2 Samuel 4 - Tayta Diospa Wilakuynin

Is-bosetta wanusishqan

¹ Hebróncho Abner wanushqanta wiyaykurmi Is-boset ima ruraytapis kamäpakurqansu. Saynölami lapan Israel runakunapis pasaypa mansakäyarqan.

² Is-bosetmi asaltantikunata imaypis kachaq runakunata asaltayänanpaq. Say asaltantikunapa kukunkunami kayarqan Baana y Recab. Paykunaqa kayarqan Beerot markacho taq Rimónpa surinkunami. Beerot markaqa Benjamín trïbu runakuna täyashqanchömi kaykan.

³ Benjamín trïbu runakuna manaraq saycho täyaptinmi saycho taq cananeo runakuna qeshpir aywakuyarqan Gitaim markaman. Saychömi say runakuna kananyaqpis taykäyan.

⁴ Saúlpa surin Jonatánpami juk surin karqan Mefi-boset. Mefi-boset pisqa watayuq kaykaptinmi taytan Jonatánta y awilun Saúlta Jezreel markacho filisteo runakuna wanusiyarqan. Sayta mayaykurmi ashmaqnin warmi Mefi-bosetta aparikurkur qeshpiykäsiptin wamra shikwakurkurqan chakinkuna moqaqpaq. Say junaqpitanami ishkan chakin weqru rikakurqan.

⁵ Juk junaqmi Rimónpa surinkuna Recabwan Baana aywayarqan Saúlpa surin Is-bosetpa wayinman. Chäyänanpaqqa pasaypa shanaptinmi cämancho Is-boset punukash kaykänaq.

⁶ Wayi punku kichapaq warmipis trïguta püraykashqanchömi punukash kaykänaq. Saymi Recab y wawqin Baana yaykuskir

⁷ cämancho punuraykaqta Is-bosetta wanusiyarqan. Nirkurmi umanta roquriyashpan apakurkur Arabá pampapa aywaq nänipa say sakay warati aywayarqan.

⁸ Hebrónman chäyashpan rey Davidman aparmi niyarqan: <>.

⁹ Sayno niptinmi David nirqan: <

¹⁰ Kushikunäpaq kashqanta yarparmi Saúl wanushqanta juk runa wilamarqan. Jina kaqtami sariykur kikinta Siclag markacho wanusirqä.

¹¹ Payta wanusishqänölami qamkunatapis wanusiyäshayki jusaynaq runata wayincho punuraykaqta wanusiyashqaykipita. Saymi kananqa kikikikunatapis ushakäsiyäshayki>>.

¹² Sayno nirkushpannami soldädunkunata David nirqan paykunata wanusiyänanpaq. Wanurkasir makinkunata chakinkunata roqurishpanmi Hebróncho kaykaq pözu nawpanman ayankunata warkuyarqan. Is-bosetpa umantanami Abner pamparashqan nawpanman Hebróncho pampayarqan.