Apocalípsis 10 - Tayta Diospa Wilakuynin

Qelqaraykaq taksha rölluta ángel sararashqan

¹ Saypitanami rikarqä munayyuq ángel pukutaycho jana pasapita uraykämuqta. Uman jananchömi seqyaw ichiraykarqan. Qaqlanpis intinömi chipipirqan. Chankankunapis junishta nina sharkuqnöraqmi karqan.

² Kicharaykaq taksha röllun aptashqami shamurqan. Aluq kaq chakinmi lamarman jarurarqan y isuq kaq chakinnami pasaman jarurarqan.

³ Paymi leonnöraq seqaypa qapararqan. Sayno qaparaptinmi maqakuykunapis qanchis kuti bunrurumurqan.

⁴ Say qanchis maqakuykuna bunrurumur nishqankunata qelqayta munaptïmi jana pasapita nimarqan: <>.

⁵ Saymi lamarcho y pasacho ichiraq ángel aluq kaq makinta jana pasaman joqarirqan.

⁶ Sayno joqarkurmi jana pasatapis, kay pasatapis, lamartapis kamaq y imayyaqpis kawaq Tayta Diospa jutincho jurar nirqan: <<¡Tayta Dios mananami mas shuyanqanasu!

⁷ ¡Qanchis kaq ángel cornëtata tukayta qalaykuptinmi lapantapis Tayta Dios cumplir qalaykunqa! ¡Lapanpis päsanqa sirviqnin profëtakunawan wilashqannölami!>>

⁸ Saypitanami jana pasapita yapay nimarqan: <>.

⁹ Sayno nimaptinmi ángel kaqman aywar say rölluta manakurqä. Saymi ángel nimarqan: <>.

¹⁰ Rölluta chaskirkurmi mikurqä. Mikuptïmi shimïcho abëjapa mishkinnöraq mishkirqan. Pachächönami seqaypa ayarqan.

¹¹ Mikuskiptïmi nimarqan: <>.