1 Samuel 31 - Tayta Diospa Wilakuynin

Surinkunawan Saúl guërracho wanuyashqan

¹ Gilboa jirkacho filisteo runakuna atacayaptinmi Israel runakuna qeshpir aywakuyarqan. Sayno qeshpiykäyaqtami filisteo runakuna askaqta wanusiyarqan.

² Saynölami Saúlta y surinkunatapis qatikachäyarqan. Saychömi wanusiyarqan Saúlpa surinkuna Jonatánta, Abinadabta y Malquisúata.

³ Saypitanami filisteo runakuna Saúlta flëchaykuyarqan. Saymi qeshpiyta mana kamäpakur

⁴ armanta apäsiq soldäduta Saúl nirqan: <>. Sayno niptinpis yanapaqnin soldädu pasaypa mansarishpanmi wanusiyta munarqansu. Mana munaptinmi espädanta pasaman tuknakuykur puntanman Saúl jitakar kikin tuksikurqan.

⁵ Saúl wanushqanta rikaykurmi yanapaqnin soldädupis saynöla tuksikuskirqan. Saynöpami paypis Saúl wanushqan kaqlacho wanurqan.

⁶ Saynöpami Saúlpis, kimsan surinkunapis, yanapaqnin soldädupis y lapan soldädunkunapis wanuyarqan.

⁷ Saúlta y surinkunata filisteo runakuna wanusiyashqanta y soldädukunapis qeshpir aywakuyashqanta musyaykurmi Jezreel pampa simpacho y Jordán mayu simpacho taq Israel runakuna markankunapita qeshpir aywakuyarqan. Saymi filisteo runakunana say markakunacho täyarqan.

⁸ Saúl wanushqanpita waraynin junaqnami wanushkunapa imaykantapis apakuyänanpaq filisteo runakuna aywayarqan. Saychömi Saúlta y kimsa surinkunata Gilboa jirkacho wanush jitaraykaqta tariyarqan.

⁹ Saymi Saúlpa umanta roquskir espädanta y pelyananpaq kaq mödananta apayarqan. Nirkurmi intëru markakunaman y diosninkunapa templunman wilakuqkunata kachayarqan Saúl wanushqanta wilakuyänanpaq.

¹⁰ Saúlpa espädanta y pelyananpaq kaq mödanantanami Astarot diösapa templunman churayarqan. Cuerpuntanami Bet-sán markapa murällanman warkuyarqan.

¹¹ Saúlta sayno rurayashqanta Galaad particho kaykaq Jabes markacho taq Israel runakuna musyaykurmi

¹² alinnin kaq soldädukuna wilanakuskir say sakay aywayarqan Bet-sán markayaq. Chaykurnami Saúlpa y surinkunapa cuerpunkuna warkaraykaqta jorquskir apakuyarqan. Nirkurnami Jabesman chaykasir rupasiyarqan.

¹³ Tulunkunatanami juk jacha chakinman pampaykur qanchis junaqyaq ayunayarqan.