Apocalípsis 16 - Tayta Diospa Wilakuynin

Qanchis cöpakunacho kaykaq castïgukunata tikwayämushqan

¹ Saypitanami wiyarqä jana pasacho kaykaq templupita qanchis angilkunaman sinchipa qayakur nikaqta: <>.

² Sayno niptinmi punta kaq ángel sararashqan cöpacho kaykaq castïguta pasaman tikwamurqan. Saymi anticristupa señalninwan señalash kaqkunata y ïdulunta adoraqkunata qeri pasaypa usharqan. Say qeriwanmi fiyupa nakayarqan.

³ Ishkay kaq angilnami sararashqan cöpacho kaykaq castïguta lamarman tikwamurqan. Saymi yawarman lamar tikraptin saycho kaqkunaqa lapan wanuyarqan.

⁴ Kimsa kaq angilnami sararashqan cöpacho kaykaq castïguta lapan mayukunaman y pukyukunamanpis tikwamurqan. Saymi mayupis pukyupis yawarman tikrarqan.

⁵ Saypitanami wiyarqä yakupaq munayyuq kaykaq ángel kayno nimuqta: <

⁶ Qamman yärakuqkunatapis y profëtaykikunatapis wanusirmi yawarninta jichayarqan. Saymi kikinkunapis yawarta upuyänanpaq yakuta yawarman tikrasishkanki>>.

⁷ Saynöpis wiyarqä jana pasacho kaykaq altarpita kayno nimuqta: <>.

⁸ Chusku kaq angilnami sararashqan cöpacho kaykaq castïguta intiman tikwarqan. Saymi inti fiyupa shanaptin runakuna pasaypa nakayarqan.

⁹ Sayno nakarpis Tayta Diosta manami adorayarqansu ni jusalikuytapis wanakuyarqansu. Saypa trukanqa castigashqanpitami Tayta Diospa contran imaykatapis parlayarqan.

¹⁰ Pisqa kaq angilnami sararashqan cöpacho kaykaq castïguta anticristupa trönunman tikwamurqan. Saymi anticristo mandashqan lapan markakuna sakakäkuyarqan. Runakunanami nanaywan qalluntapis kaniyarqanraq.

¹¹ Qeri qeshyawan pasaypa nakarmi Tayta Diospa contran imaykatapis rimayarqan. Sayno nakaykarpis y qeri ushaykaptinpis jusalikuykunata manami wanakuyarqansu.

¹² Soqta kaq angilnami sararashqan cöpacho kaykaq castïguta Éufrates jatun mayuman tikwamurqan. Saymi mayu sakiskirqan inti jeqamunan kaqpita shamuq reykuna soldädunkunawan päsayämunanpaq.

¹³ Saypitanami rikarqä säpu niraq kimsa supaykunata. Say supaykunami yarqayämurqan dragonpa shiminpita, anticristupa shiminpita y lula profëtapa shiminpitapis.

¹⁴ Say kimsa supaykunaqa milagrukunatapis rurayarqanmi. Maysaypapis aywarmi reykunata y soldädunkunata shuntayarqan lapanpaq munayyuq Tayta Dios juzganan junaq pelyayänanpaq.

¹⁵ <>.

¹⁶ Saypitami say kimsa supaykuna lapan reykunata soldädunkunatawan juk pasaman shuntayarqan. Hebreo idiömacho say pasapa jutin kaykan Armagedónmi.

¹⁷ Qanchis kaq angilnami sararashqan cöpacho kaykaq castïguta wayraman tikwamurqan. Saymi [jana pasacho kaykaq] templupita y Diospa trönunpita sinchipa kayno nimuqta wiyarqä: <<¡Kananqa lapanpis cumplishnami kaykan!>>

¹⁸ Sayno nimuptinmi asikyaypa asikyar elqukuy rikakämurqan y maqakuy bunrurumushqanpis wiyakämurqan. Pasapis fiyupami suksukyarqan. Runakunata Tayta Dios kamashqanpita pasa manami imaypis sayno suksukyarqansu.

¹⁹ Jatunkaray Babilonia markacho taq runakuna jusalikuyashqanpitami cöpa junta winaraykaq rabyayninta Tayta Dios upusir fiyupa castigarqan. Sayno castigaptinmi say marka kimsaman rachikarqan. Wakin markakunanami pasaypa juchur ushakäyarqan.

²⁰ Lapan islakunapis y jirkakunapis elaqaskiyarqanmi.

²¹ Jana pasapitami chusku arröbano jatusaq runtu tamya tamyamurqan. Say runtu tamyawan nakarmi runakuna imaykatapis Tayta Diospa contran rimayarqan.