Saypitanami nimarqan: <>.

⁶ Nirkurnami nimarqan: <

⁷ Imano nakarpis mana ajayaypa yärakamuqkunaqa lapan herenciantami chaskiyanqa. Noqami paykunapa Diosnin kashaq. Paykunami wamräkuna kayanqa.

⁸ Noqapita penqakuqkunata, mana yärakamaqkunata, jusasapakunata, wanusikuqkunata, fornicación jusata jusalikuqkunata, brüjukunata, ïdulu adoraqkunata y lulakuqkunataqa azufriyuq nina rupaykaq qochamanmi qaykushaq. Say nina qochaqa qepa kaq wanuymi kaykan>>.

Mushuq Jerusalén imano kananpaq nishqan

⁹ Saypitanami cöpakunawan castïgukunata tikwamuq qanchis angilkunapita juk ángel shamuykur nimarqan: <>.

¹⁰ Sayno nirmi revelacioncho jatun punta jananman pushamarqan. Saychömi rikasimarqan mushuq Jerusalén sagrädu marka Tayta Diospa nawpanpita uraykämuqta.

¹¹ Say marka Tayta Diospa chipipiyninwanmi chipipirqan. Jaspe rumi niraq y cristal vidriu niraqmi kuyaylapaq karqan.

¹² Markatami jatunkaray murälla tumaypa sapararqan. Say murällami karqan chunka ishkay punkuyuq. Cada punkuchömi juk ángel karqan. Saynöpis cada punkuchömi juk juti qelqararqan. Say jutikuna Israelpa surinkunapa jutinkunami kayarqan.

¹³ Kimsa punkukuna karqan inti yarqamunan kaqläpa, kimsa kaqna norti kaqläpa, kimsa kaqnami sur kaqläpa, kimsa kaqna inti jeqanan kaqläpa.

¹⁴ Murälla kaqchömi chunka ishkay rumikuna kaykarqan. Cada rumikunachömi juk juti qelqaraykarqan. Say jutikuna kayarqan Carnishpa chunka ishkay apostolninkunapa jutinkunami.

¹⁵ Noqawan parlaq angilmi qoripita rurash värata aptakurkur say markata, punkunkunatawan murällantapis tupumurqan.

¹⁶ Tupuptinmi say markapa altuyninpis, anchuyninpis y larguyninpis say tamäñula karqan. Saynöpis say markapa cada lädun karqan chunka ishkay waranqa (12,000) estadiumi.

¹⁷ Nirkurnami murällanpa anchuyninta tupurqan. Tupuptinmi anchuynin karqan pachak chusku chunka chusku (144) kukush.

¹⁸ Say murällaqa jaspe rumikunawan perqashqami karqan. Markaqa qorilapita rurash karmi limpiu vidriuno luchuk karqan.

¹⁹ Say murällapa cimientunmi tukuy niraq kuyaylapaq rumikunawan perqash karqan: Punta kaqmi karqan jaspe rumi, ishkay kaqmi karqan zafiro rumi, kimsa kaqmi karqan ágata rumi, chusku kaqmi karqan esmeralda rumi,

²⁰ pisqa kaqmi karqan ónice rumi, soqta kaqmi karqan cornalina rumi, qanchis kaqmi karqan crisólito rumi, puwaq kaqmi karqan berilo rumi, esqun kaqmi karqan topacio rumi, chunka kaqmi karqan crisopraso rumi, chunka juk kaqmi karqan jacinto rumi y chunka ishkay kaqnami karqan amatista rumi.

²¹ Say murällapa chunka ishkay punkunkunami cada ünun karqan juk perlaspita rurash. Markapa jatun kaq cällinmi karqan chipipiykaq qoripita rurash. Saynöpis karqan vidriu niraqmi.

²² Say markachöqa templuta manami rikarqäsu. Saychöqa lapanpaq munayyuq Tayta Dios y Carnishmi templu kaykan.

²³ Kikin Tayta Dios y Carnish asikyapaptinmi intipis ni killapis kanqanasu.

²⁴ Maysay nacionkunacho salvash runakunatami asikyapanqa. Nacionkunapa mandaqnin reykunapis kuyaylapaq riquëzankunata sayman apayanqa.

²⁵ Say markacho pasa mana sakaptinmi imaypis punkunkunata wichqayanqasu.

²⁶ Maysay nacionpitapis say markamanmi riquëzankunata apayanqa.

²⁷ Sayman manami yaykuyanqasu jusasapakuna, lutanta ruraqkuna ni lulakuqkunapis. Sayman yaykuyanqa Libru de la Vïdacho jutinkuna qelqaraykaqkunalami. Say libruqa Carnishpa librunmi kaykan.