1 Samuel 25 - Tayta Diospa Wilakuynin

Samuel wanushqan

¹ Samuel wanuykuptinnami lapan Israel runakuna shuntakaykur waqayashpan tashqan Ramá markancho pampayarqan. Saypitanami David aywakurqan Parán niyashqan sunyaq jirkaman.

Davidta Nabal rabyanäsishqan

² Maón partichömi tarqan Nabal jutiyuq rïcu runa. Paypami karqan kimsa waranqa (3,000) uyshankuna y juk waranqa (1,000) cabrankuna. Paymi Carmel marka lädun majädancho milwata rutuykäsirqan.

³ Nabal karqan Caleb ayllumi. Pay karqan mana tantiyakuq y yaqa runami. Warmin Abigailmi isanqa kuyaylapaq y tantiyakuq karqan.

⁴ Carmelcho uyshankunata Nabal rutuykäsishqanta musyaykurmi

⁵ chunka yanapaqninkunata qayaykur David nirqan: <

⁶ niyanki:

⁷ Tayta Nabal, uyshaykita rutuykäsishqaykitami David musyash. Carmel particho uysha misiqnikikuna noqakunawan kaykäyänan wisan manami paykunata rabyanäsiyashkäsu ni imantapis yatapäyashkäsu.

⁸ Ashmaynikikunata tapuptikipis nikäyashqänöla kashqantami niyäshunki. Davidqa kuyay surikinöshi kaykan. Saymi fiestacho kaykäyashqaykita musyar ruwakushushpayki kachakayämash imalatapis voluntänikipita qepipäyämänaykipaq> >>.

⁹ David sayno yäsirkuptinmi yanapaqninkuna Nabal kaykashqanman chaykur yäsishqannöla niyarqan. Nirkurmi imata ninantapis upälala shuyaraykäyarqan.

¹⁰ Saynami Nabal nirqan: <<¿Pitaq say Davidqa? ¿Pitaq Isaípa surinqa? Payqa patronninpita qeshpiykurmi sayno puriykan. Kanan wisan ashmaykunaqa askaqmi sayno puriyan.

¹¹ Uysha rutuqnïkunalapaqmi tantata rurasishkä, yakutapis kamaripashkä y aysatapis yanukasishkä. Imatapis manami qarämansu mana reqishqä mostrengu runataqa>>.

¹² Sayno niptinmi Davidpa yanapaqninkuna jinayla kutikuyarqan. Chaykuyashpannami Nabal lapan nishqankunata Davidta wilapäyarqan.

¹³ Saymi David seqaypa rabyar espädanta kamarikuskir paywan kaykaq runakunata nirqan: <<¡Lapayki espädaykikunata kamarikuyay!>> Nirkurnami chusku pachak (400) runakunawan Nabal kaqman David aywarqan. Ishkay pachak (200) runakunanami campamentuta täpayarqan.

¹⁴ Sayman aywaykäyashqanta musyaykurmi Nabalpa juk ashmaynin Abigailta nirqan: <

¹⁵ Misikur puriyaptï paykuna alimi yanapäyämash. Manami rabyanäsiyämashsu ni imäkunatapis qechuyämashsu.

¹⁶ Saypa trukanqa junaqpapis sakaypapis uyshäkunata y kikïkunatapis alimi rikayämash.

¹⁷ Capazchir patronnïtapis noqansitapis David ushakäsimäshun. Runayki malgeniu kar imata nishqapis manami wiyamäshunsu. Kanan shumaq yarpachakuykulay imata ruranaykipaqpis>>.

¹⁸ Sayno wilaptinmi Abigail jukla kamarirqan ishkay pachak (200) tantata, ishkay barril vïnuta, pisqa uysha aysa kankashta, kimsa arröba pulan ankash trïguta, pachak (100) päsas tantata y ishkay pachak (200) hïgus tantata. Saykunata kamarikuskirmi ashnukunaman chaqnakurkur

¹⁹ ashmayninkunata nirqan: <>. Saykunata rurarqan runan Nabalta mana musyasiylapami.

²⁰ Ashnun loqash jalqapita pakaylapa uraykämushqanchömi Abigail rikarqan runakunata pushash David shamuykaqta.

