Amós 5 - Tayta Diospa Wilakuynin

¹ Israel runakuna, wanupakuy cantatano kanan cantapaptï shumaq wiyayämay.

² Doncëlla jipashno kuyaylapaq kaykarpis nacionniki ushakanqami. Pasaypa asulash kaptinmi pipis sharkasinqanasu.

³ Tayta Diosmi nin: <>.

⁴ Tayta Diosmi nin: <

⁵ Bet-elman ama aywayaysu. Gilgalman ni Beersebamanpis ama chäyaysu. Gilgal markacho taq runakunata juk nacionmanmi prësu apakuyanqa. Bet-el markapis lapanmi ushakäsish kanqa>>.

⁶ Tayta Diosta ashirqa kawayankimi. Mana cäsukuyaptikiqa imaykatapis nina ushashqannömi lapaykita ushakäsiyäshunki. Say höraqa Bet-elcho adorayashqayki ïdulukuna manami mayqanpis salvayäshunkisu.

⁷ Qamkunaqa pobrikuna quejakayämushqantapis manami arreglayankisu. Jusayuqpa favornin sharkurmi jusaynaq kaqpa contran rikakuykäyanki.

⁸ Tayta Diosmi kamash Pléyades nishqan qoyllarkunata y Orión nishqan qoyllarkunatapis. Paymi sakaytapis junaqman tikrasin. Junaqtapis yanawyaykaq sakaymanmi tikrasin. Lamarpita pukutayta joqarkurmi tamyasimun. Jutinpis Yahwehmi kaykan.

⁹ Kalpasapa runatapis ushakäsinmi. Altu murällayuq markakunatapis ushakäsinmi.

¹⁰ Qamkunaqa demanduta ali arreglaq kaqta chikiykäyankimi. Rasun kaqlata wilakuq testïgukunatapis qarquykäyankimi.

¹¹ Impuestukunata pobrikunata pägasirmi mikuyänanpaq shuntayashqantapis qechuykäyanki. Sayno kayashqaykipitami laqlash rumiwan kuyaylapaq wayikunata sharkasirpis täyankisu. Üvata plantarpis vïnunta manami upuyankipaqsu.

¹² Musyämi jusalikur mana cäsukayämashqaykitapis. Qamkunaqa chaskipakur jusayuqkunapa favorninmi sharkuykäyanki y jusaynaq kaqtami tikrapaykäyanki.

¹³ Tikrapäyänaykipaq kashqanta musyarmi tantiyakuq runakunapis upälakuyan. Fiyu kayaptikimi pïmaypis mansa mansalana kawayan.

¹⁴ Kuyaypaq munaypaq kawayänaykipaq lutankunata rurayaysu, sinöqa ali kaqkunalata rurayay. Saymi lapanta mandaq Tayta Dios yarpäyashqaykinöla yanapäyäshunki.

¹⁵ Lutan ruraykunata kacharir ali kaqkunalata rurayay. Despächuykikunachöpis shumaq arreglayay. Sayno rurayaptikiqa Josépita miraqkuna lapayki mana ushakäyänaykipaq capazchir lapanta mandaq Tayta Dios kuyapaykuyäshunkimanpis.

¹⁶ Munayyuq y lapanta mandaq Tayta Diosmi nin: <

¹⁷ Shamur castigaptïmi lapan üva chakrakunachöpis Israel runakuna waqayanqa>>. Tayta Diosmi sayno nin.

¹⁸ ¡Ay, imanöraq kayanki Tayta Dios juzganan junaq chämuptin! ¿Imanirtaq munaykäyanki say junaq chämunanta? Say junaq ali kananpaq kashqanta yarpäyaptikipis pasaypa mansariypaqmi kanqa.

¹⁹ Say junaq kanqa leonpita qeshpir ukumaryawan tinkuqnömi. Saynöpis kanqa wayinman yaykur tuknakuptin perqa uchkupita makinta culebra picamuqnömi.

²⁰ Saymi Tayta Dios juzganan junaq chämuptin kushikuyänanpa trukan fiyupa lakikuyanqa. Sakaychöno kar manami ima ruraytapis kamäpakuyanqasu.

²¹ <

²² Rupasina sacrificiukunata y saki mikuykunata noqapaq rupasiyaptikipis manami chaskishaqsu. Werannin turïtuta jawka kawakuy sacrificiupaq rupasiyaptikipis manami chaskishaqsu.

²³ Arpata tukar kushish cantayashqaykitapis manami wiyayta munäsu.

²⁴ Noqa munä runa mayikikunawan ali kawar munashqäno kawayänaykitami. Mayu mana ushakaypa aywashqanno runa mayikikunawan imaypis ali kawayay.

²⁵ <

²⁶ Saypa trukanqa rey kashqanta yarparmi Sicut jutiyuq ïduluta aparish purisiyarqayki. Saynöpis qoyllar niraq Quiún ïdulutami aparish purisiyarqayki. Saykunataqa kikikikunami rurayarqayki diosnikikuna kayänanpaq.

²⁷ Saymi Damascupita mas washaqan partiman qarqusishayki>>. Sayno rurayäshunaykipaqmi Tayta Dios nin. Paypa jutinqa Lapanta Mandaq Tayta Diosmi.