1 Samuel 13 - Tayta Diospa Wilakuynin

Filisteo runakunawan Israel runakuna pelyayashqan

¹ Israel runakunata mandayta qalaykushqan wisan Saúl yäpa runanami karqan. Ishkay wata mandaq kaykarmi

² Israel runakunapita kimsa waranqata (3,000) akrarqan soldädunkuna kayänanpaq. Mana akrashqan runakunatanami nirqan wayinkunapa kutikuyänanpaq. Say kimsa waranqa akrashqan soldädukunapitami ishkay waranqata (2,000) akrarqan Micmascho y Bet-el jalqacho kikinwan quëdayänanpaq. Juk waranqa (1,000) soldädukunatanami kacharqan Benjamín trïbu runakuna täyashqan Gabaa markaman Jonatánwan aywayänanpaq.

³ Soldädunkunawan Gabaaman Jonatán chaykurmi filisteo runakunapa cuartilninta atacar soldädukunata wanusiyarqan. Sayno vinciyashqanta musyaykurmi Filistea nacioncho taq runakuna fiyupa rabyakuyarqan. Filisteo runakuna atacayänanpaq kashqanta musyarmi hebreo runakuna shuntakäyänanpaq cornëtata intëru Israel nacioncho Saúl tukasirqan.

⁴ Cada markacho shuntakäyaptinmi wilayarqan filisteo soldädukunata Jonatán wanusiyashqanta. Saynöpis wilayarqan filisteo runakuna fiyupa rabyash shamuykäyashqantami. Saymi filisteo soldädukunawan pelyayänanpaq Israel soldädukuna Gilgal markaman Saúlwan shuntakäyarqan.

⁵ Filisteo runakunapis shuntakäyarqan Israel runakunawan pelyayänanpaqmi. Filisteo runakunapami karqan kimsa chunka waranqa (30,000) carrëtankuna y soqta waranqa (6,000) cawallun loqash soldädunkuna. Chakilapa aywaq soldädukunanami kayarqan lamar kuchuncho aqunöraq yupaytapis mana atipaypaq. Paykunami shuntakäyarqan Micmascho. Micmasqa Bet-avén inti jeqamunan kaqläpami karqan.

⁶ Saymi Israel runakuna pasaypa mansariyashpan pakakuyarqan machaykunaman, raqrakunaman, qaqakunaman, zanjakunaman y saki pözukunamanpis.

⁷ Wakin kaqnami qeshpiyashpan Jordán mayuta simpar Gadläpa y Galaadläpa aywakuyarqan. Runakuna aywakuyaptinpis Saúlqa Gilgalchömi soldädunkunawan kaykäyarqan. Saychömi soldädunkunaqa pasaypa mansariyarqan.

⁸ Puntatami Samuelwan wilanakush kayarqan qanchis junaq saycho payta shuyänanpaq. Qanchis junaq Saúl shuyaraykaptinpis Samuel manami Gilgalman charqansu. Saymi runakuna waran waran qeshpir aywakuyaptin

⁹ Saúl nirqan: <>. Uywakunata apayaptinmi pishtarkasir rupasina sacrificiuta kikin Saúl rupasirqan.

¹⁰ Sacrificiuta rupasiyta ushaykaptinnami Samuel charqan. Chaykaqta rikaykurmi Saúl aywar Samuelta winchikurqan.

¹¹ Tinkurmi Samuel nirqan: <<¿Imanirtaq sacrificiuta rupasishkanki?>> Sayno niptinmi Saúl nirqan: <

¹² Yarpashkä Tayta Diostapis manaraq manakuptï atacayämänanpaq kashqantami. Saymi mana chämuptiki sacrificiuta kikïna rupasishkä>>.

¹³ Sayno niptinmi Samuel nirqan: <

¹⁴ Payta mana wiyakushqaykipitami juk runatana akranqa Israel runakunapa mandaqnin rey kananpaq. Say runaqa Tayta Diospa shonqunpaqnömi kanqa>>.

¹⁵ Nirkurnami Gilgalpita Samuel aywakurqan. Saúlnami soldädunkunata pushakurkur Benjamín trïbu runakuna täyashqan Gabaa markaman chäyarqan. Saycho soldädunkunata yupaptin soqta pachaklanami (600) kayarqan.

¹⁶ Saúl y surin Jonatánmi Gabaacho campamentuta rurayarqan. Filisteo soldädukunami campamentuta rurayarqan Micmascho.

¹⁷ Filisteo soldädukunami kimsa puntaman rakikaykur Micmascho campamentunpita yarquyarqan Israel runakuna täyashqan markakunata asulayänanpaq. Juk punta aywayarqan Sualcho kaykaq Ofra markaläpa.

¹⁸ Juk puntami aywayarqan Bet-horónläpa y jukaq puntanami aywayarqan Zeboim raqra janaqan sunyaq jirkamanpa.

¹⁹ Israel runakunata munaynincho sarararmi filisteo runakuna kachapäyarqansu ni juklaylapis herrëru kananta. Sayno kachapäyarqansu espädakunata ni lanzakunata rurayänanta mana munarmi.

²⁰ Saymi Israel runakuna filisteo runakunamanraq aywayaq planchonninkunata, lampankunata, jächankunata takasiyänanpaq y ösinkunata afilasiyänanpaq.

²¹ Planchonta y lampata takapashqanpitami puwaq grämu qellayta cobrayaq. Jächata y picata takapashqanpitanami chusku grämu qellayta cobrayaq.

²² Saynöpami filisteo soldädukunawan pelyayashqan junaq Israel soldädukunapa mayqanpapis espädan ni lanzanpis karqansu. Saúlpa y Jonatánlapami karqan.

²³ Juk grüpu filisteo soldädukunami aywayarqan Micmas nishqan raqraman Israel runakunata sapäyänanpaq.