2 Reyes 9 - Tayta Diospa Wilakuynin

Israel nacioncho rey kananpaq Jehúpa umanman aceitita winapashqan

¹ Juk kutimi profëta mayinkunapita jukninta qayaykur Eliseo nirqan: <

² Chaykur ashinki Josafatpa surin y Nimsipa wilkan Jehúta. Amïgunkunawan kaykashqanman yaykuykur japalanta juk cuartuman pushanki.

³ Say cuartuchöna apashqayki aceitita umanman winaparkur ninki: . Sayno nirkushpayki punkuta kichaskir jukla qeshpir aywakunki>>.

⁴ Sayno yäsirkuptinmi maqta profëtaqa Galaadcho kaykaq Ramot markaman aywarqan.

⁵ Chaykurmi tarirqan soldädukunapa mandaqnin capitankuna shuntakash kaykäyaqta. Saymi say profëta nirqan: <>. Saymi Jehú nirqan: <<¿Mayqäta wilamänaykipaqtaq shamushkanki?>> Sayno tapuptinmi profëta nirqan: <>.

⁶ Sayno niptinmi jinan höra Jehú juk cuartuman profëtawan yaykurqan. Saychönami Jehúpa umanman aceitita winapashpan profëta nirqan: <

⁷ Rey karnami patronniki Acabpa ayllunkunata lapanta wanusinki. Paykunata wanusinki sirvimaqnï profëtakunata Jezabel wanusir ushakäsishqanpitami.

⁸ Acabpita miraq kaqtaqa ashmay kaptinpis o mana ashmay kaptinpis lapantami olqu kaqtaqa wanusinki. Nishqäno wanusiptikimi juklaylapis Israel nacioncho say ayllu kawaykar quëdayanqasu.

⁹ Sayno wanusiptikimi Nabatpa surin Jeroboam aylluta y Ahíaspa surin Baasa aylluta ushakäsishqänöla Acab ayllutapis ushakäsishaq.

¹⁰ Jezabeltanami Jezreel marka cercancho kaq chakrancho alqukuna mikuyanqa. Paypa ayantaqa manami pipis pampanqasu> >>. Sayno wilarkurmi punkuta kicharir profëta qeshpir aywakurqan.

¹¹ Jehú kutiykuptinmi capitán mayinkuna tapuyarqan: <<¿Imataq kash? ¿Imata nishunaykipaqtaq say löcu runa shamush?>> Sayno niyaptinmi Jehú nirqan: <>.

¹² Saymi capitankuna niyarqan: <<¡Ama lulapäyämaysu! Imata nishushqaykitapis wilayämay>>. Sayno niptinmi Jehú nirqan: < >>.

¹³ Sayno niptinmi capitankunaqa cäpankunata jorquskir grädaman qeshtapäyarqan Jehú ichinanpaq. Nirkurmi cornëtata tukayashpan sinchipa niyarqan: <<¡Viva rey Jehú!>>

Rey Joramta Jehú wanusishqan

¹⁴ Saypitanami Nimsipa wilkan y Josafatpa surin Jehúqa rey Jorampa contran sharkurqan. (Rey Joramqa Galaadcho kaykaq Ramot markacho Siria nacionpa mandaqnin rey Hazaelwan pelyashqanpitami

¹⁵ Jezreel markaman jampikuq kutirqan.) Jehúnami capitán mayinkunata nirqan: <>.

¹⁶ Nirkurmi Jehúqa guërra carrëtanman wisarkur Jezreel markaman aywarqan. Saychömi Joramqa guërracho däñakamushqanpita jampikuykarqan. Judá nacionpa mandaqnin rey Ocozíaspis saycho kaykarqan Joramta watukaq aywash karmi.

¹⁷ Soldädunkunawan Jehú chaykashqanta rikarmi Jezreel markata täpaq runa qayakurqan: <<¡Aska runakunami yaykaraykäyämun!>> nir. Sayta wiyaykurmi rey Joram nirqan: <>.

¹⁸ Saymi cawalluta loqakurkur say soldädu aywar Jehúta tapurqan: <> nir. Saymi Jehú nirqan: <>. Mana kutiptinnami markata täpaq soldädu nirqan: <>.

