2 Reyes 12 - Tayta Diospa WilakuyninJudá nacioncho Joás rey kashqan 2 Crónicas 24.1-27 1 1 (2) Israel nacioncho qanchis wata Jehú rey kaykaptinmi Judá nacioncho Joás rey kayman yaykurqan. Payqa chusku chunka (40) watami Jerusaléncho rey karqan. Mamanqa Beerseba markapita kaq Sibiami karqan. 2 2 (3) Cüra Joiada yäsiptinmi Joásqa Tayta Dios munashqanno lapantapis rurarqan. 3 3 (4) Isanqa markakunacho altarkunata manami juchusirqansu. Say altarkunachömi runakuna sacrificiukunata imaypis rupasiyarqan y inciensuwan qoshnisiyarqan. 4 4 (5) Juk junaqmi cürakunata rey Joás nirqan: < 5 5 (6) Say qellaymi kanqa templuta alsasiyänaykipaq>>. 6 6 (7) Sayno niptinpis ishkay chunka kimsa (23) wata päsashqanyaq cürakunaqa manaraqmi templuta alsasiyarqanraqsu. 7 7 (8) Saymi cüra Joiadata y waqin cürakunatapis rey Joás qayaykasir nirqan: <<¿Imanirtaq templuta alsasiyashkankiraqsu? Kananpitaqa shuntayashqayki qellayta amana gastayaynasu, sinöqa templuta alsasiyänaykipaqna kasun>>. 8 8 (9) Sayno niptinmi cürakuna awnir kikinkunapa gastunkunapaq runakunapita qellayta chaskiyarqannasu. Saynöpis templuta alsasinanpaq juk runatanami churayarqan. 9 9 (10) Saymi cüra Joiadaqa babulta rurarkasir sapanan chawpinpa qellayta winayänanpaq uchkurqan. Nirkurmi altarpa aluq kaq nawpanman say babulta churarqan. Saymanmi runakuna apayämushqan qellayta templu täpaq cürakuna winayarqan. 10 10 (11) Say babulman juntaqnöna kaptinmi reypa secretariun y mandaq cüra aywaykur say qellayta yupayaq. Nirkurmi shumaq churayaq lutala pipis mana gastananpaq. 11 11 (12) Saypitanami templuta alsasiylanta pägananpaq encargädu runakunata entregayarqan. Paykunanami aruylanta pägayarqan carpintërukunata, contratistakunata, 12 12 (13) albañilkunata y rumi laqlaqkunata. Saynöpis qellayta kamariparqan qerukunata y laqlash rumikunata rantiyänanpaq y wakin gastunkunapaqpis. 13 13 (14) Tayta Diospa templunman apayämushqan qellayqa manami tazonkunata, mëchapa litpa jorqukunanta, cornëtakunata, ni ima manëjutapis qellaypita ni qoripita rurayänanpaqsu karqan, sinöqa say qellay karqan templuta alsasiyänalanpaqmi. 14 14 (15) Saymi say qellaytaqa Tayta Diospa templunta alsasiyänalanpaq kamaripäyaq. 15 15 (16) Templuta arusiqkunaqa mana suwakuypami lapantapis rurayaq. Saymi tapupäyaqnasu aruqkunata pägar aykata gastayashqantapis. 16 16 (17) Purificasina sacrificiupaq y consagrasina sacrificiupaq apayämushqan qellayqa manami templuta alsasiyänanpaqsu karqan, sinöqa cürakunapaqmi. 17 17 (18) Say wisanmi Siria nacionpa mandaqnin rey Hazael soldädunkunawan Gat markata atacar vinciyarqan. Nirkurnami Jerusalén markata atacayänanpaqna aywayarqan. 18 18 (19) Atacayänanpaq aywaykäyashqanta musyaykurmi Judá nacionpa mandaqnin rey Joásqa Tayta Diospa templuncho churaraykaq manëjukunata shuntarqan. Say manëjukunataqa templuman churayarqan rey Josafat, rey Joram, rey Ocozías y kikin Joásmi. Saynöpis Tayta Diospa templuncho y palaciucho tarishqan kaq qoritaqa lapantami shuntaykur Siria nacionpa mandaqnin rey Hazaelman apasirqan. Sayta chaskirkurnami Hazaelqa Jerusalénta atacarqannasu. 19 19 (20) Joás imata rurashqanpis lapanmi qelqaraykan Judá nacionpa mandaqnin reykunapa acta libruncho. 20 20 (21) Joástaqa kikinpa soldädunkunami tikrapar wanurasiyarqan Bet-milucho. Sayqa karqan Silaman aywaq nänichömi. 21 21 (22) Payta wanusiyarqan Simeatpa surin Josacar y Somerpa surin Jozabadmi. Joás wanuykuptinmi Davidpa Markancho unay ayllunkuna pamparaykäyashqan kaqman pampayarqan. Paypa trukannami surin Amasana rey karqan. |
© 2003, Wycliffe Bible Translators, Inc. All rights reserved.
Wycliffe Bible Translators, Inc.