1 Samuel 4 - Tayta Diospa Wilakuynin

Pactu Babulta filisteo runakuna apakuyashqan

¹ Tayta Dios nishqankunatami lapan Israel runakunata Samuel wilapaq. Say wisanmi Israel runakuna filisteo runakunawan pelyayänanpaq campamentuta sharkasiyarqan Eben-ezer cercancho. Filisteo soldädukunanami Afecman aywaykur campamentunta sharkasiyarqan.

² Saychömi filisteo soldädukuna atacayashpan Israel runakunata vincir wanusiyarqan chusku waranqatano (4,000).

³ Israel runakuna pelyayashqanpita campamentunkunaman kutikuyaptinmi mayor runakuna niyarqan: <<¿Imanirtaq Tayta Dios kachariykamashkansi filisteo runakuna vincimänansipaq? Yapay mana vincimänansipaq Silo markapita apamushun Tayta Diospa Pactu Babulninta. Saynöpami Tayta Dios noqansiwan kar yanapämäshun contransikunata vincinansipaq>>.

⁴ Saymi runakunata kachayarqan lapanta mandaq Tayta Diospa Pactu Babulninta Silupita apayämunanpaq. Babul janancho kaq ishkay querubín chawpinchömi Tayta Diospa trönun kaykan. Pactu Babulta apayämuptinmi Elípa surinkuna Ofniwan Fineespis aywayarqan.

⁵ Tayta Diospa Pactu Babulninta campamentuman chaykasiyaptinmi Israel runakuna kushikuypita pasaypa qaparäyarqan qaqakunapis yachapashqanyaq.

⁶ Sayno qayaräyashqanta wiyarmi filisteo soldädukuna niyarqan: <> Tayta Diospa babulninta chäsiyashqanta musyaykurmi

⁷ filisteo runakuna pasaypa mansariyashpan niyarqan: <<¡Kaychi kaylaqa! ¡Israel runakunapa Diosninmi campamentunkunaman chash! Kananqa ¡imanöraq kaykuläshun! ¡Israel runakunapa Diosnin manami imaypis shamurqansu contransi pelyananpaq!

⁸ ¿Imanöparaq munayyuq Diosninpa makinpita qeshpiykuläshun? Paymi tukuyläya desgraciawan Egipto runakunatapis sunyaq jirkacho ushakäsirqan.

⁹ Taytakuna, sayno kaptinpis valorta sarir mana mansariypa pelyashun. Paykunata mana vincishqaqa mananami ashmayninsinasu kayanqa, sinöqa noqansinami paykunapa ashmaynin rikakushun. Sayno mana kanansipaq seqlata chachak wachkakurkur pelyashun>>.

¹⁰ Filisteo soldädukuna vinciyaptinmi Israel runakuna qeshpir campamentunman kutikuyarqan. Say pelyachömi Israel runakunata filisteo soldädukuna wanusiyarqan kimsa chunka waranqa (30,000) soldädukunata.

¹¹ Vincirmi Tayta Diospa babulninta qechur Elípa surinkuna Ofnitawan Fineesta wanusiyarqan.

Elí wanushqan

¹² Benjamín trïbupita juk runa pelyapita qeshpiykurmi say junaqla Silo markayaq charqan. Paymi fiyupa lakikushpan mödananpis rachish y umanpis alpalana charqan.

¹³ Chänanpaqmi Tayta Diospa babulninpaq fiyupa lakikushpan nänipa rikachakur Elí jamaraykarqan. Markaman say runa chaykur pelyacho ima päsashqantapis wilaptinmi ataypa atar lapan waqayarqan.

¹⁴ Fiyupa waqaykäyashqanta wiyarmi Elí tapur nirqan: <<¿Imanirtaq runakuna waqaykäyan?>> Saynami say aywaq runa Elíman jukla aywarqan ima päsashqantapis wilananpaq.

¹⁵ Say wisan Elí kaykarqan esqun chunka puwaq (98) watayuqnami. Nawinpis qaprayashna kaptin mananami rikarqannasu.

¹⁶ Chaykurmi say runa Elíta nirqan: <>. Sayno niptinmi Elí tapurqan: <<¿Imataq päsash say pelyacho, hïju?>>

¹⁷ Saymi say runa wilarqan: <>.

¹⁸ Tayta Diospa babulninta apakuyashqanta wilaptinmi sillëtacho Elí jamaraykashqanpita punku nawpanman ankalaypa aywarqan. Awkinna karmi cuerpun lasaylawan kunkan pakiqpaq ishkir jinan höra wanurqan. Paymi Israel runakunapa jueznin karqan chusku chunka (40) wata.

¹⁹ Saychömi surin Fineespa warminpis qeshyakunanpaq killan tinkushna kaykarqan. Saymi Tayta Diospa babulninta apakuyashqanta y suedrunpis runanpis wanuyashqanta wilayaptin jinan höra nanay sarikuykurqan. Nanaywan qoshpaykälaptinmi wawan yuriskirqan.

²⁰ Fineespa warmin wanuykaqtana rikarmi partërakuna niyarqan: <>. Sayno niyaptinpis pitish karmi imatapis parlakurqannasu.

²¹ Manaraq wanurmi say yuriq wawanta jutisirqan Icabod jutin kananpaq. Icabod ninanqa Tayta Diosmi kachariykamashkansi ninanmi. Jutinta sayno churaparqan Tayta Diospa babulninta apakuyash kaptin y runanwan suedrunpis wanuyash kaptinmi.

²² Saypitanami nirqan: <<¡Israel runakunatami Tayta Dios kachariykush! ¡Tayta Diospa babulnintami filisteo runakuna apakuyash!>>