¹⁹ Sayno niptinmi rey Joramqa juk soldädutana kacharqan cawalluta loqarkur aywananpaq. Paypis Jehú kaqman chaykur tapurqan: <> nir. Sayno niptinmi Jehú nirqan: <>.

²⁰ Sayta rikarmi marka täpaq soldädu wilarqan: <>.

²¹ Saymi Joramqa soldädunkunata nirqan: <>. Kamariparkuyaptinmi rey Jorampis y rey Ocozíaspis carrëtankunawan aywayarqan Jehú kaqman. Aywarmi tinkuyarqan Jezreelpita kaq Nabotpa chakrancho.

²² Jehú cercanman chaykurmi rey Joram nirqan: <> Sayno niptinmi Jehú nirqan: <<¡Imanöpataq lapanpis ali kanqa ïdulukunata adorar brüja mamayki Jezabel lutanta ruraykaptinqa!>>

²³ Sayno niptinmi rey Joramqa jinan höra qeshpir aywakurqan: <<¡Ocozías! ¡Kay runaqa wanusimänansipaqmi shamush!>> nir.

²⁴ Saypitanami Jehúqa flëchanta aptarkur Joramta waqtanpa flëchaykurqan. Shonqunpa päsaqpaq flëchaykuptinmi Joramqa carrëtalancho päsarpurqan.

²⁵ Saypitanami yanapaqnin Bidcarta Jehú nirqan: <

²⁶ . Tayta Diospa profëtan sayno nikaptinqa Nabotpa chakranman apaykur Jorampa ayanta jitariy>>.

Rey Ocozíasta Jehú wanusishqan

²⁷ Rey Joramta wanusiptinmi Judá nacionpa mandaqnin rey Ocozíasqa qeshpir aywakurqan Bet-haganman. Qeshpir aywakuptinmi Jehúqa qepanta qatipar yanapaqninta nirqan: <<¡Paytapis wanusiyay!>> Sayno niptinmi carrëtancho kaykaqta flëchawan flëchaykurqan. Payta sayno flëchaykurqan Ibleam cercancho Gur jutiyuq cuestata wisaykaptinmi. Flëchaykuptinpis manami juklasu wanurqan, sinöqa Meguiduman chaykurraqmi wanurqan.

²⁸ Saypitanami ashmayninkuna carrëtawan Jerusalénman apayarqan. Chaykasirmi Davidpa Markanman unay ayllunkuna pamparaykäyashqan kaqman pampayarqan.

²⁹ Ocozíasqa Judá nacionpa mandaqnin rey kayman yaykurqan Acabpa surin Joram chunka juk wata Israel nacioncho rey kaykaptinmi.

Jezabelta Jehú wanusishqan

³⁰ Saypitanami Jehúqa aywakurqan Jezreelman. Sayta musyaykurmi Jezabelqa nawinta pintakurqan y aqsantapis shumaq adornakurqan. Nirkurnami ventänapa watqararqan.

³¹ Marka yaykuna punkuman Jehú chaykaptinmi Jezabel nirqan: <<¡Alilaku kaykanki, Zimrino reyta wanusiq runa!>>

³² Jezabelta ventänanpa watqaraykämuqta rikärirmi Jehú nirqan: <<¿Pitaq yanapämänanpaq saycho kaykan?>> Sayno niptinmi Jezabelpa juk ishkay yanapaqnin runakuna ventänapa watqarkayämurqan.

³³ Paykunatami Jehú nirqan: <<¡Say warmita jukla jitarpayämuy!>> Sayno niptin Jezabelta jitarpayämuptinmi pasaman ratar yawarninpis perqaman y cawallukunaman pilchirqan. Pasacho jitaraykaptinmi cawallukuna jananpa panatar päsariyarqan.

³⁴ Nirkurnami Jehúqa aywakurqan mikuq upuq. Saypita mas rätuylantanami Jehú nirqan: <>.

³⁵ Pampayänanpaq aywarmi tariyarqan chakinta, umanta y makinta tululantana.

³⁶ Sayno kaykaqta tariykurmi Jehú kaqman kutir imano tariyashqantapis wilayarqan. Saymi Jehú nirqan: <

³⁷ Jezabelpa ayan uywapa ismayninno say chakracho mashtaraptinmi pipis tantiyanqasu paypa ayan kashqanta> >>.