2 Samuel 2 - Tayta Diospa Wilakuynin

Judá runakunapa mandaqnin rey kananpaq Davidta churayashqan

¹ Saypitanami Tayta Diosta David tapukur nirqan: <<¿Judácho mayqan markamanpis kutïmanku o manaku?>> Saymi Tayta Dios nirqan: <>. Niptinmi David tapurqan: <<¿Mayqan markamantaq kutïman, Taytay?>> nir. Niptinmi nirqan: <>.

² Sayno niptinmi David aywarqan ishkan warminta pushakurkur. Jukaq warminpa jutinmi karqan Ahinoam. Pay karqan Jezreel markapitami. Jukaq warminpa jutinnami karqan Abigail. Payqa Carmelcho taq Nabalpa viüdanmi karqan.

³ Saynölami yanapaqnin runakunatapis warminkunatawan y wamrankunatawan pushakurqan. Hebrónman chaykurmi nawpankunacho kaykaq markakunacho täyarqan.

⁴ Saycho taykäyaptinmi Judá autoridäkuna chaykur Davidpa umanman aceitita winapäyashpan churayarqan mandaqnin rey kananpaq. Saypitami David musyarqan Galaad particho kaykaq Jabes markacho taq runakuna Saúlta pampayashqanta.

⁵ Saymi Jabes runakunaman kachata kachakurqan wilar ninanpaq: <

⁶ Saynöpis yanapaykuyäläshunki lapan rurayashqaykikunapis ali kananpaq. Saynölami noqapis yanapäyäshayki Saúlta shumaq pampayashqaykipita.

⁷ Kananqa imapitapis ama lakikuyaynasu. Rey Saúl wanush kaptinmi noqatana rey kanäpaq Judá runakuna churayämash>>.

Israel runakunapa mandaqnin rey kananpaq Is-bosetta Abner churashqan

⁸ Nerpa surin Abnernami Saúlpa surin Is-bosetta pusharqan Mahanaim markaman. Abnerqa Saúlpa soldädunkunapa mandaqninmi karqan.

⁹ Saychömi runakunata nirqan Is-boset Israel runakunapa mandaqnin rey kashqanta. Saymi Is-boset mandarqan Galaadcho, Gesuricho, Jezreelcho, Efraíncho, Benjamíncho y lapan Israelcho taq runakunatapis.

¹⁰ Chusku chunka (40) watayuq Is-boset kaykarmi Israel runakunapa mandaqnin rey kayman yaykurqan. Paymi ishkay wata rey karqan. Judá runakunalami mandaqnin rey kananpaq Davidta churayashqanta välisiyarqan.

¹¹ Hebrón markapita pasami Davidqa Judá runakunata qanchis wata soqta killa mandarqan.

Judá runakunawan Israel runakuna pelyayashqan

¹² Saypita Nerpa surin Abnernami Mahanaimpita Gabaón markaman aywarqan Saúlpa surin Is-bosetpa soldädunkunata pushakurkur.

¹³ Saynölami Sarviapa wawan Joabpis Davidpa soldädunkunata pushakurkur Hebrónpita Gabaón markaman aywarqan. Gabaóncho kaykaq pukyu nawpanchömi simpa simpa soldädukuna churakäyarqan.

¹⁴ Saychömi Joabta Abner nirqan: <>. Sayno niptinmi Joabpis nirqan: <>.

¹⁵ Saymi Saúlpa surin Is-bosetpa soldädunkunapita chunka ishkay maqtakuna yarquyarqan. Paykunaqa Benjamín trïbu runakunami kayarqan. Saynölami Davidpa soldädunkunapitapis chunka ishkay maqtakuna yarquyarqan.

¹⁶ Saymi umapita sarinakur custillanpa tuksinakuyashpan lapan maqtakuna wanuyarqan. Saycho wanuyaptinmi say partita jutisiyarqan Helcat-hazurim jutin kananpaq.

¹⁷ Wanusinakuyashqanta rikaykurmi wakin kaq soldädukunapis pelyar qalaykuyarqan. Say pelyachömi Abnerta y pusharashqan Israel soldädukunata Davidpa soldädunkuna vinciyarqan.

Asaelta Abner wanusishqan

¹⁸ Saychömi Sarviapa kimsa wawankuna kaykäyarqan. Paykunapa jutinkunami karqan Joab, Abisai y Asael. Asaelqa luychunöraqmi cörriq.

¹⁹ Saymi Abnerta Asael qatikachar maypa qeshpinantapis kachaparqansu.

²⁰ Sayno qatikachaykaptinmi Abnerqa tikraykushqancho nirqan: <<¿Qam manaku Asael kaykanki?>> Sayno niptinmi Asael nirqan: <<¡Aw, Asaelmi kaykä!>>

²¹ Saymi Abner nirqan: <>. Sayno niptinpis Asaelqa jinalami qatikacharqan.

²² Mana cäsukuptinmi Abner yapay Asaelta nirqan: <<¡Sänu qaralaykiwan witikuy! Wanusiyta mana munaykarpis cuidä wanurasïmantaq. Qamta wanusirqa ¿ima cäräwanraq wawqiki Joabwan tinkümanpis?>>

²³ Saymi mana kachaypa qatikachaptin lanzanpa qepa kaq puntanwan pachanpa Abner tuksirirqan waqtanpa päsashqanyaq. Saynöpami jinan höra Asael wanuskirqan. Wanush jitaraptinmi saypa päsaqkuna ichiykurraq rikapäyarqan.

²⁴ Wawqinta wanusishqanta wilaykuyaptinmi Joabwan Abisai Abnerta qatikachäyarqan. Inti jeqaykaptinnami Amma lömaman chäyarqan. Say kaykan Gía marka simpancho y Gabaóncho kaykaq sunyaq jirkaman aywana nänipa nawpanchömi.

²⁵ Say lömachönami Benjamín trïbu soldädukuna Abnerwan shuntakar churanakuyarqan Davidpa soldädunkunawan pelyayänanpaq.

²⁶ Saypitanami Abner qayakur Joabta nirqan: <<¡Amana wanusinakushunnasu! Saynöla wanusinakurqa kuyapaypaqmi ushakäshun. ¿Imanirtaq soldäduykikunata michankisu Israel mayinkunata manana wanusiyänanpaq?>>

²⁷ Sayno niptinmi Joab nirqan: <>.

²⁸ Saymi cornëtata Joab tukasiptin Davidpa soldädunkuna manana qatikachäyarqannasu.

²⁹ Say sakaymi Abner y soldädunkuna kutiyashpan Jordán mayuta simparir nawpancho kaykaq pampapa aywayarqan. Saypita Bitrón partipa päsarmi Mahanaim markaman chäyarqan.

³⁰ Joabpis Abnerta manana qatikachar Davidpa soldädunkunata shuntaykur yupaptinmi pishirqan Asael y chunka esqun soldädukuna.

³¹ Abner pusharashqan Benjamín trïbu soldädunkunatami Davidpa soldädunkuna wanusiyarqan kimsa pachak soqta chunkata (360).

³² Saypita Asaelpa ayantanami Belénman apaykur taytan pamparashqan kaqman pampayarqan. Nirkurnami Joabpa soldädunkuna say sakay warati aywayarqan Hebrónman chäyashqanyaq.