1 Samuel 18 - Tayta Diospa Wilakuynin

Jonatánwan David juramentu wawqita rurayashqan

¹ Saúlwan parlayta ushaskirmi Davidqa Saúlpa surin Jonatánwan reqinakuyarqan. Yanasa rikakurmi selläma kuyanakuyarqan.

² Saúlnami say junaqpita pasa Davidta churarqan yanapaqnin kananpaq. Saymi papänin kaqman kutinanta munarqansu.

³ Jonatánwan David selläma kuyanakurmi imaypis mana kacharinakuyänanpaq juramentu wawqita rurayarqan.

⁴ Nirkurnami Jonatánqa Davidta qoykurqan jatirashqan capötinta, tünicanta, espädanta, flëchanta y cinturonnintapis.

⁵ Imata rurananpaqpis mandashqanta shumaq David ruraptinmi soldädukunapa capitannin kananpaq Saúl churarqan. Saymi lapan soldädukunapis y Saúlpa yanapaqninkunapis seqaypa kushikuyarqan.

Davidta Saúl chikishqan

⁶ Goliatta David wanusishqanpita soldädukuna kutiyaptinmi Israel markakunapita warmikuna tinyankunata y panderëtankunata tukayashpan cantaraykar y danzaraykar rey Saúlta chaskikuq kushish yarquyarqan.

⁷ Sayno danzayashpanmi warmikuna cantar niyarqan: <>.

⁸ Sayno cantayashqanta wiyarmi Saúl fiyupa rabyakushpan nirqan: <>

⁹ Say junaqpitami Saúlqa Davidta nanaparar qalaykurqan.

¹⁰ Saypita waraynin junaqnami palaciucho arpata imaypis tukapashqanno David tukapaykaptinpis Tayta Dios kachashqan supay Saúlta seqaypa löcutäsirqan. Saymi aptaraykashqan lanzawan

¹¹ Davidta wanusiyta munar lanzaykurqan. Cada lanzaynin David kiskitakuskiptinmi ishkay kuti lanzarpis chäsirqansu.

¹² Saúlta yanapänanpa trukan Davidtana Tayta Dios yanapaykashqanta tantiyaykurmi Saúlqa Davidta pasaypa mansaparqan.

¹³ Saymi nawpancho kananta manana munashpan Davidta churarqan waranqa (1,000) soldädukunapa capitannin kananpaq. Saymi maypapis pelyaq aywar soldädukunata David pusharqan.

¹⁴ Pelyaq maypa aywaptinpis Tayta Dios alimi yanapaq.

¹⁵ Sayta musyaykurmi Saúlqa Davidta masraq chikirqan.

¹⁶ Israel y Judá soldädukunami isanqa Davidta kuyayaq maypa aywarpis ali pusharaptin.

Surinwan Davidta Saúl täsishqan

¹⁷ Juk junaqmi Davidta Saúl nirqan: <>. Saúl sayno nirqan kayno yarparmi: <>.

¹⁸ Surinwan täsiyta Saúl munaptinmi David nirqan: <<¡Imanöpataq pobri runapa surin kaykar qampa mashayki käman, taytay!>>

¹⁹ Mashan kayta mana munaptinmi Davidta täsinanpaq kaq tiempu chämuptinpis Mehola markapita Adriel nishqan runawan surin Merabta Saúl täsirqan.

²⁰ Saypitanami Saúlpa jukaq surin Mical Davidta kuyakurkurqan. Sayta musyaykurmi Saúl kushikushpan

²¹ yarparqan surinwan täsiq tumpala filisteo runakunapa makinman Davidta entregayta. Saymi Davidta nirqan: <>.

²² Saynöpis yanapaqninkunatami Saúl nirqan: < >>.

²³ Saymi Davidman aywaykur yachasishqannöla Saúlpa yanapaqninkuna niyarqan. Niyaptinmi David nirqan: <<¿Imanirtaq qamkuna sayno yarpäyanki? Pobri kaykarqa reypa mashan manami yaykümansu>>.

²⁴ Sayno niptinmi Saúlpa yanapaqninkuna kutiykur David nishqankunata wilayarqan.

²⁵ Saymi filisteo runakuna Davidta imanöpapis wanusiyänanta munar yanapaqninkunata Saúl nirqan: < >>.

²⁶ Say nishqankunata Saúlpa yanapaqninkuna Davidta wilayaptinmi reypa mashan kayta awnirqan. Saymi jitapashqan junaq manaraq chaptin

²⁷ yanapaqnin runakunawan David aywaykur ishkay pachak (200) filisteo runakunata wanusiyarqan. Mashan kananpaq awnish karmi say runakunapa ishpakunanpa jana qaranta rey Saúlman apaparqan. Saynöpami Davidta surin Micalwan Saúl täsirqan.

²⁸ Tayta Dios yanapashqanta tantiyar y surin Micalpis Davidta seqaypa kuyashqanta musyarmi

²⁹ Saúl masraq mansarirqan. Saynami wanushqanyaq Davidta fiyupa chikikurkurqan.

³⁰ Filisteo runakuna pelyaq shayämuptin wakin mandaq soldädukuna wanusiyashqanpita mas askatami David wanusiq. Saymi pïmaypis payta ali rikayaq.