2 Samuel 22 - Tayta Diospa Wilakuynin

David cantashqan

¹ Saúlpita y lapan contrankunapita salvaptinmi Tayta Diospaq David

² kayno nirqan: <

³ Pay japalanmi Diosnï kaykan. Amparakunä qaqami kaykan. Paymanmi yärakü. Escüdü karmi sapäman. Munayyuq karmi imaypis salvaman. Payqa altunnincho pakakunä machaymi kaykan. Imaykapitapis salvamaqnïmi kaykan. Wanusiyämänanpaq kaykaptinpis paymi salvaman.

⁴ Tayta Diostami imaypis alabaläshaq. Manakuptï conträkunapita imaypis salvamanmi.

⁵ <

⁶ Wanuypis läzunwanmi watamarqan. Ushakäsikuq trampatami churapämarqan.

⁷ Wanunäpaqna kashqäta yarparmi Tayta Diosta manakurqä. Yanapämänanpaqmi Diosnïta ruwakurqä. Ruwakuptïmi templunpita pasa wiyamarqan. Seqaypa lakikur manakushqätami wiyamarqan.

⁸ <

⁹ Senqanpitami qoshtaypis yarqamurqan. Shiminpitami ninapis yarqamurqan. Arquykaq shanshatapis aqtumurqanmi.

¹⁰ Ciëlu punkuta kichaskir kikinmi urämurqan. Chakin jawanchöpis yana pukutaymi karqan.

¹¹ Querubín angilnin loqashqami pajamurqan. Wayra jananchömi cörrila shamurqan.

¹² Paypa pakakunanqa yana chiklu sakaymi karqan. Yanawyaykaq pukutaymi payta sapakurkurqan.

¹³ Elqukuyno chipipiylami nawpanpita yarqamurqan. Tillaykaq shanshalami tamyamurqan.

¹⁴ <

¹⁵ Elquyninta flëchatanöraq jitamuptinmi conträkuna qeshpir wakpa kaypa aywakuyarqan.

¹⁶ Tayta Dios olqutupämuptinmi lamar rurinpis alayri rikakarqan. Rabyar pükamuptinmi kay pasata tuknaraqkunapis rikakäyarqan.

¹⁷ <

¹⁸ Munayyuq conträkunapa makinpitami jorqamarqan. Noqapita mas poderösu kayaptinpis paymi salvamarqan.

¹⁹ Pasaypa desgraciacho kaykaptïmi conträkuna atacayämarqan. Sayno kaykaptïmi Tayta Dios yanapämarqan.

²⁰ Yanapämarmi aliman churamarqan. Kuyamashpanmi salvamarqan.

²¹ Munashqanno kawaptïmi jorqamarqan. Alilata ruraq kaptïmi salvamarqan.

²² Tayta Dios munashqannölami imaypis kawaykä. Mana jusalikuypami payta imaypis qatiraykä.

²³ Nishqankunataqa lapantami yarparaykä. Estatütunkunataqa imaypis cumpliykämi.

²⁴ Noqaqa pay munashqannömi kawashkä. Lutan ruraykunapitapis witikushkämi.

²⁵ Alilata ruraq kaptïmi imaykapitapis Tayta Dios sapämash. Jusaynaq kashqäta musyarmi yanapämash.

²⁶ <

²⁷ Ali kawaqkunataqa alimi rikaykanki. Trampösu kaqkunatami isanqa castigaykanki.

²⁸ Humildikunataqa salvaykankimi. Runa tukuqkunatami isanqa manakaqman churaykanki.

²⁹ Tayta Diosnilä, noqapaq aksinömi kaykanki. Sakäpakushno kaptïpis qammi tantiyasimanki.

³⁰ Yanapämaptikimi aska soldädukunatapis qokachärishaq. Marka murällan altu kaptinpis achpaypami yaykushaq.

³¹ <

³² Tayta Diospita mas juk Diosqa manami kansu. Tayta Diosninsinöqa manami pipis sapämansisu.

³³ Tayta Dios kikinmi kalpatapis qoman. Pay pusharämaptinmi munashqanno ali kawä.

³⁴ Pay yanapämaptinmi luychunöraq wayrala aywä. Jirkakunapa purirpis mana luskakaypami purï.

³⁵ Guërracho ali pelyaq kanäpaqpis paymi yachasiman. Bronci flëchata wimpisinäpaqpis paymi kalpata qoman.

³⁶ <

³⁷ Qammi shumaq tantiyasimashkanki maypa aywarpis munashqaykino kawanäpaq.

³⁸ <

³⁹ Paykunata chipyaqmi ushashkä. Vincishpämi majaypa majar ushashkä. Manami paykuna yapay conträ sharkuyashnasu.

⁴⁰ Qammi guërracho pelyanäpaq kalpata qomashkanki. Conträkunatami munaynïman churamushkanki.

⁴¹ Yanapämaptikimi kunkapita jarushkä. Saynöpami chikimaqnïkunata lapanta ushakäsishkä.

⁴² Paykunataqa qayakuyaptinpis manami pipis yanapashsu. Tayta Diosta manakuyaptinpis manami cäsushsu.

⁴³ Jarukuykar alpata polvuyäsiqnömi paykunatapis ushakäsishkä. Mituta cällicho lanquyashqannömi paykunataqa ushashkä.

⁴⁴ Israel nacioncho conträ sharkuyaptinpis qammi salvamashkanki. Juk nacionkunapa mandaqnin kanäpaqmi churamashkanki. Jäpa runakunami kanan sirviykäyäman.

⁴⁵ Juklä nación runakunapis munaynïchömi kaykäyan. Imatapis rurayänanpaq niptïqa paykuna juklami rurayan.

⁴⁶ Say jäpa runakunaqa mansayämanmi. Qayaptïpis pakaräyashqanpita suksukyaykarmi yarqayämun.

⁴⁷ <<¡Alabash kaykuläsun Tayta Dios! ¡Alabash kaykuläsun sapämaqnï! ¡Alabash kaykuläsun salvamaqnï!

⁴⁸ Conträ sharkuqkunata qammi castigashkanki. Lapan nación runakunatapis munaynïmanmi churamushkanki.

⁴⁹ Qammi chikimaqnïkunapita salvamashkanki. Conträ sharkuqkunapita libramashkanki. Wanusikuq runakunapitapis sapämashkankimi.

⁵⁰ Saymi may nacioncho karpis adorashayki. Lapan shonqüwan cantarmi alabashayki.

⁵¹ Akrashqayki reyta lapanchömi yanapaykanki. Davidta y paypita miraqkunatami imaypis kuyapaykanki>>.