2 Samuel 24 - Tayta Diospa Wilakuynin

Israel runakunata David censasishqan

¹ Tayta Dios yapay rabyashpanmi Israel runakunata castigayta munarqan. Saymi Davidpa yarpayninman churarqan Israel runakunata y Judá runakunata censananpaq.

² Saymi soldädunkunapa capitannin Joabta qayaykur rey David nirqan: <>.

³ Niptinmi Joab nirqan: <<¿Imanirtaq runakunata censayta munaykanki, taytay? Tayta Diosta manakushqaqa pachak (100) kuti mastapis kawashqaykiyaqqa runakunata rikakäsimunmanmi>>.

⁴ Joab y capitankuna sayno niyaptinpis rey Davidqa niyashqanta manami chaskiparqansu. Saymi capitankunawan Joab aywayarqan Israel runakunata censayämunanpaq.

⁵ Jordán mayuta simpaskirmi censar qalaykuyarqan Aroer markacho taq runakunata y mayu kuchun markacho taq runakunatapis. Saypitanami Gad trïbu runakuna täyashqan partipa censaraykar päsayarqan hasta Jazer markaman chäyashqanyaq.

⁶ Nirkur Galaad partipa y heteo runakuna täyashqan Cades markapa censaraykar aywayashpan Dan trïbu runakuna täyashqanman chaykurmi Sidón markapa tumayarqan.

⁷ Saypitanami shumaq murallash Tiro markapa päsar heveo runakuna y cananeo runakuna täyashqan markakunapa censaraykar päsayarqan. Nirkurnami Judá trïbu runakuna täyashqan sur kaqläpa censaraykar päsayarqan hasta Beerseba markayaq.

⁸ Esqun killa ishkay chunka (20) junaqta intërupa censayta ushaskirmi Jerusalénman kutiyarqan.

⁹ Rey Davidman kutiykurmi ayka runakunata censayämushqantapis Joab wilarqan. Israelcho taq runakunata censar tariyarqan puwaq pachak waranqa (800,000) runakunata. Judácho taq runakunata censarnami tariyarqan pisqa pachak waranqa (500,000) runakunata. Lapan say censayashqan runakunaqa guërraman aywayänanpaq edäninchömi kayarqan.

Censashqanpita Tayta Dios castigashqan

¹⁰ Runakunata censasiyta ushaskirmi jusalikushqanta David tantiyaskir shonqunpis nanayparaq lakikurqan. Saymi Tayta Diosta manakur nirqan: <>.

¹¹ Tayta Dios imata nishqantapis musyananpaqmi profëta Gadta David imaypis tapukuq. Saymi waraynin tuta profëta Gadta Tayta Dios nirqan:

¹² <>.

¹³ Sayno niptinmi David kaqman aywaykur Gad nirqan: <>.

¹⁴ Saymi Gadta David nirqan: <<¡Kaychi kaylaqa! Kananqa manami mayqantapis akrayta kamäpaküsu. Imano kaptinpis seqaypa kuyapäkuq kar Tayta Dios kikin castigamäsun. Conträ runakunapa munayninman isanqa ama kachaykalämäsunsu>>.

¹⁵ Saymi say junaq tutapita qalaykur nishqan junaqyaq Danpita hasta Beersebayaq Israel runakunata pesti qeshyawan Tayta Dios castigarqan. Sayno castigaptinmi qanchis chunka waranqa (70,000) runakuna wanuyarqan.

¹⁶ Kachamushqan ángel Jerusaléncho taq runakunatapis wanusinanpaqna kaykaptinmi Tayta Dios pësakurqan runakunata sayno wanusishqanpita. Saymi angilta nirqan: <>. Say höra Tayta Diospa angilnin kaykarqan jebuseo runa Araunapa ëranchömi.

¹⁷ Wanusikuq angilta rikaykurmi Tayta Diosta David nirqan: <>.

Tayta Diosta adorananpaq altarta David rurashqan

¹⁸ Say junaqmi David kaqman aywaykur Gad nirqan: <>.

¹⁹ Sayno niptinmi David aywarqan Tayta Dios nishqannöla.

²⁰ Rey David yanapaqninkunawan aywaykäyashqanta rikarmi Arauna tinkupaykur puntanman qonqurpakuykurqan urkunpis pasaman töpashqanyaq.

²¹ Nirkurmi nirqan: <<¿Imalaraq kaykan watukamänaykipaq, taytay?>> Saymi David nirqan: <<Ëraykita rantikaykamay Tayta Diospaq altarta saycho ruranäpaq. Say altarchömi sacrificiukunata rupasishaq pesti qeshyawan runakuna manana wanuyänanpaq>>.

^22-23 Saymi Arauna nirqan: <>. Mastapis nirqan: <>.

²⁴ Sayno niptinmi rey David nirqan: <>. Sayno nirmi say ëratapis törukunatapis David rantirqan pisqa chunka (50) siclo qellaywan.

²⁵ Nirkurnami say ëracho altarta David rurarkasir rupasina sacrificiukunata y jawka kawakuy sacrificiukunata rupasirqan. Saymi runakuna manakuyashqanta wiyar Tayta Dios manana pitapis pesti qeshyawan wanusirqannasu.