1 Samuel 26 - Tayta Diospa Wilakuynin

Saúlta yapay David mana wanusishqan

¹ Saypitanami Zif markacho taq runakuna Gabaa markaman aywaykur Saúlta wilayarqan: <> nir.

² Saycho pakaraykashqanta musyaykurmi Zif niyashqan sunyaq jirkaman Davidta ashiq Saúl aywarqan kimsa waranqa (3,000) alinnin kaq soldädukunata pushakurkur.

³ Haquila jirkaman chaykurmi näni nawpancho campamentunta Saúl sharkasirqan. Davidnami paykunapa simpan sunyaq jirkacho pakaraykarqan. Saymanpis Saúl qatipaykashqanta musyaskirmi

⁴ runakunata David kacharqan chäyashqanta o mana chäyashqantapis musyapakayämunanpaq.

⁵ Say runakuna kutiykayämuptinmi Davidpis Saúlpa campamentunman aywarqan. Chaykurmi rikarqan Nerpa surin capitán Abner y Saúl maynincho punushqantapis. Saynöpis rikarqan Saúlpa soldädunkuna jiruruypa nawpancho punuykäyashqanta.

⁶ Rikaykurmi Davidqa heteo runa Ahimelecta y Sarviapa wawan Abisaita nirqan: <<¿Mayqaykikunataq Saúl kaqman aywaptï walkimayta munayanki?>> (Abisaiqa Joabpa wawqinmi karqan.) Sayno niptinmi Abisai nirqan: <>.

⁷ Saymi say sakay Davidwan Abisai chäyarqan Saúl kaykashqan kaqman. Yaykurmi Saúlta tariyarqan jawnan nawpanman lanzanta jawiykur wanuyparaq punukash kaykaqta. Saynölami Abnerpis y soldädunkunapis nawpankunacho wanuyparaq punukash kaykäyänaq.

⁸ Sayno punuykäyashqanta rikaykurmi Davidta Abisai nirqan: <>.

⁹ Sayno niptinmi David nirqan: <<¡Ama wanusiysu! Tayta Dios akrashqantaqa manami wanusishwansu.

¹⁰ Tayta Dios destinashqan höraraqmi awkinyaypa karpis o guërracho karpis wanunqa.

¹¹ Saúlta mana wanusinäpaq Tayta Dios sapaykamäsun. Saypa trukanqa jukla aywakunapaq jawnan nawpancho jawiraykaq lanzanta y yaku purisikunanta jorqamuy>>.

¹² Saynöpami Saúlpa lanzanta yaku purisikunanta apakurkur aywakuyarqan. Tayta Dios paykunata pasaypa punukäsish kaptinmi ni mayqanpis mayayarqansu.

¹³ Nirkurnami Davidqa paykunapita karupaskir wak simpa lömaman wisarqan.

¹⁴ Saypitanami Abnerta y soldädunkunata qayakamurqan: <<¡Abner! ¡Rikchay!>> nir. Qayakamuptinmi Abner nirqan: <<¡Pitaq qam kanki reyman sayno qayakamunaykipaq!>>

¹⁵ Saymi David nirqan: <<¿Manaku qamqa ali chölu kanki? Israel nacionchöqa manami pipis qamno ali chölu kansu. Sayno kaykarqa ¿imanirtaq reyta cuidashkankisu? ¿Manaku mayashkanki payta wanusiq juk runa yaykamushqanta?

¹⁶ Cuidanaykipa trukan ¿imanirtaq punukäkushkanki? Tayta Dios akrashqanta mana cuidayashqaykipita lapaykimi wanusish kayankiman. ¡Maski ashiy jawnancho lanzanta y yaku purisikunanta!>>

¹⁷ Saymi David kashqanta tantiyar Saúl nirqan: <> Sayno niptinmi David nirqan: <

¹⁸ Sirvishuqniki kaykaptï ¿imanirtaq wanusimayta munar qatikachaykämanki? ¿Imatataq lutanta rurashkä?

¹⁹ Kanan nishqäta wiyaykalämay, taytay. Conträ kanaykipaq Tayta Dios yarpayta qoshuptikiqa sacrificiuta altarcho paypaqmi rupasishaq. Conträ kanaykipaq runakunala shimita jatipäyäshuptikiqa Tayta Dios paykunata maldicionasun. Paykunami jusayuq kaykäyan Tayta Dios qomashqansi nacionpita qarqush kar jäpa markakunapa purinäpaq. Say runakuna munaykäyan say markakunacho adorayashqan mana reqishqansi dioskunata adoranätami.

²⁰ Sayno munayaptinpis ¿imanirtaq Tayta Diospa nawpanpita karu markacho wanüman? ¡Pulgata ashiqnöpis ashimarmi shamushkanki! ¡Sakwatanömi jalqakunapa qatikachaykämanki!>>

²¹ Saymi Saúl nirqan: <>.

²² Sayno niptinmi David nirqan: <

²³ Alita o mana alita rurashqansipitapis Tayta Diosmi juzgamäshun. Saymi Tayta Dios akrashushqaykita musyar makïman churamushuptikipis wanusishkäsu.

²⁴ Kanan qamta respitar mana wanusishqänöla noqatapis Tayta Dios sapaykamäsun pipis mana wanusimänanpaq. Saynöla ima nakaypitapis jorqaykalämäsun>>.

²⁵ Sayno niptinmi Saúl nirqan: <<¡David! Tayta Dios lapanchöpis alilata ruraykunaykipaq yanapaykuläshunki>>. Saypitanami David aywakuptin Saúlpis wayinpana kutikurqan.