1 Samuel 17 - Tayta Diospa Wilakuynin

Israel runakunata Goliat wajupashqan

¹ Saypitanami filisteo soldädukuna Soco markacho shuntakäyarqan Israel runakunawan pelyayänanpaq. Saymi campamentunta sharkasiyarqan Efes-damimcho. Efes-damimqa Socuwan Azeca markakunapa lindërunchömi karqan. Socuqa karqan Judá trïbu runakuna täyashqan kaqchömi.

² Rey Saúlnami Israel nación soldädukunawan Ela pampaman shuntakäyarqan filisteo runakunawan pelyayänanpaq.

³ Filisteo runakunapa campamentunmi wak simpacho karqan. Y Israel runakunapa campamentunnami kay simpacho karqan. Paykuna kaykäyashqan chawpinchömi juk pampa karqan.

⁴ Saychömi filisteo soldädukunapita yarqamurqan Goliat jutiyuq jatunkaray kimsa metruno soldädu. Payqa Gat markapitami karqan.

⁵ Goliatpa cascunpis chalëcunpis broncipitami karqan. Say chalëcuqa lasarqan pisqa chunka pisqa (55) kïlumi.

⁶ Saynöpis broncipitami karqan escarpinninpis lanzanpis.

⁷ Lanzanpa qerunpis telarpa awa qorikunano rakumi karqan. Say lanzanpa puntan fiërruqa lasarqan soqta kïlumi. Pelyaq aywaptinnami yanapaqninpis escüdun aptash puntanta aywaq.

⁸ Saychömi Israel soldädukunata wajupar Goliat nirqan: <<¿Imapaqtaq pelyaq askaq shayämushkanki? Noqaqa filisteo runami kaykä. Qamkunaqa Saúlpa ashmaylanmi kaykäyanki. Ali chölunninta kachayämuy noqawan pelyananpaq.

⁹ Say soldäduyki vincimaptinqa lapäkunami munaynikicho kayäshaq. Noqa vinciptïqa qamkunami noqakunapa munaynïcho kayanki.

¹⁰ Israel soldädukuna, qamkunatami kanan junaq nï: ¡Runa karqa mayqaykipis pelyaq shayämuy!>>

¹¹ Filisteo runa sayno nishqanta wiyaykurmi Saúl y lapan Israel runakuna seqaypa mansariyarqan.

Soldädukuna juntaraykäyashqanman David chashqan

¹² Saúl mandashqan wisanmi Beléncho tarqan juk awkin Isaí jutiyuq. Paypami puwaq surinkuna kayarqan. Juk surinpa jutinmi karqan David.

¹³ Isaípa kimsa kaq mayor surinkunapa jutinkunami karqan Eliab, Abinadab y Sama. Paykunaqa poquraykaq maqtakuna karmi Saúlwan guërraman aywayarqan.

¹⁴ Davidqa shulka surinmi karqan. Kimsa kaq mayor surinkunami Saúlwan guërraman aywash kayarqan.

¹⁵ Davidnami Saúl kaqman aywaq wawqinkunata watukaq. Nirkurmi Belénman kutiq taytanpa uyshankunata misinanpaq.

¹⁶ Goliatnami chusku chunka (40) junaq tutapapis tardipapis Israel runakunata saynöla wajupaq.

¹⁷ Juk junaqmi surin Davidta Isaí nirqan: <

¹⁸ Saynöpis soldädukunapa capitanninpaq chunka moldi quësukunata apay. Wawqikikuna imano kaykäyashqantapis shumaq rikamunki y ali kaykäyashqanta musyanäpaq imalankunatapis apamunki.

¹⁹ Paykunaqa filisteo runakunawan pelyayänanpaq Saúlwan y Israel mayinkunawan Ela pampachömi kaykäyan>>.

²⁰ Papänin sayno niptinmi Davidqa waraynin tuta saka sakala uyshankunata paytakuykur wawqinkunapaq apakuyta apar aywarqan. Chänanpaqmi Israel soldädukuna filisteo soldädukunawan pelyayänanpaq büllata rurar yarquykäyänaq.

²¹ Nirkurmi Israel soldädukuna y filisteo soldädukuna frenti frenti churanakuyarqan.

²² David chaykurnami täpakuqman qepinta paytakuykur soldädukuna kaqman cörrila aywarqan wawqinkuna imano kaykäyashqantapis rikaq.

²³ Wawqinkunawan saycho David parlaykaptinmi filisteo soldädukunapita Goliat yarqamurqan. Imaypis wajushqannöla Israel soldädukunata wajuqtami David wiyarqan.

²⁴ Goliatta rikaykurmi Israel soldädukuna pasaypa mansariyashpan campamentuman qeshpir kutikuyarqan.

²⁵ Saychömi Davidta niyarqan: <<¿Rikashkankiku wajumaqninsi runa manakaqman churamashqansita? Pipis taqay runata vinciq kaqtaqa rey Saúlshi imaykatapis kamaripanqa. Saynöpis warmi surinwanshi täsinqa y ayllunkunatapis manashi impuestuta cobranqanasu>>.

²⁶ Say nishqanta wiyaykurmi saycho kaykaq wakin runakunata David tapurqan: <<¿Imataq kanqa Israel runakunata wajupaq filisteo runata wanusiqpaq? ¡Pitaq say jusasapa runaqa kaykan imayyaqpis kawaq Tayta Diospa soldädunkunata wajupar manakaqman churaykunanpaqqa!>>

²⁷ Saymi soldädukuna Davidta niyarqan puntata niyashqannöla.

