1 Samuel 6 - Tayta Diospa Wilakuynin

Pactu Babulta kutisiyashqan

¹ Filisteo runakuna nacionnincho qanchis killami Tayta Diospa babulninta sararäyarqan.

² Saypitanami cürakunata y brüjukunata qayaykasir tapuyarqan: <<¿Imatataq rurayäshaq Israel runakunapa Diosninpa babulninta? Kutisir imarqa ¿imanöpataq kutisiyäshaq?>>

³ Saymi niyarqan: <>.

⁴ Saymi filisteo runakuna tapuyarqan: <<¿Ima regäluwantaq kutisiyäshaq?>> nir. Tapuyaptinmi niyarqan: <

⁵ Saykunata apasiyay Israel runakunapa Diosninta respitar. Sayno rurayaptiki capazmi manana castigashushpayki mikuynikikunatapis ushakäsinqanasu y diosninsikunatapis shaluykanqanasu.

⁶ Roqu rinri ama kayaysu. Mana wiyakuq karqa Egipto runakunano y mandaqnin Faraónnömi kaykäyanki. Paykunaqa Israel runakunapa Diosnin fiyupa castigaptinraqmi yarqakayämunanpaq Israel runakunata kachariyämurqan.

⁷ <

⁸ Nirkurna Israel runakunapa Diosninpa babulninta churayanki carrëtaman. Saynöpis qoripita rurayashqayki regälukunata juk cajonman winarkur babulpa nawpanman churayanki. Nirkur wäkakuna kikilan qarachash apakuyänanpaq kachariyanki.

⁹ Wäkakuna aywakuyaptin karu qepalanta qatipäyanki maypa aywayashqantapis rikayänaykipaq. Israel nacioncho Bet-semesman aywaq nänipa apayaptinmi musyashun Israel runakunapa Diosnin castigaykämashqansita. Juk nänipa aywaptinmi isanqa musyashun pay mana castigaykämashqansita, sinöqa lapanpis päsananpaq kaqkunala kashqanta>>.

¹⁰ Cürakuna sayno niyaptinmi wawayuq wäkakunata yügurkur carrëtata qarachapäyarqan. Wawantanami chikuykuyarqan.

¹¹ Nirkurnami Tayta Diospa babulninta carrëtaman churayarqan. Saynöpis qoripita rurashqan chupu niraqta y ukush niraqta cajonman winarkur carrëtaman watapäyarqan.

¹² Sayno rurarkur qarquyaptinmi wawankunapaq waqaraykar maypapis mana yaqaykachaypa wäkakunaqa carrëtata qarachash aywayarqan Bet-semesman aywaq nänipa. Filisteo markakunapa mandaqnin reykunanami karu qepalanta qatipäyarqan Bet-semespa lindërunyaq.

¹³ Bet-semes runakunami pampacho trïguta achuykäyashqancho rikachakur rikaskiyarqan Tayta Diospa babulninta wäkakuna qarachash yaykaykäsiqta. Sayta rikarmi seqaypa kushikuyarqan.

¹⁴ Josuépa chakrancho kaykaq jatunkaray rumi kaqman chaykurmi wäkakuna ichikuykuyarqan. Bet-semes runakunanami carrëtata seqtarir say wäkakunata pishtaskir Tayta Diosta agradëcikuyashpan sacrificiuta rupasiyarqan.

¹⁵ Manaraq rupasirmi Leví trïbu runakuna carrëtapita jorquyarqan Tayta Diospa babulninta y cajoncho kaykaq qoripita rurash qarakuykunatapis. Babultawan cajontami jatun rumi jananman churayarqan. Saymi Bet-semes runakuna Tayta Diosta adorayashpan kikinkunapa uywankunatapis say junaq rupasiyarqan.

¹⁶ Say rurayashqanta rikaykurmi filisteo runakunapa pisqa mandaqnin reykuna say junaqla Ecrón markaman kutikuyarqan.

¹⁷ Tayta Diospaq qoripita rurash chupu niraqkuna kayarqan Asdod, Gaza, Ascalón, Gat y Ecrón markakunapa mandaqnin reykunapitami.

¹⁸ Qoripita rurash pisqa ukushkunapis karqan filisteo runakunapa pisqa murallash markankunapita y cercancho kaq caseriunkunapitapis. Tayta Diospa babulninta churayashqan jatun rumi kananyaqmi Josuépa chakran Bet-semescho kaykan.

Pactu Babulta Quiriat-jearimman apayashqan

¹⁹ Tayta Diospa babulnin saycho kaptinmi wakin Bet-semes runakuna kichar rikayarqan. Saymi Tayta Dios wanusirqan qanchis chunka (70) runakunata. Sayno wanuyaptinmi saycho taq runakuna pasaypa waqayashpan

²⁰ niyarqan: <>

²¹ Sayno niyashpanmi Quiriat-jearimman wilakuqkunata kachar niyarqan: <>.