2 Samuel 11 - Tayta Diospa Wilakuynin

Betsabéwan David jusalikuyashqan

¹ Cada watami tamya tiempu päsarkuptin reykuna pelyayänanpaq aywayaq. Say wisanmi capitannin Joabta David kacharqan soldädukunata pushakurkur amonita runakunawan pelyayänanpaq. Chaykurmi amonita runakunapa chakrankunacho mikuykunata y markankunatapis chipyaq ushayarqan. Saynölami Rabá markacho taq runakunata tumaypa sapaskiyarqan. Davidnami Jerusalénlacho quëdakurqan.

² Juk tardimi David punushqanpita sharkurkur aywarqan palaciun jananman. Saycho puriykashqanchömi rikarqan kuyaylapaq warmi armakuykaqta.

³ Sayta rikaykurmi David kacharqan juk ashmayninta pï kashqantapis musyapakamunanpaq. Kutiykurmi wilarqan heteo ayllu Uríaspa warmin Betsabé kashqanta. Betsabéqa Eliampa surinmi karqan.

⁴ Payqa killa qeshyanwan qeshyashqanpitami purificakur armakuykarqan. Betsabé kashqanta wilaptinmi palaciunman pushaykasimur paywan David punurqan. Nirkurnami Betsabépis wayinpa kutikurqan.

⁵ Saypitanami qeshyaq rikakushqanta tantiyaykur jukla Davidta musyasirqan.

⁶ Sayta musyaykurmi ashmayninta capitán Joabman kacharqan: <> ninanpaq. Sayno niptinmi Joabqa David kaqman Uríasta jukla kacharqan.

⁷ Urías chaykuptinmi David tapurqan Joab y soldädunkuna imano kaykäyashqanta y guërra imano kashqantapis.

⁸ Nirkurnami Uríasta nirqan: <>. Palaciupita yarquskiptinnami alinnin kaq mikuyta David apasirqan.

⁹ Wayinman aywananpa trukan Uríasqa palaciu punkulachömi täpaq soldädukunawan punurqan.

¹⁰ Wayinpa mana aywashqanta musyaykurmi Uríasta qayaykur David nirqan: <>

¹¹ Sayno niptinmi Urías nirqan: <>

¹² Saymi David nirqan: <>. Sayno niptinmi Jerusaléncho Urías quëdakurqan.

¹³ Say junaqmi Uríasta David mikasirqan y shinkashqanyaq upyasirqan. Shinkash kaykarpis Urías wayinpa aywananpa trukanqa palaciuta täpaq soldädukuna punuyashqan kaqlachömi yapay punurqan.

¹⁴ Saypita waraynin tutanami David juk cartata qelqarkur Joabman Uríaswan apasirqan.

¹⁵ Say cartachömi nirqan: <>.

¹⁶ Cartacho David sayno niptinmi Joabqa Rabá markata atacar mas geniuyuq soldädukunawan pelyananpaq Uríasta churarqan.

¹⁷ Atacayaptinmi Rabá soldädukuna markapita yarqurir Joabpa soldädunkunawan pelyayarqan. Saychömi Davidpa juk ishkay capitanninkunata wanusir heteo ayllu Uríastapis wanusiyarqan.

¹⁸ Saypitanami Joabqa Davidman wilakasirqan guërracho ima päsashqankunatapis.

¹⁹ Wilakuqta kacharmi nirqan: <

²⁰ capazmi rey David rabyar nishunki: <¡Imanirtaq aläpa yaykuyarqayki marka murälla chakinyaq! ¿Manaku tantiyayarqayki jananpita flëchayämunanpaq kayashqanta?>

²¹ Saynöpis capazmi David yarpäsishunki Tebes markacho ima päsashqantapis. Saychömi murälla jananpita tunaywan warmi samqamur Jerobaalpa surin Abimelecta wanusirqan. David sayno olqutupäshuptiki ninki: >>.

²² Sayno yäsirkuptinmi say kachashqan runa David kaqman aywaykur Joab nishqannöla wilarqan.

²³ Wilarmi nirqan: <

²⁴ Marka punkucho pelyayaptïmi murällapita flëchakunawan flëchayämushqancho wakin soldäduykikunata wanusiyash. Saychömi Uríastapis wanusiyash>>.

²⁵ Sayno niptinmi David nirqan: <>.

²⁶ Uríaspa warminqa runan wanushqanta musyaykur lakikushpanmi lüturqan.

²⁷ Lütuykashqan tiempu cumplirkuptinnami Betsabéta warminpaq palaciunman David pushasirqan. Saychönami killan tinkurkuptin qeshyakurqan. David sayno rurashqanpita Tayta Dios fiyupami ajanarqan.