2 Samuel 10 - Tayta Diospa Wilakuynin

Siria runakunata y amonita runakunata David vincishqan

¹ Saypitanami amonita runakunapa mandaqnin rey wanuykuptin surin Hanún papäninpa trukan rey karqan.

² Saymi David nirqan: <>. Sayno nirmi Hanún kaqman propiukunata kacharqan taytan wanushqanpita shakyäsiyänanpaq. Kachashqan propiukuna chäyaptinmi

³ soldädunkunapa capitanninkuna Hanúnta niyarqan: <<¿Criyinkiku taytayki wanushqanpita shakyäsiyäshunaykipaq runakunata David kachamushqanta? ¿Manasuraq niq tumpala markansita rikapakunanpaq kachamush kutiykamur ushakäsimänansipaq?>>

⁴ Sayno niyaptinmi Hanúnqa David kachashqan runakunata prësu sariykasir shapranta jukaq qaqlanpita ruturqan. Nirkurnami siki patanläpa mödananta rutuparir qarqurirqan.

⁵ Sayno ruraykuptinmi say runakuna pasaypa penqaytukush kutikuyarqan. Hanún sayno rurashqanta musyaykurmi propiuta David kacharqan say runakunata niyänanpaq: <>.

⁶ Davidta rabyanäsishqanta tantiyaykurmi amonita runakuna Siria nacionman aywaykur Bet-rehob y Soba markakunacho taq ishkay chunka waranqa (20,000) soldädukunata minkakuyarqan yanapäyänanpaq. Saynöpis Maaca runakunapa mandaqnin reywanmi conträtuta rurayarqan juk waranqa (1,000) soldädukunawan yanapäyänanpaq. Saynölami Is-tob partimanpis aywaykur chunka ishkay waranqa (12,000) soldädukunata minkakuyarqan yanapäyänanpaq.

⁷ Sayta musyaykurmi lapan alinnin kaq soldädunkunata y capitannin Joabta David kacharqan pelyaq aywayänanpaq.

⁸ Saymi amonita soldädukuna kamarikuykur markapa punkunman churakäyarqan Israel runakunawan pelyayänanpaq. Siriapita, Is-tobpita y Maacapita aywaq soldädunkunanami pampaman churakäyarqan Israel runakunawan pelyayänanpaq.

⁹ Saymi nawpanpa y qepanpa atacayänanpaq kashqanta musyashpan alinnin kaq soldädunkunata Joab akrarqan Siria soldädukunawan pelyaq aywayänanpaq.

¹⁰ Wakin soldädukunatanami wawqin Abisaitawan kacharqan amonita soldädukunawan pelyayänanpaq.

¹¹ Saymi Abisaita nirqan: <

¹² ¡Mana mansariypa pelyashun! ¡Tayta Diosninsi entregamashqansi nacionninsi rayku y markansikuna rayku pelyashun! ¡Tayta Dios munashqanno kaykuläsun!>>

¹³ Saymi pelyananpaq soldädunkunawan Joab aywayaptin Siria soldädukuna qeshpir aywakuyarqan.

¹⁴ Siria soldädukuna qeshpiyashqanta rikaykurmi amonita soldädukunapis Abisaipita qeshpir markaman yaykukuykuyarqan. Sayno qeshpiyaptinmi Jerusalénpana soldädunkunawan Joab kutikurqan.

¹⁵ Israel runakuna sayno vinciyaptinmi Siria runakuna yapay paykunawan pelyayänanpaq shuntakäyarqan.

¹⁶ Éufrates mayu simpancho taq Siria runakunatapis rey Hadad-ezer minkakuptinmi Helam markaman chäyarqan yanapäyänanpaq. Lapan soldädukunapa mandaqninmi Hadad-ezerpa soldädunkunapa capitannin Sobac karqan.

¹⁷ Pelyayänanpaq shuntakäyashqanta wilaykuptinmi Davidqa lapan Israel soldädukunata pushakurkur aywarqan Jordán mayuta simparir Helam markayaq. Sayman chäyaptinmi Siria soldädukuna atacar qalaykuyarqan.

¹⁸ Davidpa soldädunkuna vinciyaptinmi pelyaykäyashqanpita Siria soldädukuna qeshpir aywakuyarqan. Saychömi Davidwan kaykaq soldädukuna wanusiyarqan qanchis pachak (700) carrëtawan puriq soldädukunata y chusku chunka waranqa (40,000) cawallun loqash soldädukunata. Saynölami Siria soldädukunapa capitannin Sobactapis wanusiyarqan.

¹⁹ Sayno vinciyaptinmi Hadad-ezerta yanapaq reykuna rindikuyashpan Davidpa munayninchöna kawayarqan. Saypita pasa Siria soldädukuna mananami amonita soldädukunata yanapäyarqannasu.