Amós 8 - Tayta Diospa Wilakuynin

Revelacioncho poqush frütakunata Amós rikashqan

¹ Saypitanami revelacioncho Tayta Dios rikasimarqan juk canastacho poqush frütakunata.

² Nirkurmi tapur nimarqan: <<¿Imatataq rikaykanki, Amós?>> Saymi nirqä: <>. Saymi nimarqan: <

³ <>. Tayta Diosmi sayno nin.

⁴ Kay nishqäta shumaq wiyayämay. Yana ashnuykitanömi humildikunata mana pägaypa aruykäsiyanki. Pobrikunata pasaypami nakaykäsiyanki.

⁵ Qamkunaqa nikäyanki: <<¡Imayraq lulu killa fiesta ushakanqa trïgunsita rantikunansipaq! ¡Imayraq jamay junaqpis ushaykunqa saki mikuyninsita rantikunansipaq! Rantikurqa pësuwan y tupuwan engañaypami gänashun>>.

⁶ Qamkunaqa qellaypaq wachakash karmi trïgupa qawshuntapis rantikuykäyanki. Jaqan pägapakuyta mana kamäpakuq pobrikunatapis ashmaynikikuna kayänanpaqmi rantiykäyanki. Paykunata mana kuyapaypami rantiykäyanki ichikla qellaylawan karpis o juk par lanqilawan karpis.

⁷ Saymi Jacobpita miraq runakunata kuyaq Tayta Dios jurar nin: <

⁸ Jusalikuyashqaykipita ¿manasuraq kay pasapis suksukyanqa? Nilo mayu jakar bötiypa bötirraq aywashqannömi kay pasapis seqaypa kuyunqa. Mana kuyapaypa castigaptïmi intëru Israelcho runakunapis pasaypa waqayanqa>>.

⁹ Tayta Diosmi nin: <

¹⁰ Fiestata rurayänaykipa trukan imaypis waqalarmi kayanki. Cantarpis waqay waqaylatami cantayanki. Lütu mödanaykikuna jatishlami puriyankipis. Lakikuyashpaykimi umaykikunatapis qara putuypa rutukuyanki. Juklayla suriki wanuykuptin waqayashqaykinömi pasaypa lakikur waqayanki. Ima rurayashqaykipis manami shonquykikunapaqsu kanqa>>.

¹¹ Tayta Diosmi nin: <

¹² Wilakuynïta wiyayta munarmi runakuna maysaypapis puriyanqa. Lamarpa juk kuchunpita jukaq kuchunyaq aywarpis wilakuynïta manami tariyanqasu. Norti kaqläpita inti jeqamunan kaqläyaq aywarpis manami tariyanqasu.

¹³ Say wisanmi wilakuynïta mana wiyar kuyaylapaq jipashkunapis y geniuyuq maqtakunapis yakunaypita bëta sarishno kayanqa.

¹⁴ Saynöpis Samariacho kaq ïdulukunata adoraqkuna, Dancho kaykaq ïdulupa jutinta joqariqkuna y Beersebacho kaykaq ïdulukunapa jutinta joqariqkunapis lapanmi wanur ushakäyanqa>>.