1 Samuel 5 - Tayta Diospa Wilakuynin

Pactu Babul filisteo runakunapa munaynincho kashqan

¹ Tayta Diospa babulninta qechuskirmi filisteo runakuna apakuyarqan Eben-ezerpita Asdod markaman.

² Saychömi Dagón jutiyuq diosninpa templunman yaykasir Dagón ïdulupa nawpanman churayarqan.

³ Waraynin tuta Asdod runakuna templuman kutirmi tariyarqan babulpa nawpancho Dagón uksikaypa jitaraykaqta. Sayno tariykurmi jamaräkunanman yapay kutisiyarqan.

⁴ Saypita waraynin tutapis Asdod runakuna kutiyashpan yapaymi tariyarqan Tayta Diospa babulninpa nawpancho lätaypa Dagón jitaraykaqta. Umantawan makinkunatanami tariyarqan punku yaykunacho pakish jitaraykaqta.

⁵ Saypitami kananyaq Asdod cürakunapis ni pipis Dagón kashqan templuman yaykur punku yaykuna quiciunta jaruyansu.

⁶ Saynölami Asdod runakunata y nawpan markakunacho taq runakunatapis chupu qeshyawan Tayta Dios fiyupa castigarqan.

⁷ Sayno castigaptinmi Asdod runakuna niyarqan: <>.

⁸ Saymi filisteo autoridäkunata qayaykasimur tapuyarqan: <> niyashpan. Saymi niyarqan: <>. Sayno niyaptinmi filisteo runakuna Gat markaman apayarqan.

⁹ Sayman apayaptinmi saychöpis runakunata Tayta Dios castigarqan mansariypaq chupu qeshyawan. Say qeshyami usharqan wamrakunapita qalaykur hasta awkinkunayaq.

¹⁰ Saymi Tayta Diospa babulninta apayarqan Ecrón markamanna. Chaykasiyaptinmi saycho taq runakuna pasaypa mansarir niyarqan: <<¡Kaychi kaylaqa! ¿Imapaqraq Israel runakunapa Diosninpa babulninta apapämashkansi? ¡Kananqa lapansitachir ushakäsimäshun!>>

¹¹ Say markachöpis Tayta Dios castigaptinmi runakuna fiyupa mansariyarqan. Saymi Ecrón runakuna filisteo autoridäkunata qayaykasir niyarqan: <>.

¹² Mana wanuq kaqkunapa intëru cuerpuncho chupu yuriptinmi nanaywan fiyupa waqayarqan.