1 Samuel 8 - Tayta Diospa Wilakuynin

Reyta churapänanpaq Israel runakuna munayashqan

¹ Samuel awkinna karmi Israel runakunapa jueznin kayänanpaq surinkunata churarqan.

² Qechpa surinpa jutinmi karqan Joel y shulka kaq surinpa jutinmi karqan Abías. Paykunami Beerseba markacho juez kayarqan.

³ Paykuna manami papäninnösu ali juez kayarqan. Ali arreglayänanpa trukanqa wachakash karmi jukpa favornilan sharkuyänanpaq chaskipakuyaq.

⁴ Sayno kayaptinmi Israel mayor runakuna Ramáman aywaykur Samuelta

⁵ niyarqan: <>.

⁶ Sayno niyaptinmi Samuel lakikushpan Tayta Diosta manakurqan paykuna niyashqanta rurananpaq o mana rurananpaq kashqantapis tantiyasinanpaq.

⁷ Saymi Samuelta Tayta Dios nirqan: <

⁸ Paykunaqa Egiptupita jorqamushqä junaqpita pasami juk dioskunata adorar rabyanäsiyämash. Saynölami qamtapis rabyanaykäsiyäshunki.

⁹ Paykuna manakuyäshushqaykinöla reyta churapay. Isanqa shumaq tantiyasiy churapashqayki rey paykunata nakasinanpaq kashqanta>>.

¹⁰ Tayta Dios sayno nishqankunata Israel runakunata Samuel wilaparmi

¹¹ nirqan: <

¹² Saynöpis wakin surikikunata churanqa waranqa (1,000) soldädukunata mandayänanpaq y wakintana churanqa pisqa chunka (50) soldädukunata mandayänanpaq. Wakintana churanqa chakranta arupäyänanpaq y wakintana cosëchata shuntapäyänanpaq. Wakintana churanqa armata rurayänanpaq y wakintana churanqa guërra carrëtankunata rurayänanpaq.

¹³ Warmi surikikunatana churanqa perfümikunata rurayänanpaq, yanukuyänanpaq y tantata masarayänanpaqpis.

¹⁴ Churayashqayki reymi qechuyäshunki üva plantaraykaq chakraykikunata, olïvu plantaraykaq chakraykikunata y wakin alinnin kaq chakraykikunatapis. Nirkurnami yanapaqninkunata aypunqa.

¹⁵ Saynöpis mandäsiqninkunata aypunanpaqmi cosëchata shuntayashqaykipita saki mikuy kaptinpis üva kaptinpis cada chunka tupuypita juk tupuyta apapänaykipaq obligayäshunki.

¹⁶ Saynöpis kikilanpaq arusinan kashqami qechuyäshunki ashmaynikikuna warmita o olquta karpis, alinnin wäkaykikunata y alinnin ashnuykikunatapis.

¹⁷ Saynöpis cada chunka uyshaykikunapitami jukta apakunqa. Kikikikunatapis churayäshunki munaynincho kayänaykipaqmi.

¹⁸ Mandaqniki rey sayno nakasiyäshuptiki fiyupa lakikuyaptikipis Tayta Dios manami wiyayäshunkisu>>.

¹⁹ Samuel sayno niptinpis runakuna manami chaskikuyarqansu. Saypa trukanqa niyarqan: <

²⁰ Wakin nacionkunapa mandaqnin rey kashqanno kanantami noqakunapis munayä. Paypa munayninchömi noqakuna kayäshaq. Paymi guërraman aywayaptï puntäkunata aywanqa>>.

²¹ Runakuna sayno niyashqanta Tayta Diosta Samuel wilaptinmi

²² Tayta Dios nirqan: <>. Sayno niptinmi runakunata Samuel wilarqan Tayta Dios awnishqanta. Nirkurmi markankunaman kutikuyänanpaq Samuel nirqan.