2 Samuel 20 - Tayta Diospa Wilakuynin

Davidpa contran Seba sharkushqan

¹ Saychömi kaykarqan Bicripa surin Seba. Sebaqa Benjamín trïbupita yaqa runami karqan. Paymi cornëtata tukashpan Davidpa contran sharkur nirqan: <<¡Israel runakuna, wayinsikunapa kutikushun! ¡Davidqa manami mandamaqninsi rey kanmansu! ¡Isaípa surin Davidpitaqa manami imatapis chaskishunsu!>>

² Sayno niptinmi Israel runakuna Davidta kachariykur Bicripa surin Sebapa qepanpana aywakuyarqan. Judá runakunami isanqa rey Davidwan Jordán mayupita Jerusalénman aywayarqan.

³ Jerusalénman David kutiykurmi palaciuta täpayänanpaq kachashqan chunka concubïna warminkunata juk wayiman shuyni churaykurqan. Paykunata ashmararpis manami paykunawan David punurqannasu. Saymi say warmikunaqa wanuyashqanyaq viüda japuy täkuyarqan.

⁴ Nirkurnami Amasata rey David nirqan: <>.

⁵ Sayno niptinmi Amasa aywarqan soldädukunata shuntamunanpaq. Sayno kaptinpis kimsa junaqlacho shuntamuyta mana kamäpakurmi jukla kutimurqansu.

⁶ Amasa mana kutimuptinmi Abisaita David nirqan: <>.

⁷ Sayno niptinmi cereteo soldädukunata, peleteo soldädukunata, saycho kaykaq alinnin kaq soldädukunata y Joabpa soldädunkunata pushakurkur Joabwan Abisai Jerusalénpita aywayarqan Bicripa surin Sebata qatipäyashpan.

⁸ Gabaóncho jatun rumi kaykashqanman chaykäyaptinnami Amasa yarqamurqan paykunawan tinkunanpaq. Joabqa pelyananpaq kaq mödanan jatish y cinturonninman cuchillun warkapashqami purirqan. Amasaman tinkuq aywarmi say cuchilluta pakaylapa jipiskirqan.

⁹ Nirkurmi Joab nirqan: <<¿Alilaku kaykanki, wawqi?>> Sayno nishpanmi aluq kaq makinwan shaprapita aptarkurqan qaqlancho musayta munaqno.

¹⁰ Jukaq makincho cuchilluta aptaraykashqanta Amasa mana tantiyaptinmi Joabqa ashashninpis pasaman qotukaqpaq tuksiriykurqan. Jinan höra wanuptinmi yapay tuksirqannasu. Nirkurnami Joab y wawqin Abisai Bicripa surin Sebata wanusiyänanpaq qatipar aywayarqan.

¹¹ Aya jitaraykaqpa nawpanman ichiykurmi Joabpa juk soldädun nirqan: <<¡Joabta y Davidta yanapayta munaqkunaqa Joabwan aywashun!>>

¹² Sayno niptinpis nänicho pasaypa yawarlana Amasa wanush jitaraptinmi saypa päsaq soldädukuna ichiykur rikapäyarqan. Saymi say soldäduqa nänipita jukläman apaykur cäpawan sapaykurqan.

¹³ Jukläman witirasiptinmi Joabwan aywaq soldädukuna Bicripa surin Sebata qatipar aywayarqan.

¹⁴ Sayyaqmi lapan trïbu Israel runakuna täyashqankunapa päsar Seba charqan Abel-bet-maaca markayaq. Saychömi Bicripita miraq ayllunkunawan shuntakaykur yaykuyarqan say markaman.

¹⁵ Saypitanami soldädunkunawan Joab chäyarqan Abel-bet-maacaman. Marka punkun shumaq wichqaraptinmi yaykuyta mana kamäpakuyashpan marka murälla waqtanman rumita y alpata qotuyarqan. Saypa wisarkurnami lapan soldädukuna murällata juchusir qalaykuyarqan.

¹⁶ Sayno rurayashqanta rikaykurmi juk astüta warmi qayakurqan: <<¡Taytakuna! ¡Tayta Joabta niykulay kayman shamunanpaq! Paywanmi parlayta munaykä>> nir.

¹⁷ Joab chaykuptinmi warmi tapurqan: <<¿Qamku kaykanki Joab?>> Saymi Joab nirqan: <>. Sayno niptinmi warmi nirqan: <>. Saymi Joab nirqan: <<¿Imataq kaykan nimänaykipaq?>>

¹⁸ Niptinmi warmi nirqan: <. Say nishqannölami kay markachöqa ali yäsikuqta pipis tarin.

¹⁹ Saynölami kay markacho pïmaywanpis ali kawayä. Rey nishqantami imaypis rurayä. Kay markano ali markaqa juk ishkaylami Israel nacioncho kaykan. Tayta Diospa herencian kay marka kaykaptinqa ¿imanirmi juchuykäsiyanki?>>

²⁰ Sayno niptinmi Joab nirqan: <<¡Saytaqa ama yarpaysu! Manami kay markata ushakäsiyänäpaqsu shayämushkä.

²¹ Saypa trukanqa shayämushkä Efraín jalqakunacho taq Bicripa surin Sebata wanusiyänäpaqmi. Payqa rey Davidpa contran sharkushpan qeshpimurmi kayman amparakamush. Say runata wanuskasirqa kay markapita aywakuyäshaqmi>>. Sayno niptinmi warmi nirqan: <>.

²² Sayno nirmi say warmiqa Sebata wanusiyänanpaq marka mayin runakunawan wilanakuyarqan. Nirkurmi Sebapa umanta roquskir jitaskayämurqan marka murälla jananpa. Jitapaskayämuptinnami cornëtata Joab tukasirqan soldädunkuna markata manana atacayänanpaq. Saymi lapan soldädukuna wayinkunapana kutikuyarqan. Joabpis Jerusaléncho rey David kaqmanmi kutikurqan.

Davidpa yanapaqninkuna pï pï kayashqanpis

²³ Joabmi karqan Israel nacioncho lapan soldädukunapa capitannin. Joiadapa surin Benaíanami karqan cereteo soldädukunapa y peleteo soldädukunapa capitannin.

²⁴ Adorammi karqan rey Davidpa aruqninkunapa capataznin. Ahiludpa surin Josafatnami karqan Israelcho ima päsashqankunatapis qelqaq.

²⁵ Sevanami karqan Davidpa secretariun. Sadocwan Abiatarmi kayarqan cürakuna.

²⁶ Jairpita miraq Irapis Davidpa cüranmi karqan.