1 Samuel 30 - Tayta Diospa Wilakuynin

Amalecita runakunata David vincishqan

¹ Saypita kimsa junaqta Siclag markaman charmi tariyarqan wayinkuna rupasish raqälana kaykaqta. Iläyashqanyaqmi amalecita runakunaqa Neguevman yaykuyashpan Siclag markatapis rupasiyänä.

² Saynölami saycho kaykaq warmikunatapis wamrakunatapis mana wanusiylapa lapanta prësu apakuyänä.

³ Wayinkuna rupash kaykaqta tariykur y warminkunata ni wamrankunatapis mana tariykurmi

⁴ Davidqa yanapaqninkunawan iksuyashqanyaq waqayarqan.

⁵ Saynölami Davidpa ishkan warminkunatapis amalecita runakuna prësu apakuyash kash. Jukaq warminmi karqan Jezreel markapita kaq Ahinoam y jukaqnami karqan Carmelpita kaq Abigail. Abigailqa Nabalpa viüdanmi karqan.

⁶ Surinkunata amalecita runakuna prësu apakuyash kaptinmi yanapaqnin runakuna fiyupa rabyanar Davidta samqayta munayarqan. Sayno rabyanäyaptinmi David fiyupa lakikur Tayta Diosta manakurqan.

⁷ Saymi Ahimelecpa surin cüra Abiatarta David nirqan: <>. Efodta makyaykuptinmi

⁸ Tayta Diosta David manakurqan: <<¿Suwakuq amalecita runakunapa qepanta aywämanku? Jukla aywar ¿paykunata taripäshaqsuraq?>> nir. Sayno manakuptinmi Tayta Dios nirqan: <>.

⁹ Sayno niptinmi Davidqa soqta pachak (600) yanapaqnin runakunata pushakurkur Besor raqraman chäyarqan.

¹⁰ Pasaypa utikash kayashpan say mayuta simpayta mana kamäpakurmi ishkay pachak (200) runakuna saycho quëdakuyarqan. Chusku pachak (400) runakunanami isanqa amalecita runakunata qatipar Davidwan aywayarqan.

¹¹ Aywaykäyashqanchömi tariyarqan Egiptupita juk runa aywapakash jitaraykaqta. Say runata David kaqman apaykurmi tantatawan yakuta qarayarqan.

¹² Saynöpis qarayarqan juk hïgus tantata y ishkay päsas tantata. Saykunata mikurkuptinmi kalpan yurirkurqan. Say runaqa kimsa junaq y kimsa paqasshi mikushsu ni yakutapis upushsu kanaq.

¹³ Saypitanami David tapurqan: <<¿Pipa ashmaynintaq kanki y maypitataq shamuykashkanki?>> nir. Niptinmi nirqan: <

¹⁴ Noqakuna asaltayämushkä Neguevcho taq cereteo runakunata, Judá runakuna täyashqan wakin markakunata y Calebpita miraq runakuna täyashqan markakunatami. Saypita kutimurmi Siclag markatapis rupasiyashkä>>.

¹⁵ Saymi David nirqan: <<¿Pushamankimanku say runakuna kaykäyashqanman?>> Niptinmi say Egipto runa nirqan: <>.

¹⁶ Say runa pushaptin chäyänanpaqmi amalecita runakuna mashtakaykur mikur upur fiestata ruraykäyänaq. Sayno fiestakuykäyarqan Judácho y Filisteacho taq runakunata asaltar imaykatapis shuntayashqanpita kushikurmi.

¹⁷ Sayno kaykaqta tariykurmi Davidqa yanapaqninkunawan say runakunata qoyayninpa waraynin tardiyaq wanusiyarqan. Chusku pachak (400) maqtakunalami camëllunkunata loqakurkur qeshpiyarqan.

¹⁸ Saynöpami amalecita runakuna apayashqankunata lapanta David qechumurqan. Saynölami ishkan warminkunatapis shuntamurqan.

¹⁹ Paykunata lapanta shuntamuptin manami pishirqansu ni jatunpis ni takshapis ni olqu wamrapis ni warmi wamrapis. Apayashqan kaqkunataqa lapantami imaykankunatapis David shuntamurqan.

²⁰ Saynöpis apayashqan uyshankunata y wäkankunatapis lapantami David shuntamurqan. Shuntamushqan uywakunata kutisirmi qatiqkuna niyarqan: <<¡Kay uywakunaqa Davidpaqnami kaykäyan!>>

²¹ Besor raqraman chaykuyaptinmi saycho quëdaq ishkay pachak (200) runakuna yarqur taripäyarqan Davidta y paywan aywaykaq runakunata. Say runakunaqa pasaypa utikash karmi amalecita runakunata qatipayta mana kamäpakur Besor raqracho quëdakuyarqan. Paykunawan tinkurmi David kushikur winchikurqan.

²² Davidwan aywaq wakin yaqa runakunanami Davidta niyarqan: <>.

²³ Saymi David nirqan: <

²⁴ Qamkunaqa lutantami yarpaykäyanki. Rakipänakurqa pulanpurami rakipänakushun qepita täpaqkunawanpis y pelyaman aywaqkunawanpis>>.

²⁵ Say junaqpita pasami kananyaqpis Israel runakuna guërrapita apayämushqan kaqtaqa imatapis pulanpura rakipänakuyan.

²⁶ Siclag markaman chaykurnami imatapis shuntayämushqan kaqkunapita rakiskir Judácho kaykaq mayor runakunapaq David apasirqan. Apaqkunatami yäsirqan kayno niyänanpaq: <>.

²⁷ Saynölami apasirqan Bet-elman, Neguev Ramotman, Jatirman,

²⁸ Aroerman, Sifmotman, Estemoaman,

²⁹ Racalman, Jerameel runakuna täyashqan markakunaman, ceneo runakuna täyashqan markakunaman,

³⁰ Hormaman, Corasánman, Atacman

³¹ y Hebrónmanpis. Yanapaqninkunawan nawpata chäyashqan markakunamanqa lapanmanmi David apasirqan.