²⁸ Runakunawan David sayno parlaykaqta wiyarmi mayor wawqin Eliab rabyakushpan nirqan: <<¡Imaqtaq kayman shamushkanki! Jirkacho walkala uyshansita ¡pita kachapaykurtaq shamushkanki! Musyämi malgeniu kashpayki lutanta yarpashqaykita. Musyämi pelya rikäkuq shamushqaykita>>.

²⁹ Saymi David nirqan: <<¿Imatataq mana alita rurashkä? ¿Mananaku imalatapis parlarküman?>>

³⁰ Sayno nishpanmi wawqinpita jukläman witiykur wakintapis tapukurqan: <> nir. Tapukuptinmi wakinkuna niyashqannöla paykunapis niyarqan.

³¹ Sayno tapukushqanta wilayaptinmi Davidta Saúl qayasirqan.

Goliatta David wanusishqan

³² Saymi Saúl kaqman aywaykur David nirqan: <>.

³³ Sayno niptinmi Saúl nirqan: <>.

³⁴ Sayno niptinmi David nirqan: <

³⁵ taripaykur shiminpitami qechuq kä. Saycho tikrapämaptinqa chakawlapita aptarkurmi wanuqpaq sapiriq kä.

³⁶ Imayyaqpis kawaq Tayta Diospa soldädunkunata taqay jusasapa filisteo runa wajupar manakaqman churashqanpitami leontapis ukumaryapis wanusishqänöla paytapis wanusishaq.

³⁷ Leonpitapis ukumaryapitapis Tayta Dios salvamashqannölami taqay filisteo runapitapis salvamanqa>>. Saymi Saúl nirqan: <>.

³⁸ Sayno nirmi broncipita rurash cascuta y chalëcuta Davidta jatiparqan.

³⁹ Saypitanami espädata seqlanman jatikurkur Davidqa puriyta kamaykacharqan. Puriyta shumaq mana kamäpakurmi Saúlta nirqan: <>. Sayno nishpanmi lapan jatipashqanta loqtirirqan.

⁴⁰ Nirkurnami raqrapita pisqa ullushkunata bolsanman winakushpan tukruntawan warakanta aptakurkur Goliatwan pelyaq aywarqan.

⁴¹ Sayno aywaptinmi Goliatpis Davidwan pelyaq aywarqan. Goliatpa nawpantanami yanapaqnin runapis escüdun aptash yarqamurqan.

⁴² Kuyaylapaq maqta kashqanta rikarmi Davidta manakaqman churar

⁴³ Goliat nirqan: <<¿Alqu kashqätaku yarpanki tukruykiwan shamunaykipaq?>> Sayno nirmi diosninkunapa jutinkunata joqarir Davidta maldicionarqan.

⁴⁴ Nirkurmi nirqan: <<¡Mä, runa karqa shamuy! ¡Kananmi wanuskasir wiskurkunawan munti uywakuna mikuyäshunaykipaq jitarishayki!>>

⁴⁵ Sayno niptinmi David nirqan: <

⁴⁶ Kananmi makïman Tayta Dios churamushushkanki wanuskasir kunkaykita roqunäpaq. Saynölami wakin soldädu mayikikunapa ayankunapis wiskurkuna y munti uywakuna mikuyänanpaq mashtaräyanqa. Saynöpami maysaychöpis runakuna musyayanqa Israel runakunata yanapaq Tayta Dios lapanpaq munayyuq kashqanta.

⁴⁷ Saynölami kaycho shuntakash kaykaq runakunapis musyayanqa espädaynaqla lanzaynaqla Tayta Dios yanapämaptin vincishqäta. Tayta Diosmi noqakunapa favornï kaykan. Paymi qamkunata ushakäsiyänäpaq makïkunaman churayämushushkanki>>.

⁴⁸ Davidta atacaq Goliat aywaptinmi Davidpis cörrila atacaq aywarqan.

⁴⁹ Nirkurnami bolsanpita rumita jorquskir juk makila Goliatta urkuncho warakaykuptin urkuncho rumin jatipakush uksikaypa pasaman aywarqan.

⁵⁰ Saynömi espädan mana kaptinpis juk warakayla filisteo runata David wanusirqan.

⁵¹ Tuniskiptinnami Davidqa jukla akataykur Goliatpa espädanta jorqurishpan say espädawan päsarpasirqan. Nirkurnami kunkanta roqur umanta jorqurirqan. Alinnin kaq soldädunta wanusishqanta rikaykurmi filisteo soldädukuna qeshpir aywakuyarqan.

Filisteo soldädukunata vinciyashqan

⁵² Saymi Israel y Judá soldädukuna qaparäyashpan qati qatiykur wanusiyarqan Gat y Ecrón markakunayaq. Saymi Saaraimpita hasta Gatwan Ecrón markakunayaq aywaq nänikunacho filisteo soldädukunapa ayankuna jitaräyarqan.

⁵³ Qatikachäyashqanpita Israel runakuna kutiykurmi filisteo runakunapa campamentunpita imankunatapis apakuyarqan.

⁵⁴ Davidnami Goliatpa armankunata churaykurqan kikinpa toldun rurinman. Goliatpa umantami isanqa Jerusalénman aparqan.

⁵⁵ Filisteo runata David wanusiq aywaptinmi soldädukunapa capitannin Abnerta Saúl tapurqan: <<¿Pitaq say maqtapa taytan?>> nir. Sayno tapuptinmi Abner nirqan: <>.

⁵⁶ Saymi Saúl nirqan: <>.

⁵⁷ Goliatpa umanta janchash David kutiykämuptinmi Abner pusharqan Saúl kaqman.

⁵⁸ Saúlnami Davidta tapurqan: <<¿Pipa surintaq kaykanki?>> nir. Niptinmi David nirqan: <>.