2 Reyes 16 - Tayta Diospa Wilakuynin

Judá nacioncho Acaz rey kashqan

¹ Chunka qanchis wata Israel nacioncho Remalíaspa surin Peka rey kaykaptinmi Judá nacioncho Jotampa surin Acaz rey kayman yaykurqan.

² Mandayta qalaykushqan wisan ishkay chunka (20) watayuqmi kaykarqan. Payqa chunka soqta watami Jerusalénpita mandarqan. Acazqa manami unay ayllun Davidnösu Tayta Dios munashqanta rurarqan.

³ Saypa trukanqa Israel nación reykunanölami juk dioskunata adorarqan. Saymi Canaáncho taq unay runakunapa mana ali costumbrinkunata rurar sacrificiupaq surintapis altarcho rupasirqan. Saynöpami Tayta Dios unay qarqushqan mana Israel runakunanöla pasaypa jusalikurqan.

⁴ Saynölami markakunacho kaq altarkunacho, lömakunacho y copösu jachakuna chakinkunachöpis sacrificiukunata rupasir inciensuwan qoshnisirqan.

⁵ Say wisanmi Siria nacionpa mandaqnin rey Rezín y Israel nacionpa mandaqnin rey Peka Jerusalénman soldädunkunawan chäyarqan Acazta atacayänanpaq. Ishkan reykuna atacarpis manami vinciyta kamäpakuyarqansu.

⁶ Saynöpis Acaz mandashqan wisanmi Judá runakunata Elat markapita Edom nacionpa mandaqnin rey qarqurqan. Nirkurmi Elat markata shuntarqan Edom nacionpana kananpaq. Saypita pasami edomita runakuna kananyaqpis saycho taykäyan.

⁷ Siria runakuna y Israel runakuna atacayaptinmi rey Acazqa kachakunata kacharqan Asiria nacionpa mandaqnin rey Tiglat-pileserman soldädunkunawan shamur yanapäyänanpaq. Chaykurmi Tiglat-pileserta niyarqan: <>.

⁸ Asiria nacionpa mandaqnin reyta pägananpaqmi rey Acazqa Tayta Diospa wayinpitapis y palaciupitapis qellaytawan qorita shuntaykur kachakunawan apasirqan.

⁹ Acaz apasishqankunata chaskirkurmi Asiria nacionpa mandaqnin rey soldädunkunawan Siria nacionpa capitalnin Damascuta atacayänanpaq aywayarqan. Damascuman yaykurmi rey Rezínta wanusiyarqan. Nirkurmi runakunata prësu apayarqan Kir markaman saychöna täyänanpaq.

¹⁰ Saypitanami rey Acazqa Damascuman aywarqan Asiria nacionpa mandaqnin rey Tiglat-pileserwan tinkunanpaq. Damascuman chaykurmi rikarqan kuyaylapaq altarta. Saytami imano kashqantapis shumaq dibujaykur Urías cüraman apasirqan.

¹¹ Sayta chaskirkurmi cüra Uríasqa altarta rurasirqan rey Acaz apasishqan dibüjutanöla. Altarta rurasiyta usharqan rey Acaz Damascupita manaraq kutiptinmi.

¹² Damascupita kutirnami mushuq altar rurashtana tariykur say altarcho sacrificiukunata rupasirqan.

¹³ Sacrificiuta rupasirmi saki mikuykunatapis say altarcho rupasirqan y vïnutapis sayman winaparqan. Saynölami jawka kawakuy sacrificiukunata rupasinanpaq uywakunata pishtar yawarninta altar jananman saqsuparqan.

¹⁴ Sayno rurarkurmi broncipita rurash unay kaq altarta witisiyarqan Tayta Diospa templun nawpancho kaykashqanpita mushuq kaq altarpa norti kaqläninman.

¹⁵ Nirkurmi cüra Uríasta rey Acaz nirqan: <>.

¹⁶ Cüra Uríasqa lapanta rurarqan rey Acaz nishqannölami.

¹⁷ Nirkurnami rey Acazqa templupa carrëtankunacho kaykaq lavatoriunkunata y carrëtacho clävaraykaq tablakunatapis jorqasirqan. Saynöpis broncipita rurash törukuna janancho kaykaq lamar niyashqan lavatoriuta jorquykasirmi empedrash jananmanna jamasiyarqan.

¹⁸ Saynölami Asiria nacionpa mandaqnin reypa gustunta rurar jamay junaqcho Tayta Diosta adorayänanpaq armashqan tabladïllutapis jorqasirqan. Say tabladïllu templu patiuchömi karqan. Saynölami jorqasirqan templu patiuman reykunala yaykukuyänan punkutapis.

¹⁹ Rey Acaz imata rurashqanpis lapanmi qelqaraykan Judá nacionpa mandaqnin reykunapa acta libruncho.

²⁰ Wanuykuptinnami Davidpa Markancho unay ayllunkuna pamparaykäyashqan kaqman pampayarqan. Acazpa trukannami surin Ezequías rey karqan.