1 Samuel 22 - Tayta Diospa Wilakuynin

Adulam machaycho David pakakushqan

¹ Saypita David aywakushpanmi Adulam machayman pakakurqan. Sayta musyaykurmi wawqinkuna y wakin ayllunkunapis pay kaqman aywayarqan.

² Saynöpis payman qelikäyarqan muchuq runakuna, jaqa pägayta mana aypäpakuq runakuna y jaqayash runakunapis. Saynöpami Davidpa munaynincho chusku pachak (400) runakuna kayarqan.

³ Saypitanami Moab nacioncho kaq Mizpa markaman David aywaykur say markapa mandaqnin reyta ruwakur nirqan: <>.

⁴ Ruwakushqanta awniptinmi machaylacho David pakarashqanyaq Moab nacionpa mandaqnin reypa makincho mamanwan taytan täyarqan.

⁵ Saypitanami Tayta Diospa profëtan Gad nirqan Davidta: <>. Sayno niptinmi David aywakurqan Haretcho kaykaq muntiman.

Nob markacho taq cürakunata Saúl wanusishqan

⁶ Saypitanami Judácho David kaykashqanta Saúl musyarqan. Say junaqmi Gabaacho kaykaq lömaman Saúl aywaykur tamarisco jacha chakincho lanzan aptash jamaraykarqan. Paywanmi soldädunkunapa lapan capitanninkunapis kaykäyarqan.

⁷ Paykunatami Saúl nirqan: <<¡Benjamín trïbu runakuna, shumaq wiyayämay! ¿Üva plantash chakrakunata y wakin chakrakunatapis Isaípa surin qoyäshunaykipaq kashqantaku yarpaykäyanki? Saynöpis ¿waranqa (1,000) soldädunkunapa o pachak (100) soldädunkunapa mandaqninkuna churayäshunaykipaq kashqantaku yarpaykäyanki?

⁸ ¡Sayno kaykaptinpis qamkunaqa lapaykimi conträ sharkuyashkanki! Saymi mayqaykipis wilayämashkankisu imaypis yanapänakuyänanpaq Isaípa surinwan surï Jonatán pactuta rurayashqanta. Manami mayqaykipis wilayämashkankisu ashmaynï conträ sharkunanpaq kikïpa surï yanapaykashqanta. Saymi kananqa wanusimänanpaq ashiykäman>>.

⁹ Edom nacionpita Doeg runapis Saúlpa capitanninkunawanmi saycho kaykarqan. Paymi nirqan: <

¹⁰ Imata rurananpaq kashqantapis David musyayta munaptinmi Tayta Diosta Ahimelec say höra manakurqan. Nirkurnami Goliatpa espädantapis mikuytapis kamaripash>>.

¹¹ Sayno niptinmi Ahimelecta y lapan cüra mayinkunatapis Nob markapita Saúl qayasimurqan. Paykunaqa say ayllulami lapan kayarqan. Chaykuyaptinmi

¹² Saúl rabyash nirqan: <<¡Ahitobpa surin, shumaq wiyamay!>> Niptinmi Ahimelec nirqan: <>.

¹³ Saymi Saúl nirqan: <<¡Imanirtaq conträ sharkunanpaq Isaípa surinwan parlakushkanki! ¡Nirkurpis cösaraqmi kamaripashkanki mikuyta y espädatapis! Saynöpis Tayta Diosta manakushkanki yanapänanpaq. Saymi kananqa wanusimänanpaq ashiykäman>>.

¹⁴ Niptinmi Ahimelec nirqan: <<¿Imanirtaq contrayki sharkushqanta yarpaykanki? ¿Manaku lapan capitannikikunapitapis Davidqa mandashqaykita lapanta ruran? Saynöpis payqa mashaykimi kaykan. Saynöpis rikashuqniki soldädukunapa capitannin kaptinmi pïmaypis palaciuykicho payta ali rikayan.

¹⁵ Manami kananraqsu paypaq Tayta Diosta manakuykä. Saynöpis manami musyashkäsu David contrayki sharkushqanta. Mana musyaykaptïqa noqata ni ayllükunatapis ama jitapäyämaysu>>.

¹⁶ Saymi fiyupa rabyashpan Saúl nirqan: <<¡Ahimelec, kananmi isanqa hörayki chämush lapan castaykikunawan ushakäyänaykipaq!>>

¹⁷ Sayno nirmi rey Saúlqa rikaqnin soldädukunata nirqan: <<¡Tayta Diosta sirviq cürakunata wanusiyay! Paykunapis Davidpa favorninmi kaykäyan. David qeshpiykashqanta musyaykarpis paykuna manami wilakasiyämashsu>>. Sayno niptinpis cürakunata wanusiyta mansakuyarqan.

¹⁸ Saymi rey Saúlqa Edom ayllu Doegta nirqan: <<¡Qam wanusiy!>> Niptinnami puwaq chunka pisqa (85) cürakunata wanusirqan. Say lapan cürakunami lïnupita rurash efodnin jatish kaykäyarqan.

¹⁹ Nirkurnami Nob markaman aywaykur Doegqa cürakunapa ayllunkunata espädawan wanusirqan olqutapis, warmitapis, wamratapis y ititapis. Saynölami wanusir usharqan say cürakunapa wäkankunata, ashnunkunata y uyshankunatapis.

²⁰ Say junaqmi Ahimelecpa juk surin Abiatar qeshpir David kaykashqan kaqman aywarqan.

²¹ Chaykushpanmi wilarqan Saúl mandaptin Tayta Diosta sirviq cürakunata wanusir ushashqanta.

²² Sayno wilaptinmi David nirqan: <

²³ Ama mansariysu. Kaycho noqakunawan täkuy. Noqawan kaykaptikiqa manami pipis wanusishunkisu. Ishkansitami wanusirqa wanusimäshun>>.