Amós 6 - Tayta Diospa Wilakuynin

Israel y Judá nacionkuna castigash kayänanpaq nishqan

¹ Sióncho jawka täkuq autoridäkuna, ¡pasaypami nakayankipaq! Samaria lömacho kushish täkuq yachaq runakuna, ¡pasaypami nakayankipaq! Qamkuna ali tantiyasikuq kayashqaykita yarparmi Israel mayikikuna shayämun tantiyasiyänaykipaq.

² Calne markaman aywar paykunata ima päsashqantapis tantiyakuyay. Hamat markamanpis aywar paykunata ima päsashqantapis tantiyakuyay. Rikayay Filistea nacioncho kaykaq Gat markata ima päsashqantapis. Say markakunacho taq runakunapita ¿mas ali pelyaq kayashqaykitaku yarpaykäyanki? Markaykikunapis say markakunapita ¿mas jatun y mas aska runakuna kashqantaku yarpaykäyanki?

³ Qamkuna yarpaykäyanki ima desgraciapis mana päsayäshunaykipaq kashqantami. Sayno yarparpis lutankunata rurarmi desgraciaman ishkiykäyanki.

⁴ Qamkunaqa marfilpita rurash kuyaylapaq catrichöraqmi jitaräyankipis. Uyshakunata y wera turïtukunataran mikur jamaräyankipis.

⁵ Arpakunatapis waqay waqaylataraq tukarmi versukunatapis mushuqkunalata jamutaykäyanki. Instrumentukunatapis Davidnöraqmi tukuy niraqta ruraykäyanki.

⁶ Jatusaq väsukunawanraqmi vïnutapis upyaykäyanki. Alinnin perfümikunataraqmi winakuykäyanki. Qamkunata manami imapis qokuyäshunkisu Israel nación ushakäsish kananpaq kaptinpis.

⁷ Sayno kaykaqtami puntata qamkunataraq jäpa markaman prësu apayäshunki. Saymi fiesta ruraypis ni ali alilata mikuypis kanqanasu.

⁸ Lapanta mandaq Tayta Diosmi kikinpa jutincho jurar nin: <

⁹ Saynöpami juk wayicho chunka runakuna kawaykar quëdaqlanpis wanuyanqa.

¹⁰ Wanuq runakunapa ayanta shuntarkur rupasinanpaqmi mayqan ayllulanpis aywanqa. Wayiman chaykur ruricho pilatapis rikarmi tapur ninqa: <¿Pilaqa qamwan saycho kaykanraqku?> Saymi ruripita nimunqa: . Mastapis nimunqa:

¹¹ Tayta Diosmi kamakäsinqa jatusaq wayitapis taksha wayitapis juchusiyänanpaq> >>.

¹² ¿Pilaqa cawallun loqakurkur qaqa pachanpa cörrinmansuraq? ¿Pilaqa lamarcho yuntakunawan yapyanmansuraq? Say yarpaykuna upa yarpay kashqannömi qamkunapis mana tantiyakuq runakuna kaykäyanki. ¿Imanirtaq mana alikunata rurar Tayta Diospa leyninkunata venënumanno tikraykäsiyanki? Runakunata kushikasiyänaykipa trukanqa ¿imanirtaq mana alikunata rurar lakikuyman churaykäyanki?

¹³ Qamkunaqa manakaqkunapita alabakurmi nikäyanki: <>.

¹⁴ Lapanta mandaq Tayta Diosmi nin: <>.