2 Reyes 8 - Tayta Diospa Wilakuynin

Sunem warmi wayintawan chakranta shuntashqan

¹ Juk kutichömi kawarisishqan wamrapa mamanta Eliseo nirqan: <>.

² Profëta Eliseo nishqanta wiyakurmi warmiqa lapan castankunawan aywakuyarqan filisteo runakunapa nacionninman. Say nacionchömi qanchis wata täyarqan.

³ Qanchis wata päsarkuptinnami markanman warmi kutikurqan. Chaykurmi wayinta y chakrankunata shuntananpaq rey kaqman ruwakuq aywarqan.

⁴ Say warmi chänanpaqmi Eliseupa ashmaynin Gieziwan rey parlaykarqan. Saychömi Giezita tapupaykarqan Eliseo milagru rurashqanta wilananpaq.

⁵ Saycho warmipa wawanta Eliseo imano kawarisimushqantapis wilapaykaptinmi say warmi wawan pushash charqan reyta ruwakunanpaq. Say warmita y wawanta rikaskirmi Giezi nirqan: <<¡Paypitami wilapaykashkä, taytay! ¡Kay pusharaykashqan wamra Eliseo kawarisimushqanmi!>>

⁶ Saymi say warmita rey tapurqan wawanta imano kawarisimushqantapis. Wilapaskiptinmi juk yanapaqninta rey nirqan say warmipa wayinta y chakrankunata shuntäsinanpaq. Saynöpis nirqan aywakur kacharishqanpita pasa chakranpa flëtinta pägasinanpaq.

Siria nacionpa mandaqnin rey kananpaq Hazael yaykushqan

⁷ Saypitanami Eliseuqa Damasco markaman aywarqan. Saychömi Siria nacionpa mandaqnin rey Ben-adad pasaypa ansa qeshyaykarqan. Sayman Eliseo chashqanta wilayaptinmi

⁸ yanapaqnin Hazaelta rey Ben-adad nirqan: < >>.

⁹ Sayno niptinmi Hazaelqa chusku chunka (40) camëllukunawan qarananpaq kaqkunata apakurkur profëta kaqman aywarqan. Chaykurmi nirqan: <>.

¹⁰ Sayno niptinmi Eliseo nirqan: <>.

¹¹ Sayno nirkushpanmi profëta Eliseuqa Hazael pasaypa penqakushqanyaq rikararqan. Rikapaykashqanchömi Eliseuqa waqayta qalaykurqan.

¹² Sayno waqaptinmi Hazael tapurqan: <<¿Imanirtaq waqaykanki, taytay?>> nir. Sayno tapuptinmi Eliseo nirqan: <>.

¹³ Sayno niptinmi Hazael nirqan: <> Sayno niptinmi Eliseo nirqan: <>.

¹⁴ Saypitanami Hazaelqa Eliseupita despidikur rey kaqman kutirqan. Chaykuptinmi rey tapurqan: <<¿Imatataq Eliseo nishushkanki?>> Sayno tapuptinmi Hazael nirqan: <>.

¹⁵ Saypita waraynin junaqmi Hazaelqa juk fresädata ushmarkasir reypa umanta sapaskiptin jämaysaypa wanurqan. Wanurasirnami Hazaelna Siria nacionpa mandaqnin rey karqan.

Judá nacioncho Joram rey kashqan

¹⁶ Acabpa surin Joram pisqa watana Israel nacioncho rey kaykaptinmi Judá nacioncho Josafatpa surin Joram rey kayman yaykurqan.

¹⁷ Mandayta qalaykushqan wisan kimsa chunka ishkay (32) watayuqmi kaykarqan. Payqa puwaq watami Jerusalénpita mandarqan.

¹⁸ Rey Acabpa warmi surinwan tarmi Acabpa ayllunkunanöla y Israel nacionpa mandaqnin reykunanöla Tayta Diosta mana cäsukur jusalikurqan.

¹⁹ Sayno kaptinpis sirviqnin Davidpita miraq runa Judácho imaypis rey kananpaq pactuta rurash karmi Judá nacionta Tayta Dios ushakäsirqansu.

²⁰ Judá nacioncho Joram rey kaykänan wisanmi Edom nación runakuna Judá nacionpa munaynincho kaykäyashqanpita yarqukuyarqan. Nirkurmi kikinkunapa mandaqnin reyta churayarqan.

²¹ Saymi Joramqa guërra carrëtankunawan Edomcho kaq Zair markaman aywayarqan atacayänanpaq. Edomita soldädukuna pelyaq yarqurmi rey Joramta y carrëtakunawan aywaq capitankunata tumaypa sapaskiyarqan. Sayno sapaskiyaptinmi Israel soldädukunaqa imaykanöpapis sakaypa qeshpir wayinkunapa aywakuyarqan.

²² Saypita pasami Edom nación runakunaqa kananyaqpis Judá nacionpa munayninchönasu kaykäyan. Say wisalanmi Libna marka runakunapis Judá nacionpa munayninpita yarqukuyarqan.

²³ Joram imata rurashqanpis lapanmi qelqaraykan Judá nacionpa mandaqnin reykunapa acta libruncho.

²⁴ Joram wanuykuptinmi Davidpa Markanman unay ayllunkuna pamparaykäyashqan kaqman pampayarqan. Paypa trukannami surin Ocozías yaykurqan rey kananpaq.

Judá nacioncho Ocozías rey kashqan

²⁵ Acabpa surin Joram chunka ishkay wata Israel nacioncho mandaq kaykaptinmi Judá nacionpa mandaqnin rey Jorampa surin Ocozías rey kayman yaykurqan.

²⁶ Mandayta qalaykushqan wisan Ocozíasqa ishkay chunka ishkay (22) watayuqmi kaykarqan. Payqa juk watami Jerusalénpita mandarqan. Mamanmi karqan Atalía. Atalíami Israel nacionpa mandaqnin rey Omripa wilkan karqan.

²⁷ Ocozíaspis Omripa surin Acab aylluwan tarmi Tayta Diosta mana cäsukur Acab y Acabpa ayllunkuna jusalikushqanno jusalikurqan.

²⁸ Ocozíasmi Israel nacionpa mandaqnin rey Joramwan wilanakuyarqan Siria nacionpa mandaqnin rey Hazaelta atacayänanpaq. Rey Joramqa Acabpa surinmi karqan. Atacayänanpaq awniptinmi Galaadcho kaykaq Ramot markaman soldädunkunawan aywayarqan. Saycho pelyar Siria soldädukuna rey Joramta flëchaykuyaptinmi

²⁹ Jezreel markaman jampikuq kutirqan. Qeshyar jitaraptinmi rey Ocozíasqa watukaq aywarqan.