²¹ Davidnami kayno yarpachakur aywaykarqan: <

²² ¡Nabalwan kaykaq lapan runakunata waray tutapaq wanushta mana waräsimuptïqa Tayta Dios fiyupa castigamäsun!>>

Davidta Abigail ruwakushqan

²³ Davidwan tinkuskirmi Abigailqa ashnunpita yarpuskir urkunpis pasaman töpashqanyaq Davidpa puntanman qonqurpakuykurqan.

²⁴ Sayno qonqurpakuykurmi nirqan: <

²⁵ Jutilanmanmi Nabal malgeniu kaykan. Pay imaypis lutankunatami parlan. Payta ama cäsupaysu, taytay. Noqa manami kachamushqayki runakunata rikashkäsu.

²⁶ <

²⁷ Kay apamushqä mikuyta yanapäshuqniki runakunawan mikurkuyälay.

²⁸ Noqatapis perdonaykalämay, taytay. Tayta Dios rayku pelyar purishqaykipitami Israel runakunapa mandaqnin rey kanki. Saynölami qampita miraqkunapis rey kayanqa. Kawashqaykiyaqqa manami pipis yatashunkisu.

²⁹ Pipis wanusishunaykipaq qatikachäshuptikiqa Tayta Diosmi sapäshunki. Imayka warakawan rumita warakaqnömi chikishuqniki runakunata jukläman qarqunqa.

³⁰ Tayta Dios promitishushqaykita cumplirmi Israel runakunapa mandaqnin rey kanaykipaq churashunki.

³¹ < Rey kanaykipaq Tayta Dios churashuptiki noqalätapis yarparkalämanki, taytay>>.

³² Niptinmi David nirqan: <<¡Israel runakunapa Tayta Diosnin alabash kaykuläsun! Paymi kanan tinkunansipaq kachamushushkanki.

³³ Kanan junaqmi sapämashkanki runakunata wanusinäpaq kaykaptï. Tayta Diospa makinman kachaykunäpa trukan runakunata wanusirqa lutantami ruräman karqan. Ali yarpayyuq kashqaykipita Tayta Dios yanapaykuläshunki.

³⁴ Jukla mana shamuptikiqa Nabalpa ayllun kaqkunata lapantami wanushta waräsimüman karqan. Tayta Diosmi kachamushushkanki qamkunata mana wanusinäpaq>>.

³⁵ Abigail apashqankunata chaskiskirmi David nirqan: <>.

³⁶ Saypita Abigail wayinman kutinanpaqmi ali alilata yanukaykasir reynöraq fiestata Nabal ruraykänaq. Pasaypa shinkash kaptinmi Abigail imatapis wilaparqansu waraynin tutayaq.

³⁷ Waraynin tuta shinkashqanpita kachakaskiptinnami wilaparqan ima päsashqantapis. Wilaykuptinmi shonqun rumiyaypa Nabalta atäqui sarikuykurqan.

³⁸ Saypita chunka junaqlatami Tayta Diospa castïgunwan wanurqan.

Abigailwan David tashqan

³⁹ Nabal wanushqanta mayaykurmi David nirqan: <<¡Tayta Dios alabash kaykuläsun! Paymi sapämash Nabalta wanusir jusalikunäpaqna kaykaptï. Manakaqman churamashqanpitami kikin Tayta Dios wanusish>>. Saypitanami warminpaq Abigailta shuntakuyta yarpar yanapaqninkunata David kacharqan yarpaykashqanta wilayänanpaq.

⁴⁰ Carmel partiman chaykurmi Abigailta niyarqan: <>.

⁴¹ Sayno wilayaptinmi urkunpis pasaman töpashqanyaq Abigail qonqurpakuykur nirqan: <>.

⁴² Sayno nirmi jukla kamarikushpan ashnunta loqakurkur y pisqa ashmaynin jipashkunata pushakurkur Davidpa yanapaqninkunawan Abigail aywarqan. Saynöpami Davidpa warminna rikakurqan.

⁴³ Saynölami Jezreel markapita kaq Ahinoam warmiwanpis David tarqan.

⁴⁴ Davidpa warmin Micaltanami taytan Saúl täsirqan Laispa surin Paltiwan. Palti karqan Galim markapitami.